Deuteronomy 23
Eeshorgi mishinggi marakta yaaohandaba
1 "Kanaagumba nupaa amagi phinunggi marum ani nattraga mashaagi hakchaangdu kakkhrabadi, Eeshorgi mishinggi marakta tinnaba yaade.
2 ”Mapa mashak khangdaba nattraga adugumba nupaadugi machaashingdu miron taraa houkhrabasu Eeshorgi mishinggi marakta thinba yaaroi.
3 "Amongi nattraga Moabki mishingdu miron taraa houkhrabasu Eeshorgi mishinggi marakta thinaba yaade.
4 Nakhoyna Egypt thaadoktunalakpa matamda makhoyna nakhoybu chaanaba chinjaak amadi thaknaba eeshing pikhide. Nakhoyna Mesopotamiyada leiriba Petor kouba lamduda taariba saaharda leiba Beorgi machaanupa Balambu kouraga nakhoygi nathakta shaap tounaba hotnakhi.
5 Adubu napuroi Eeshorna Balamna haayjakhibadu tabikhide. Ebungngo mahaakna nakhoybu nungshiba maramna shaapki mahutta bordum oihanbikhi.
6 Nakhoyna jaat amaa oinaa leiringeigi manungda makhoybu tengbaluganu aduga makhoybu chaaokhatnaba karisu touruganu.
7 "Edomgi mishingbudi thaoidaba toubiganu. Makhoysi nakhoygi mari matani. Egyptta leiriba mishingbu thaoidana toubiganu maramdi nakhoy makhoygi leibaakta matam amada leirambani.
8 Miron ahum shuraba matamda makhoygi machaa-masu-shingsu Eeshorgi mishinggi marakta tilhanba yaai.
Laanmi shingna leigadouba maphamdu shengna thamba
9 "Nakhoyna laangi matamda laanbanda leiba matamda, dharmagi thongdagi shengdaba potshingdu nakhoyna shokpa yaade.
10 Karigumba nupaa amanaa mamaangda kachha chatkhiduna masha shengdrabadi, mahaak laanbangi mapaanda thokkhraga mapaanda leiba taai.
11 Numit taarakpa matamda mahaak erujathokkadoubani. Numidaang oirakpa matamda laanbanda amuk changlakpa yaai.
12 "Laanbangi mapaanda potthaanabagidamak mapham amaa thamgadabani.
13 Nakhoygi khutlai oinaa chei amaa paisallu maramdi nakhoyna manung changningba matamda kom amaa shemlaga konna khot-chinba yaai.
14 Dharmagi chatnabi yengduna nakhoygi laanbandu shengna thamnaba hotnou maramdi nakhoygi napuroi Eeshorna nakhoybu ngaakpi shenbinaba aduga nakhoygi yeknabashingbu maaythiba pinaba laanbanda leibiri. Eeshorna shaaogadouba thabak amaa phaaoba nakhoynatouroidoubani.
Makhal makha kayaamarumgi chatnapathap
15 "Kanaagumba minaai amanaa mabungngo thaadoktuna nahaakki naphamda changjaraklabadi amuk haanna mahaakpu thabiganu.
16 Mahaakki apaamba matung ennaa nakhoygi saahar amada mahaakna leiba yaai aduga nakhoyna mahaakpu thina toubiroidoubani.
17 "Israelgi nupaa nattraga nupina ningnashangda lingkhatpa kasubikhanada peisa tanbagi thabak touba yaaroi.
18 Aduga asigumba thabak touduna tallakpa peisa nattraga mashannada nakhoygi napuroi Eeshorda waashak ngaakpa oinaa katlabasu yaaroi. Eeshorna ningnashangda touriba peisa tanbagi thabaksi tukuchei.
19 "Nakhoyna Israelgi kanaagumba nupaa amada peisa, nattraga chinjaak, nattraga atei potshing shaandokkhiba matamda, shaandokhriba pottugi sendoi louba yaade.
20 Lamlaanba kanaagumbada shaandokkhiba oirabadi nakhoyna sendoi louba yaai. Adubu Israelgi narup napangshingda shaandokkhiba oirabadi louroidoubani. Haayriba pathapsi ellu adu oirabadi nakhoygi napuroi Eeshorna nakhoyda pinabigadouriba leibaaktuda nakhoybu kubigani.
21 "Nakhoygi napuroi Eeshorgi maphamda karigumba waashak amaa leikhrabadi madu tokthokkanu. Eeshorna nakhoygi waashaktu kao-thokte. Shaakkhiba waashaktu ngaakna chattrabadi madu araanba amani.
22 Eeshorgi makada shari pandom lomkhidabadu araanba natte adubu
23 Nahaakna nashaana shaakkhiba waashaktudi ngaakna chatkadabani.
24 "Nakhoyna kanaagumba nupaa amagi angurgi engkhon phaaoduna chatpa matamda Chaaningba makhei chaaba yaai adubu yomduna pubadi touroidoubani.
25 Kanaagumba amagi mahei maronggi loubuk phaaoduna chatpa matamda, nakhutna phangna hektuna Chaaningba makhei chaaba yaai adubu thaanggol paayduna khaaobadi yaade.