Zechariah 2

Ulum uba

2 atoppa matam amadasu ulum amaa pairaga lepliba nupaa amaa eina urammi. 2 Eina hanglammi, “nahaak kadaayda chatlibano?" Mahaakna khumkhi, "Jerusalem kayaa chaaoba amadi sangba khangna-naba onnanaba chatlibani."

3 Eingonda waa ngangbiriba duttuna manglomda changsillakpadu urammi adu-ga matamsida atoppa dut amanaa mahaakki maaykei tamna changsillaaklammi. 4 ahaanba duttuna akonbagi aduda haayrammi, "Khonglei thuna chatlaga lamonjei pairiba nupaaduda asumna haay-u maadudi Jerusalemda saa-san asukki matik maraang kaaygani chekpan khagatnaba mapham leiroi. 5 Eesor-na waasaktana haaybikhre maadudi ebungngo makna meigi chekpan oinaa Jerusalembu cheksinna ngakkani. ebungngona maphamduda matam leibada ngaanthoibigani."

Laanpha oinaa chatkhibasing hallakpa

6-7 Eesor-na misingda paaoutaakpiri: " Eina naroi naran takpamakhei nakhoybu chaaynahankhibani. adubu houjikti laanphasing, Babylon thaadoktuna Jerusalemda laaklo.

8 nakhoybu mangnaba toubasingdu eigi mamal yaamlaba pot amaa manglaba toubasingni lougani."

Asumna paanggallaba Eesor-na ebungngo-gi misingbu neikhiba Jaatsingdugi mathakta paaojelsi thaarakli: 9 " Eesor masaamakna nakhoygi mayokta laanthengnagani. Matam amada nakhoygi nanaai oirambasingduna nakhoybu tumna maanghan-gani. "pumnamaksi thokpa matamda paanggallaba Eesor-na Eibu thaarakpani khanggani.

10 Eesor-na taakpiri, "Jerusalemgi mising, haraao tayaamna eseisak-u. nakhoygi narakta eihaak leigani."

11 Matamduda Eesor-gi khuyaakhaada jaat kayaamarum changjarakkani adugaa ebungngo-gi mi oigani. ebungngona nakhoygi narakta leigani adugaa matamduda ebungngona eibu thaarakpani haayba khanggani. 12 Judah nouhounana ebungngo-gi asengba lan oigani adugaa Jerusalem ebungngona  thoidok thoidokna nungsijaraba sahar oigani.

13 ebungngo-gi asengba phambaaldagi lengtharak-pa matamda taaibang mioibasing, waahei makaa lamganu.