2 Chronicles 2

Ningnashang shaanaba thouraang touba

(1 Ning 5:1-18)

1 Ningthou Solomonna Eeshorbu khurumnaba ningnashang amaa aduga mahaak mashaana leinanaba konung amaaga sarage haayna mapukningda leplammi.

2 Maramsina haayriba thabaksi paangthoknabagidamak ningthou Solomonna mi 70,000 Thabak shunanaba thoudarammi. Mi 80,000 na chingda chattuna nung kaknaba thoudarammi, aduga mi 3,600 na thabak touriba miyaamdu yengshinnaba haplammi.

3 Solomonna Tyregi ningthou Hiramda paao amaa thaakhi: " ningthou, epa Davidta konung sananaba haayduna deodar pikhiba adugumna houjiksu eingonda pibiyu.

4 Epuroi Eeshorgi ningnashang amaa shaage haayduna thouraangli. Haayriba ningnashangsida dhup tattana thannaba aduga ashengba taldu matam leibada katnanaba amadi haayribashingsi Araan-chaakkhaangba numit aduga thanil numit amadi Israelgidamak ashengba numitni haayna lepkhrabashingduda tounanabagidamakni.

5 Eina sagadouriba ningnashangsi yaamna chaaogadouribani maramdi eikhoygi epuroina laaishingdagi henna chaaoi

6 Ebungngo mahaakpu nongmadonna phaaoba koishinduna thamba ngamde. Adu oirabadi ebungngo mahaakkidamak kanaana ningnashang shaaba ngamgadege?

7 Maramsina sanaa, silver, yot amadi pithraainachingbagi thabak shubaa heiba misu thabirak-u. Adugumba nupaadu mureinaba, ngaangleinaba amadi angaangba machugi phinachingba shaaba heigadabani. Epa Davidna sindamhallamba Judah amadi Jerusalemda leiriba khutsa heiraba mishingsina mahaakka loynanaa thabak shugadabani.

8 Deodar amadi thangji dagi shemba khangen-nachingba Lebanandagi thabirak-u. Maramdi ningthougi nanaaishingna u yaanbadi soide haayba eihaak khang-e. Eigi enaai kharasu ningthougi nanaaishingbu tengbangba oinaa thajarakke.

9 Makhoy punna thabak shuminnaduna khangel-nachingba thouraang tousanu eina shaage ningliba ningnashangsi thoina angakpa amadi achouba oihanning-e.

10 U-nan-gadouriba ningthougi nanaaishinggidamak eina ata bora 20000, phou bora 20000, yu baths 20000, amasung Chorphongi thaodu baths 20000 Thaarakkani."

11 Ningthou Hiramna Solomonda chithi amaa thara klammi. maduda mahaakna haayrammi, "Eeshorna mahaakki mishingbu nungshibiba maramna nahaakpu makhoygi ningthou oinaa shembire.

12 Maramsina Israelgi Eeshorbu thaagatlu. Ebungngodi maalem amadi nongmadon anisibu shembiba mapuni. Ebungngo mahaakna ningthou Davidta waakhal loushing leiba, khujin thouraang heiba machaanupa amaa pinabire. Nahaakna Eeshorgidamak ningnashang amaa shaage aduga loynanaa konug amasu shaage hotnahalliba Eeshor napuroidu yaaiphaba oisanu. 

13 Yaamna khangheiba, loushing leiba nupaa amaa eina thabak adugi damak thajakhrabani. Mahaakki maming Huram koubani.

14 Mahaakpu pokpi mamadi Dangi shaageidagini. Aduga mapaana Tyredagini. Haayriba nupaasi sanaa, silver, pithraai, yot, nung amadi udagi shaaningba pot sadokpa ngamba amani. Ngaangleinaba, higog, muna ngaangba shaaba amadi mugagi phinachingba loina heiba nupaa amani. Asidasu nattana yekkhotpa, thokhallu haayba mawongda mayek thok-hanba ngamba nupaa amani. Ningthou Davidki khutsaheibashingduga mahaakka leiminnahallu.

15 Aduga ningthouna taakpirakpa ata phou thaao amadi yunachingbadu shoydana thaabiraknaba toubiyu.

16 Changgadouba u pumnamak Lebanandagi yaallaga thajarakkani. Yallaba matungda Joppa taanna eeshingda thadarakkani. Maphamdudagi ningthouna Jerusalem phaaoba puba laaina thoklagani."

Ningnashang shaagatpa houba

 (1 Ning 6:1-38)

17 Ningthou Davidna leiringeida thikhiba mikok adugumna Jerusalemda leiriba lamlaanba mishinggi mishingdu ningthou Solomongi matamdasu thihankhi. Matamduda lamlaanba mi 153,600 oirammi.

18 Makhoygi maraktagi pot punnaba mi 70,000. Mi 80,000-na chingda chattuna machak thihallammi. 3,600-na thabak yengshinnaba mishing oinaa leihankhi.