Nehemiah 12
Purohot amadi Levishinggi mishing
1 Purohitlen Joshua amadi Sealtielgi machaanupa Zerubbabelga loynanaa laanmi oinaa chatlubadagi hallakkhiba purohit shing amadi Levishinggi mishingdu makhaada piribasini:
2-7 Purohit shing: Seraiah, Jeremiah, Ezra, Amariah, Malluk, Hattus, Sekaniah, Rehum, Meremoth, Iddo,Ginnethon, Abijah, Mijamin, Moadiah, Bilgah, Shemaiah, Joiarib, Jedaiah, Sallu, Amok, Hilkiah amadi Jedaiah. Haayriba mishingsi Joshuagi matamda purohit shinggi manungda shingthaanaba yaraba oirammi.
8 Levishing: thaagat eshei shakpa matamda makhaada paalliba mishingsina pangthoklammi: Jesua, Binnui, Kadmiel, Serebiah, Judah, amadi Mattaniah,
9 Eshei shakpa matamda awaai akhumgi kaanglupta makhaada paallibashingsina oirammi: Bakbukiah, Unni, amadi makhoyga loynariba Levishing.
Purohit Joshuagi chaaron-shuronshing:
10 Joshuana Joiakim pok-e, Joiakimna Eliasib, Eliasibna Joiada,
11 Joiadana Jonathan, aduga Jonathanna Jaddua pokkhi.
Purohit shinggi emung manunggi luchingbashing
12-21 Joiakimna purohitlen oiba matamda purohit shinggi emungshinggi luchingbashingdu makhaada piribashingsini:
Purohit Saagei
Meraiah Seraiah
Hananiah Jeremiah
Mesullam Ezra
Jehohanan Amariah
Jonathan Malluchi
Joseph Sebaniah
Adna Harim
Helkai Meraioth
Zechariah Iddo
Mesullam Ginnethon
Zichri Abijah
Minithin Miniamin
Piltai Moadiah
Sammua Bilgah
Jehonathan Shemaiah
Mattenai Joiarib
Uzzi Jedaiah
Kallai Sallai
Eber Amok
Hasabiah Hilkiah
Nethanel Jedaiah
Purohit amadi Levishinggi emunggi cheitharon
22 Purohit amadi Levishinggi emunggi cheitharon makhaada paalliba purohitlen-shingsigi matamda eduna thamlammi: Eliasib, Joiada, Jonathan, amadi Jaddua. Haayriba cheitharonsi Persiagi ningthou Dariusna paanba matamda eba loikhi.
23 Adubu Levishinggi emunggi cheitharonsi Eliasibki masunupa Jonathangi matamdu phaaobada thengnakhi.
Ningnashangda thouda piba
24 Hasabiah, Serebiah, Jesua, Binnui, amadi Kadmielgi makhaada Levishing kaanglup kaanglup khaaidokhi. Epuroigi manaai ningthou Davidna taakpikhiba matung ennaa epuroibu thaagatpa matamda kaanglup ani anina awaai akhum touduna eshei shaklammi.
25 Makhaada paalliba thongakpashingsina ningnashanggi pukei pannakhi: Mattaniah, Bakbukiah, Obadiah, Mesu-llam, Talmon, amadi Akkub.
26 Haayriba mishingsi purohitsu oiba, puya yaamna heiba Ezra, amadi Nehemiahna leibaak ngaakpa oiba matam, aduga Jehozadakki masunupa Joiakimgi matamda leirammi. Joiakimgi mapadi Joshua oirammi.
Nehemiahna saahargi chekpandu shaagatpa loiraga thounijaba
27 Jerusalemgi akoybada chankhatkhiba chekpandu loirabada thaagat eshei shaktuna pere amadi jhalnachingba paayduna shengdokpagi thounibada yaaonanabagidamak mapham khudingda leiriba Levishingbu koukhatkhi.
28 Jerusalemgi akoybada taariba Levishing,
29 Bethgilgal, Geba, amadi Azmavethnachingba maphamda taariba Levishing loina laakkhi.
30 Purohit amadi Levishinggi masha shengdoklaga miyaambu shengdokkhi aduga maasi loirabada Jerusalemgi thonggal amadi chekpandusu shengdokkhi.
31 Numitsida eina Jerusalemgi luchingbashingdu chekpangi mathakta katkhathallammi. Aduga epuroigi khuyaakhaada thaagat eshei shakladuna kaanglup ani thokna chatliba miyaamdu shennanaba yaathang toukhi. Ahaanba kaanglup aduna amot akai hundokpham oiriba thonggal adomda chekpan mathakta chatlammi.
32 Eshei shakpashingdugi matungda Hosaiah chatlammi aduga mahaakki tungda Judahgi ahanshing tangkhay amarom enkhi.
33-35 Makhaada paalliba purohit shingsina pere khongduna tung ellammi: Azariah, Ezra, Mesullam, Judah, Benjamin, Shemaiah, amadi Jeremiah. Mathangda Shemaiahna pokpaa Jonathangi machaanupa Zechariah chatlammi, (mahaakki shaageida Mattaniah, Micaiah, amadi Zaccurnachingba Asaphtagi houkhibashingsu yaaorammi)
36 Mahaakki matungda shaageigi mishingna tung enkhi: Shemaiah, Azarel, Milalai, Gilalai, Maai, Nethanel, Judah, amadi Hananni. Makhoyshingsina epuroigi manaai Davidna paikhiba esheigi khutlai adugumba paikhi. Khongchatpasida puya heiraba Ezrana luchingba oikhi.
37 Davidki saahargi siri kakhatladuna eephut thorakpham thonggal youba phaaoba chatkhi. Chekpan hougatliba maphamdudagi Davidki konung tungoinana thamlaga nongpokta eeshing thokpham thonggal youkhi.
38 Makhoysi nattaba thaagat eshei shakliba kaangbu amanaa chekpan kakhattuna oi-thangba nakanda chatlammi. Eihaak makhoygi tung enkhi. Apaakpa chekpandu younaba eikhoyna leiranggi awaangba yum kounaba maphamdu phaaoduna chatlammi.
39 Maphamsigi yaao thonggal younnaba Ephraim thonggal, Jesanah thonggal, ngaagi thonggal, Hananelgi thonggal amadi chaammagi thonggal laanduna chatlammi.
40 Asumna epuroibu thaagatliba kaanglup ani adu ningnashanggi lamkheida thungkhi. eigaa loynanaa chatkhiba luchingbashingdugi mathakta makhaada paalliba mishingsi eigaa loynarammi:
41 Eliakim, Maaseiah, miniamin, Micaiah, Elioenai, Zechariah, amadi Hananiahni makhoyna pere khonglammi.
42 Makhoygi tung enbashingdi Maaseiah, Shemaiah,Eleazar, Uzzi, Jehohanan, Malchijah, Elam, amadi Ezer oirammi. Jezrahiahna luchingliba eshei shakpashingduna ngamjabi thaaduna eshei shak-e.
43 Haayriba numitsida thou kayaamarum paangthokkhi aduga epuroina makhoybu pukning makaa lamhanbikhiba maramna thoidokna haraao tayaamna pumnamaksi paangthokkhi. Nupi amadi angaangshingsu haayriba thounisida yaaokhi. Miyaamduna tinba matamda thokkhiba khonjendu athaappa mapham phaaoba taakhi.
Ningnashangda thounigidamak pujarakhiba potshing
44 Puyagi matung ennaa Levi amadi purohit shinggidamak manaak nakpa saahar-shingdagi khomjingadouba chahigi oiba amunba mahei marongshing, amadi akat-potshingdu khomjinlaga langeida thamlammi. Maasi ningnashanggi langeiduda thamkhi. Judahda leiriba mishingdu purohit amadi Levishingbu lunaa channa tourammi.
45 Makhoyna epuroigi yaathang matung ennaa shengdokpagi thouni amadi atei eratpanachingba paangthokkhi. Ningthou David amadi mahaakki machaanupa Solomonna taakpikhiba matung ennaa ningnashanggi eshei shakpashing amadi shennariba shingduna mathou paangthokkhi.
46 Ningthou David amadi Asaphki matamdagi houraduna eshei shakpashingna epuroibu thaagatpa matamda eshei shaakkhi.
47 Zerubbabel amadi Nehemiahgi matamda miyaamna ningnashanggi eshei shakpashing amadi pannaribashingdugidamak athenpot chaang naaina katkhi. Miyaamna Levishinggidamak ashengba thougi potshing katlammi aduga Levishingna purohitki sharuk tamkhi.