Song of Solomon 6
Nupina maakha taana seithaba
6 Chanura singgi-lakta Khwaaidagi ningthirabi, nahaakki channathoibadu kadaayda chatkhrabage? eikhoyna nahaakki nateng pang-binaba haay-u nahaakki nungsi thoibadu maaykei kadomda pangkhrabage.
Aatoppa nupi amanaa amuk khumlakpa
2 Chatkhre eigi channathoibadu umangda mahaakki houriba manam nungsiraba upaansing thanna. Mahaakna leikon heikonda yaaosingbu machak pijaraduna khomjil-li tharo thariktha kayaa amasu.
3 Eigi nungsi thoibadu eigini adugaa eisu mahaakkini. Tharo tharikthagi marakta mahaakna yaaosingdu machinjaak pijari.
Mangasuba esei tangkak
Nupaana khumlakpa
4 Nungsithoirabi, nahaaksi Jerusalemgi matougumna ningthijei, yengbada phajei Tirzah kouba sahardugi matougumna. Thoidokna chaaoraba saharsinggi phajaba matougumna hainingai leite.
5 Nahaakki namittuna eibu bandi oinaa phari Gileadki chingdondagi kumtharakliba yaaosinggi matougumna nahaakki samlangdu eina thekna jaagoi sari.
6 Irujathokpibada ngaairiba yaaosinggi matougumna nahaakki nayadu yengbada pumngou ngouwi. asoy angaam amaa phaaoba leite, kayaada phajakhraba yatano.
7 Maikhumphi haptunasu maaythongdu mangaanli. 8 Leijasanu ningthougi maharani 60, thamjasanu atoppa nupi 80, thijarusanu leisaabi masing laakngamdana.
9 Eidi amakhaktabu nungsijei angouba khunugi matougumna ningthijei mahaakti. Pokchabani mahaak mamaana matomta, nungsijariba mamaana thamoi lupna. Chanura khudingna mahaakpu yenglaga thaagatnari, maharanising amadi atonbisingna mahaakki. Matoutabu thaagatnei.
10 Yengthorakpada ayukki matougumna sengliba asi kanaano? Numit thaana nganbagi matougumna, mahaak phajei amadi taru tanalli.
11 Badam paambi-singgi marakta chat-tuna, leitem mannaba lamdamda houriba anouba paambi-singdu yengnanaba, angurda pallakliba anouba manasing yengnanaba, kaphoi paambida satliba mapaansingdu yengnanaba laakkhi.
12 Eihak thak thak nikle, oihalle eibu laanphamda laan changliba dolai thouba nupaa amagi matougumna nahaakki nungsi ekhou laangbaduna.
Nupina khumlakpa
13 Sajaro jagoi, Sulamda leiriba nupisa, nakhoyna jaagoi sabadu eikhoybusu
yenghallu.
Nupina Amukka khumlakpa
Yengduna leiriba misinggi marakta eina jaagoi saaba matamda nahaakna yengninglibadu karigino?