Luke 18
Haaijabagi maramda Jesus-na taakpiba
18 Amasung makhoyna tattana haayjaba amasung pukning hanthadanaba touba taare haayba asi khanghannanaba ebungngona paandam amaa makhoyda haayrak-e,
2 Karigumba sahar amada Eesor-bu kidaba amasung mibu ekaai-khumnadaba waayel mapu amaa leirammi. 3 adugaa sahar aduda lukhraabi amaa leirammi, amasung mahaakna maangonda toyna laaktuna, eigi yeknababu laman khumbiyu, haayjarammi.
4 aduda mahaakna matam khara phaaoba yaramde; adubu adugi matungda mahaakna mapuknungda haay, eina Eesor-bu kidaba amasung mibu ekaai-khumnadaba oirabasu, 5 lukhraabi asina eibu otpagi maramna, manaa tattana laaktuna eibu waahan nanghandananaba , eina maagi damak laman khumbige.
6 maaduda Eesor-na haay,
dharmachendaba waayelba aduna kari haayba taao. 7 adugaa Eesor-da ahing nungthil laojaba ebungngo mahaakki khan-gatpasinggi damak ebungngo mahaakna laman khumbiroidra? Amasung ebungngo mahaakti makhoydi damak khangbiheiba nattra? 8 Eina nakhoyda haayri, ebungngo mahaakna makhoygi damak thuna laman khumbigani. Adum oinamakpu migi machaa nupaa aduna lenglak-pada prithibida thaajaba phanggadra?
9 Amasung makhoydi dharma chenbani amasung atei pumnamakti karisu natte haayna masa mathantada thaajaba kana kanaagumba aduda ebungngona paandam asisu haay,
10 mi anina haayjana-naba Eesor ningna sangda kare; amadi pharisini adugaa atoppa adudi khaajana thoubani. 11 pharisi aduna leptuna masa mathantada asumna haayjei, he Eesor, eina ebungngobu khurumjari, maramdi eidi namja namtheknaba, dharma chendaba, nupi lennaba atei misinggumba natchade, adugaa khaajana thouba mi asigasu mannaba natte. 12 eidi chayonda anirak chara helli, eina phangjaba pot pumnamaktagi saruk taraagi amaa katchei.
13 touegumsung khaajana thouba aduna thaapna leplaga, swargaromda mamit phaaoba pangkhatningde, adubu mathabaak yeiduna haayjei, he Eesor, paap-chenba eingonda thoujanbiyu.
14 Eina nakhoyda haayri, atoppa adu natte, adubu mi asi dharma chenbani haayna singthabiduna mayumda kumkhre; maramdi masaabu chaaohanjaba mi khudingbu nolhn-gani, adugaa masaana nollukchaba mahaak adubu chaaohanbigani.
Jesus-na angaang-singbu bor pibiba
( Matthew 19.13-15; Mark 10.13-16 )
15 Amasung ebungngona sokpinanaba makhoyna angaang machaa-singsu ebungngo-da pujaraklammi; adubu sebok-singna ubada makhoybu cheihatlak-e. 16 touegumsung Jesus-na makhoybu kousinduna haay, eingonda apikpa angaang-sing lakchasanu, makhoybu khaamganu; maramdi Eesor-gi leibaak adu asigumba makhoygini. 17 Eina nakhoyda thaanggei sengna haayribani, apikpa angaang-gumna Eesor-gi leibaak loudaba kanaagumba aduna maaduda supchang changloi.
Lomba naaidaba hingba, amasung laanna palhanba
( Matthew 19.16-30; Mark 10.17-31 )
18 Matung aduda kanaagumba mapu amanaa ebungngobu hanglak-e, aphaba oja, eina kari touraga lomba naaidaba hingba adu phangpham thokkadage?
19 maaduda Jesus-na maangonda haay, nangna eibu karigi aphaba koubage? Amata ngaayba Eesor nattana aphaba kanaasu leite. 20 nupi laannaganu, mi hatkanu, huranganu, chumdaba saakhi piganu, napaa namaabu ekaai khumnou, haayba yaathang asi nahaakna khang-e.
21 adugaa mahaakna haay, pumnamak asi eina angaang oiringeidagi ngaakcharak-e.
22 Amasung Jesus-na maasi taarabada, maangonda haay, houjik nang thabak amaa waatli. Nanggi areiba pumnamak yonthoktuna laairaba-singda yenbiyu, adugaa swargada nanggi laal leigani; adugaa laak-u, etung enja-raraao. 23 touegumsung mahaakna waaram asi taarabada, mapukning yaamna waaba oirakle, maramdi mahaakti yaamna enaak-khunbani.
24 maaduda Jesus-na mahaakpu uduna haay, enaak-khunba makhoy aduna Eesor-gi leibaakta kayaada lunaa chang-gadabano. 25 maramdi enaak-khunba mina Eesor-gi leibaakta changbadagi ut amanaa yettum manaada litpana henna laay.
26 maadu tabasingna haay, adu oirabadi, kanaana araan khubam phangba ngamgadage?
27 touegumsung ebungngona haay, misingdadi oithoktaba adu Eesor-dadi oiba ngaktani.
28 adugaa Peter-na haay, yengbiyu, eikhoyna pumnamak thaadokchaduna ebungngo-gi tung enjare.
29 maaduda ebungngona makhoyda haay, eina nakhoyda thaanggei sengna haayribani, Eesor-gi leibaakki damak mayum, matu, machin manaao, mapaa mama, machaasing oirabasu thaadoklabadi, 30 Mahaakna matam asida saruk yaamna henna adugaa laakkadaba taaibang paanbada lomba naaidaba hingba phanggani.
Jesus-na mahaakki sibagi waaram maangjounana tambiba ahumlak suba
( Matthew 20.17-19; Mark 10.32-34 )
31 adudagi ebungngona taraanithoi adu puthokladuna, makhoyda haay,
yeng-u, eikhoy Jerusalem taanna kaari, amasung Eesor-gi waa taakthokpa singna ekhiba pumnamak adu migi machaa nupaa adugi maphamda ethung thunggani. 32 maramdi mahaakpu atoppa Jaatsingda pithok-kani, mahaakpu noknagani, tachop tachopna laknagani, maangonda tin-sitchin-gani; 33 Amasung thina yeiraga haatkani; adugaa numit humni subada mahaakna hinggatkkani.
34 Amasung makhoyna waaramsing asi kari amata khangde; adugaa ngaangthok-khiba asi makhoydagi thupna leirabanina kari haayriba adu makhoyna khnglamde.
Jesus-na mittaangba amabu phahan-biba
( Matthew 20.29-34; Mark 10.46-52 )
35 asum thoklare, ebungngona Jerichoda naksil-lakpada, kanaagumba mittaangba amaa chaak niduna lambi mapaanda phamlammi. 36 adugaa miyaamna chatliba adu taaduna, thokliba asi karino, haayna mahaakna hanglabada, 37 makhoyna maangonda taakpire, Nazarethki Jesus lengli. 38 maaduda mahaakna laaona haayjei, Davidki machaa nupaa, Jesus, eibu nungsibiyu. 39 adugaa mangthakhibasingna mahaak tuminna leigadabani haayna mahaakpu cheihat-lammi; adubu mahaakna thoina henna laojarammi, Davidki machaa nupaa, eibu nungsibiyu!
40 maaduda Jesus-na leptuna, mahaakpu enaakta chingbiraku haayna yaathang pire; adugaa mahaakna naksillaklabada, ebungngona maabu hang-e, 41 Eina nanggi damak kari toubiba paambage?, maaduda mahaakna haayjei, Eesor, eihaak ubaa phangja-ning-e.
42 adugaa Jesus-na maangonda haay,
uba phangjaro; nanggi thaajabana nangbu phahanbire. 43 Khudak adumaktada mahaakna ubaa phangjare, adugaa Eesor-gi matik mangaan sonjaduna ebungngo-gi tung eenjarammi; amasung mi pumnamakna maasi ubada Eesor-bu thaagat-chaare.