2 Kings 21
Judahgi ningthou Manasseh
(2 Miron 33:1-20)
1 Manassehna ningthou oiba matamda mashaagi chahi taraanithoida shurammi. Mahaak Jerusalemda ningthou oiduna chahi yaangkheimanga paankhi. Mahaakki mamaagi maming Hephzibah kourammi,
2 Israelgi mishingna laakpa matamda leiramba mishingna chatlamba tukka chaaraba lamchattu mahaakna chatkhi. Eeshorna taanthokkhiba mishingdugumna mahaakna phattaba thabak kayaa tourammi. Eeshorgi mityengda mahaak leikha taaba mi oikhi.
3 Mapaa ebungngo Hezekiahna muthatkhiba laimang ningphamshingdu mahaakki matamda amuk shaagatkhi. Mahaakki matamda Baalgi phaankhong amasu shaagatkhi aduga Ahabna toubagumna Asherahgi murti amasu shaakhi. Mahaakna nongmadonda leiriba jibaa khuding khurumkhidaba leikhide.
4 Eeshorna matik mayaai utkani taakpikhiba ningnashangduda mahaakna laimanggi phamkhong amaa shaakhi
5 Ebungngogi ningnashanggi achouba ka aniduda nongmadonda leiriba shaashingdu yektuna phaankhong amaa shaakhi.
6 Mahaakna pokchaba machaanupa phaaoba saren chaakhi. Tungda thokkado-uba waa haayba ngamba maaiba maibi amadi jadu touba mishingbu mahaakna yaamna thaajarammi. Eeshorgi mityengda mahaakna haayningngai leitana phattaba thabak toukhi maramsina Ebungngona mahaakki mathakta yaamna shaaorammi.
7 Israelgi Jaatshinggi manungdagi eina khankhiba mapham Jerusalemda eigi etik eyaai matam leibada utkani haayna Moses amadi Davidta Ebungngona taakpikhiba maphamduda mahaakna Asherahgi murti sajinkhi.
8 Karigumba Israelgi mishingna eigi yaathang kaidana ellaba aduga enaai Mosesda pikhiba puyadu makhoyna kaidana chat chaarabadi, makhoygi mapaa mapushingda eina pibigani haaykhiba lamsidagi makhoybu keidoungeidasu taanthokloi."
9 Adubu Judahna leiriba mishingduna ebungngogi yaathangdu enkhide. Makhoyna thoinadum Israelgi mishingna laakpa matamda Ebungngona taanthokkhiba mishingdudagi henna tukkachaningai oiraba achouba phattaba thabak kayaa toukhi.
10 Eeshorna maaichou-shingda haaykhi:
11 Judahgi ningthou Manassehna tukkchanabagi mashak oiraba thabakshingdu Israelgi mishingna laakpa matamda leiramba Amorishingna touramba phatre haayriba thabakshingdudagi henkhi. Mahaakna laimang ningduna Judahdbu araanba lambida chingkhi.
12 Maramsina Israelgi Eeshorna taakpiri: Eina Jerusalem amadi Judahgi mathakta asigumba tamthiba thoudok thok-han-gani. Tho-udoksibu taaba mishingna kibana mipaaigani.
13 Samariada pikhiba dandidu Jerusalemdasu pigani. Ahabki emungda taahankhiba awaaphamdu Jerusalemdasu taahangani. Kanaagumba mina kon phengba matamda mathak makha onduna chaambagumna eina Jerusalembu mathak makha ongani.
14 Hinghougadouba mishingdu eina haanna yengloi aduga makhoygi yeknabashingda pithokkani. Makhoygi yeknabashingduna makhoyda leiriba leibaaktu loina chanshingani.
15 Eigi mini haayna leiribashingsigi mathakta masimak eina thok-hangadouri maramdi makhoyna eigi mayokta araanba thabakshing touwi. Makhoygi mapaa mapushingna Egypttagi thorakpa numittudagi ngasi phaaoba eibu shaaonnaba thabakta touduna laakli.
16 Eeshorgi mityengda phatte haayna shingthaanaraba thabakshing aduda nattana Judahdgi manungda maraal leitba mi kayagi esu taahankhi. Maramsina Jerusalemgi mapham khudingda ee takhidaba leite.
17 Manassehna touramba thabakshinggi maramda Judahgi ningthouron eba laairikta eduna leiri.
18 Manasseh nonggaraba matamda konunggi leikon Uzzagini haayna khangnaba maphamduda phumbikhi. Mahaakki matungda machaanupa Amonna ningthou oikhi.
Judahgi ningthou Amon
(2 Miron 33:29-25)
19 Amonna ningthou oiba matamda mashaagi chahi kunnithoi shurammi. Mahaak Jerusalemda chahi ani ningthou oiduna paankhi. Jotbahgi Haruzgi machaanupi Esullemeth koubidu mahaakki mamaa oirammi.
20 Mapaa Manassehna toubagumna mahaaksu Eeshorgi mityengda phattaba thabak kayaamarum tourammi.
21 Mahaakki mapaana latlamba laaishingdu mahaaksu latkhi.
22 Mapaa mapu-shingna matam kuina ningduna laaklaba Eeshorbu mahaakna thaadokkhi. Eeshorgi lambiduda mahaak chatkhide.
23 Manaaishingna sarou shinduna konung manungda Amon haatkhi.
24 Adubu ningthou Amonbu haatkhiba mishingbu miyaamna haatkhi. Miyaamna mahaakki machaanupa Josiahbu ningthou oinaa khankhi.
25 Amonna touramba thabakshingdu Judahgi ningthouron eba laairikta eduna leiri.
26 Uzzagi leikonda mahaakkini haayna haanna shemkhraba mongphamda mahaakpu phumbikhi. Mahaakki mahutta machaanupa Josiahna ningthou oikhi.