1 Kings 4
Solomon-gi matamda leiramba phamnaaiba-sing
4 Israel pumbagi mathakta ningthou oiduna Solomonna pankhi adugaa makhaada piribasingsi mahaakki phamnaaiba-singni:
Purohit: Zadokki machaa-nupaa Azariah,
3 Konunggi loisanggi khorjei paibasing: Sisagi machaa-nupaasing Elihoreph amadi Azariah, thoudok esinnabagidamak Ahiludki machaa-nupaa Jehosaphat leirammi.
4 Laanmigi luchinglen: Jehoiadagi machaa-nupaa Benaiah, purohit sing: Zadok, amadi Abiathar,
5 Leibaak ngaakpasinggi makok: Nathangemachanupa Azariah,
konungda paaoutaak piba mi: Nathanggi machaa-nupaa purohit Zabud,
6 Konunggi minaaising pannaba: Ahisar, namduna thabak suhanlibasinggi makok: Abdagi machaa-nupaa Adoniram,
7 Israel leibaaksi saruk taraanithoi thokna khaaidoktuna leibaak ngaakpa taraanithoi khallammi makhoyna ngakliba lamsingdudagi ningthougidamak chinjaak piba taarammi. masina konungga mari leinaba pumnamak thaa amam-mamgi oinaa palli punarammi. 8 taraanithoi thokna khaaidoklaba lamsinggi maming amadi leibaak ngaakpa taraanithoigi maming makhaada piri:
Benhur: Ephraimgi chinggi lam,
9 Ben-Deker: Makaz, Saalbim, Beth-Semes, Elon, amadi Bethhanan.
10 Ben-Hased: Abubboth, Sokoh amadi Hephergi lamsing.
11 Ben-Abinadab: Solomon-gi machaanupi Taphathki mapuroiba Dorgi lamda leibaak ngakkhi.
12 Ahiludki machaa-nupaa Baana: Taanach, Megido, Beth-San, Zezreelgi makhaada leiba Zarethanggi manaaktagina Bath-San amadi Abel Meholah youraga Jokmeamgi waangmadu phaaoba samnaram-i. 13 Ben-Geber: Gileadki lam Ramoth, Jairgi saageigi lam oiriba Gileadki khunggangsing, maasi Manassehgi dhaaraada thungkhiba lamsingni adugaa Basanda leiriba Argobki lamsing punna khung-gang 60, chekpan khananaba amadi thonggal prithaayna panbasingsi oirammi.
14 Iddogi machaa-nupaa Ahinadab: Mahanaimgi khunggangsing,
15 Solomon-gi atoppa machaanupi Basemathpu luhongduna loukhiba Ahimaazna Naphtaligi lamsing ngakkhi.
16 Husaigi machaa-nupaa Baana: Asebe amadi Belothki saharsing ngakkhi.
17 Paruahgi machaa-nupaa Jehosaphatna Issachargi lamsing ngakkhi.
18 Elagi machaa-nupaa Simeina Benjamin-gi lamsing ngakkhi.
19 Urigi machaa-nupaa Geberna Amorisinggi ningthou Sihon amadi Basan-gi ningthou Ogna Gileadki lamsingdu ngakkhi.
Haayriba leibaak ngaakpa taraanithoisi nattaba leibaak sinbaa thungna yengsinnaba leibaak ngaakpasinggi luchinglen amaa leirammi.
Solomonna chahong ngahongna panba
20 Judah amadi Israelgi mising achouba epaakki khongbalda taariba leingoigi matougumna masing yaamlammi. Masing yaamdunasu chaabathakpa waatlemde. 21 Solomonna Ephraimdagi houraga Philisti-singgi lam youraga Egyptki ngamkhei tainabadu phaaoba ningthou oiduna paallammi. Mahaakna hinglingei matamda makhoy singsina loipot kakhi.
22 Solomon-gi nongmagi chanabagi potchangdi phajanaa taklaba ata kilo 5,000, cheng kilo 10,000 tara, 23 masa noiba sanlaba tara, yoktuna thamba saa kun, yaao chaamma, saji, sangai, haameng laaba adugaa yennachingba mayaamsini.
24 Solomon-gi makhaada Euphrateki waangmada leiriba lamsing Tarsistagina Gaza youba phaaoba amaa, adugaa Euphrateki nongchupta paalliba ningthou-singsu mahaakki maakha pollammi, mahaakki akoybada paalliba ningthou-singga mahaakka khatnaba leiramde. 25 Dandagina Beer-seba youba phaaobada leiriba Judah amadi Israelgi lam pumnamak awaaba amatta leiramde. Salomonna pallingei matamda mi khuding masa masaagi oiba angur engkhon amadi theibong paambigi engkhonnachingba leirammi. 27 Mathakta pikhiba leibaak ngaakpasingduna ningthou salomongi nongmagi changgadouba pot-singdu hullammi. maagi maagi thaagi pali thokpa matamda waattana pinaba hotnaram-i. 28 Sagolna chaananaba phou amadi charunachingbasu makhoyna waattana hunkhi.
29 Eesor-na Solomonbu mapaan naaidana pukning amadi lousing pinabirammi. mahaakki lousinggi pankheidu asini haayba ngamlamde. 30 Nongpok-lomda leiriba leibaaksing amadi Egyptna Solomon-ga lanba tounaba ngamlamde. 31 taaibang misinggi marakta Solomonna eesing singlammi. Mahaakna Ezrahgi Ethan, Heman, Kalkol, amadi Dardana-chingba Maholgi machaa-nupaasingdagisu singba hellammi. Thangnaba leibaaksingda mahaakki maming sinbaa thungna saandokkhi. 32 Mahaakna paaorou 3,000 dagi henna ethokkhi adugaa eseisu 1,000 henna ekhi. 33 Mahaakna mahousa lairenbigi maramda kayaa amaa seithakhi. maadu Lebanangi Deodar paambidagi houraga chekpangiwaangmada houriba uthambal phaaoba thaaduna seirengkhi. Saa-uchek, mapukna sittuna chatpa jibaa adugaa nga phaaoba thaaduna seirengkhi. 34 maalemsida pallamba ningthou-singna Solomon-gi manaakta mi thaaduna mahaakki lousingdu tamhankhi.