Genesis 18

Issac pokkani haayna phongdokpiba

1 Nungshaagi meishaa kankhatlakpa matamda, Abrahamna sanggi thong manaakta phamduna leiringeida Mamregi uyung makhongda Eeshorna laaktuna shaak utpirammi.

2 Mahaakna mamaay haigattuna yengba matamda, yeng-u mahaakki mamaangda nupaa ahumkhak leptunna leiba urammi. Mahaakna makhoybu ubaa matamda sangdugi thong manungdagi makhoybu oknaba chenthokcharammi. Matamdumaktada mahaakna leimaayda tuthajaraduna

3 Haayjakhi, "epuroi, nanaaibu karigumba thoujaanbiba leirabadi, tuminna chatpikhiganu.

4 Eeshing khara pujarakke aduga khongdusu haamdokpiyu. Usigi makhaada ngaaihaaktang pothabirammu.

5 Nanaaigida laakpibagi seba haaybabu awaa potthaanaba chayom khara loujaruge. madu chabiraga Lengbikho." maasida makhoyna haayrammi, "nahaakna phei haaybadu toujou."

6 Abrahamna sangnungda khonglei thuna chatkhraga Sarahda haayrammi, "ata tenggot ahum louraga phajanaa noiduna tal shemmu."

7 Maasi haayramlaga Abrahamna Sanlupta chatkhiduna nouriba amadi masha noiba san-lamcha amaa phaaraga thuna shemnanaba minaaida pirammi.

8 Abrahamna Shanggom kharaga, shanggom aphamba kharaga, amasung saan thongbadua puraktuna makhoygi mamaangda thamjarammi. Makhoyna chaaringei matamda mahaakna makhoygi manaakta ukhada lepladuna leirammi.

9 Chaaba loiraba matungda makhoyna Abrahamda haayrammi, "nahaakki nupi Sarah kadaayda leikhre." Mahaakna khumjarammi, "mahaak shang manungda lei."

10 Duttuna haayrammi, Basanta matamda eihaak amuk laakkani, matamduda nahaakki nupi Sarahna nachaa-nupaa amaa pokkani." Sanggi thong manaakta leptuna mahaakna haayriba waadu Sarahda tamjarammi.

11 Matamduda Abraham amadi Sarah chahi yaamlammi aduga nupi oibigi hounabi leitre. Chakham naokharammi,

12 Maramsina Sarahna matomta nokladuna haayjarammi, "ei amadi eigi epuroiba eikhoy animak ahal oiraklabada, eingonda nungaaiba phaaokhigadra?"

13 Eeshorna Abrahamda haayrammi, "karigidamak Sarahna nokladuna eihaak ahal oiraba matamsida tashengnamak angaang pokkhigadara haayribano?"

14 Eeshorna thok-hanningbadu thok-hanbada kayaa lubage? Basanta lepkhraba matamsimaktada eihaak amuk nahaakki naphamda hallakkani aduga matamsimaktada Sarah angaang nupaa amaa pokkani."

15 Adubu Sarahna yaanningdaba uttuna haayrammi, "ei nokchakhide." maasi mahaakna kibadagi haaykhibani. Mahaakna haayrammi, " natte, nahaak nokkhi."

Sodomgidamak Abrahamna haayjaba

16 Maasi haayramlaga mishingdu Sodomda mamaay onduna chatkhi, adubu Abrahamna makhoybu laambel takphinaba thindokhi.

17 Eeshorna haayrammi, "Eina tougadouriba pumnamaksi Abraham khanghan-loisira?

18 Abraham achouba amadi paanggal leiba jaat amaa oigadouribani. Maalemsida leiriba jaat khudingmak mahaakki mapaanna bor phangadouriba nattra?

19 Mahaakki Machaashing amadi mahaakki tungda laakkadouriba emunggi mishingna aphaba amadi achumba touduna Eeshorgi Lambidu ngaakna chatnannaba aduga Eeshorna Abrahamda Thunghange waashakkhibadu thoknanaba Eina mahaakpu khandokkhrabani."

20 Maramsina Eeshorna haayrammi, "Sodom amadi Gomorrahgi mayokta leiriba kholaaosi tapthaba leitba aduga makhoyna touriba ayon araansi mapaan naaidaba maramna,

21 Eingonda laakliba kholaaosigi matung ennaa makhoyna tourabra haaybasi yengnanaba eshaamak kumduna yenglage. Touramlabasu touramdrabasu maasi khangba taay."

22 Asumna mishingduna maphamdudagi mamaay leiduna Sodomromda chatkhi, adubu matamdu phaaoba Abraham Eeshorgi mamaangda leptuna leirammi

23 Abrahamna manaak nakna changsilladuna haayrammi, "ebungngo nahaakna aphaba shingdu phattabashingga loynanaa manghanbigadara?

24 Karigumba saahardugi manungda aphaba thabak touba mi yaangkhei leiramba thoklabasu ebungngo nahaakna maphamdu manghanbigadara.? Matamduda leiriba aphaba touba mi yaangkheigidamak maphamdu kanbiroidra?

25 Aphaba thabak toubashingdu phattabashingga maannana louduna aphaba shingdubu phattabashingga loynanaa hatpigadouribadu Ebungngona toubigadouba natte, masimak Ebungngona toubidaba oisanu. Maalemsigi waayel Mapu oiriba Eeshorna achumbadu toubiroidra?"

26 Maasi taabada Eeshorna haayrammi, "Eina Sodomgi manungda karigumba aphaba thabak touba mi yaangkhei thengnarabadi, makhoygi masumlaanggidamak maphamdubu kanbigani."

27 Maasida Abrahamna khumlammi, "yeng-u, Eeshorda hakthengnana waa haayjanaba potlumdu eina pujaribani. Adubu eigi kari etik leibage? eidi uphul amadi utni.

28 Karigumba yaangkhei sugadouba mangaa waatpa thoklo kari toubiba taribage? mi mangaa waatpagidamak Ebungngona saahardubu tumna manghanbigadra?" maasida Eeshorna haayrammi, "karigumba maphamduda niphumanga phanglabadi Eina manghalloi.

29 Abrahamna Amukka haanna ebungngoda haayrammi, "karigumba niphukhakta leiramba thoklabadi kari toubigani? Eeshorna khumlammi," niphudugi masumlaanggidamak Eina maphamdu manghalloi."

30 Masigi matungda Amukka Abrahamna haayjarammi, "he Eeshor, shaaobiganu. Nanaaina ebungngoda hanggatchari madudi karigumba 30 Khakta leiramba thoklabadi kari toubigani? Eeshorna haayrammi, "karigumba Eina maphamduda 30 Phanglabadi manghalloi."

31 Abrahamna makha taanna haayrammi, "yeng-u, Eeshorda hakthengnna waa ngangjanaba eina potlumdu pujarabani. Karigumba maphamduda 20 Khakta leiramba taarabadi kari toubigani? Eeshorna haayrammi, "20 dugi maramgidamak Eina manghalloi."

32 Masigi matung taabadasu Abrahamna ebungngoda haayrammi, "he Eeshor, nanaaibu shaaobiganu. Nanaai eina ebungngogi khuyaakhaada handakki waaphamsi-khaktaga haayjakhiba taay. Waaphamdudi asini karigumba mapham aduda 10 Khakta leiramba thoklabadi kari toubigani?" Eeshorna khumlammi, "10 Dugi maramgidamak Eina manghalloi."

33 Eeshorna Abrahamga waari shaanaba loiraba matungda chatkhi aduga Abrahamsu mayumlomda hallakkhi.