Revelation 16
1 Amasung ashengba shang adudagi awaangba khonjen amanaa swargadut taret aduda asi haayba eina taare, nakhoy chatlu, aduga Eeshorgi meihouna shaaoba adugi tenggot taret adu prithibida heidoklu.
2 Maduda ahaanba aduna chatkhiduna mahaakki tenggot adu prithibida heidokle; amasung shaa adugi khudam leiba aduga maagi murtibu khurumba mishing adugi mathakta tukkachaba amasung phattaba apatpa thokle.
3 Amasung anishuba aduna mahaakki tenggot adu samudrada heidokle; aduga madu ashibaa migi eegumna oirakle, amasung hingliba thawaay khuding, samudra manungda leiri leiriba adu, shire.
4 Amasung ahumshuba aduna mahaakki tenggot adu turenda makheida amasung eeshinggi eephut makheida heidokle, aduga madu ee oirakle.
5 Amasung eeshing makheigi swargadut aduna asi haayba eina taare, oiriba amasung oiramba, ashengba ebungngo nahaakti achumbani, maramdi ebungngo nahaakna asumna waayenle.
6 Maramdi nakhoyna ashengbashinggi amasung Eeshorgi waa taakthokpa shinggi ee heidokle, aduga ebungngo nahaakna makhoybu ee thakhalle; makhoy matik chaabani.
7 Amasung laatnapung aduna asi haayba eina taare, hoy, he Eeshor, engam ngamba ebungngo nahaakki waayel makheidi chumsu chummi, dharmasu chelli.
8 Amasung marishuba aduna mahaakki tenggot adu numitki mathakta heidokle; aduga meishaana mishingbu kahatnaba maduda pire.
9 Amasung mishingbu akanba meishaana kahatle, aduga makhoyna cheinakhol asigi mathakta matik leiba Eeshorgimingbu thina haayre, amasung makhoyna ebungngo mahaakpu thaagatnaba mapukning hongde.
10 Amasung mangaashuba aduna mahaakki tenggot adu shaa adugi phambaal adugi mathakta heidokle; aduga maagi leibaak mamhalle; amasung makhoyna nabagi maramna makhoygi marei shaijare.
11 Aduga makhoyna swargagi Eeshor adubu makhoygi naaba amasung patpagi maramna thina haayre, amasung makhoyna makhoygi thabaktagi mapukning hongde.
12 Amasung tarukshuba aduna mahaakki tenggot adu achouba Iyuphretis turenda aduda heidokle; aduga numit thokparomdagi laakpa ningthoushinggi damak lambi thouraang tounanaba madugi eeshing adu kanghalle.
13 Amasung chinglai adugi machindagi, shaa adugi macindagi amasung Eeshorgi waa takthokshinnaba adugi machindagi hangoigumba shengdaba thawaay ahum thoklakpa eina ure; 14 Maramdi makhoydi bhut shinggi thawaayni, amasung khudam ayaamba touwi; makhoyna taaibang-paal apumbagi ningthoushingbu engam ngamba Eeshorgi achouba numitki laanda khomjinnanaba makhoyda chatthokpani.
15 (Yeng-u, huraanbagumna eina laakkani. Mahaakna phi settana chattuna mina mahaakki ekaaipham udananaba, mitsheng khangjaba amasung mahaakki maphi-maron shennajaba mahaak adu yaaiphabani.)
16 Aduga thawaay shing aduna ningthoushing adubu ibrilonda Harmagedon kouba mapham aduda khomjille.
17 Amasung taretshuba aduna mahaakki tenggot adu nungshitta heidokle; aduga ashengba sanggi manungdagi awaangba khonjen amanaa phambaal adudagi thoklaktuna haay, maasi loire!
18 Aduga nongthaang kuppa, khonjen, amasung nongkhongba ayaamba thoklakle; aduga achouba yuharaba thokle; asigumba achouba yaharaba, prithibida mishingna leirakpadagi asup chaaoba thokkhide.
19 Amasung achouba saahar adu ahum thokna khaaidokle, aduga Jaatshinggi saahar makhei kinthare; amasung achouba Babylon aduda Eeshorgi ashaaobana meihouba adugi yugi tenggot adu pinaba, ebungngo mahaakki maangda maabu ningshingle.
20 Aduga ethat khuding chenthokkhre, amasung ching makhei phangdre.
21 Amasung talsta amagi marum oiba achouba lel atiyaadagi mishinggi mathakta tarak-e, aduga mishingna lel adugi cheinakhongi maramna Eeshorbu thina haayre; maramdi madugi cheinakhon adudi thoidokna chaaoi