Job 40
1-2 Job, nahaakna paanggallaba Eeshorga shingnari, madu toklage haaybra nattraga paaoukhum matik chaana pige haaybra?
Jobna khumlak-e:
3-4 He Eeshor, nanaai onthokna panglure, nanaaina kari paaoukhum piba ngamjagadage? nanaaina karisu haayjaningai leijade.
5 Nanaaina haaypham thoktaba waa kayaa haayjakhre. Haayjararoi nanaaina makha taana.
6 Nonglei nungshit marakta Eeshor
Ebungngona Jobta haayrak-e:
7 Nupaa oibagi hounabi naril leina lepkhatlu, eigi waahanggi paaoukhum piyu.
8 Eihaak michang mikhaai nai haayge ninglibra? Eibu laalhallaga nahaakna chummi haayningbra?
9 Nahaak eigumna kanbra? Nahaakki nakhondu eigi khongumna houba ngambra?
10 Ngamlabdi natik nayaaidu uttuna lepkhatlo. Phudoklo naril amadi thounadu.
11 Napan toubashingdugi maangda nahaakki ashaaobaduna uttuna, makhoybu kihallu aduga nollukhallu.
12 Makhoyda yengbadata mamaay lothallu, phattabashingdu makhoyna lepliba maphamduda yeithu.
13 Makhoybu leironungda phumjillu. ashibagi taaibangduda makhoybu tilhankho.
14 Adu oirabadi eina nahaakpu thaagatkani, nahaakna natomtana laangam phiran thetpani haaygera.
15 Hingchaba Behemothta yeng-u, eina mahaak amadi nahaak animak shemkhibani. Mahaak san-gumna shajik chaay.
16 Adubu mahaakki mashaada kari paanggal leibage? mahaakki shadongda kari mathouna leibage?
17 Deodargumna mamei yungkhatli, mahaakki makhongsu yaamna kalli.
18 Pithraaigumna mahaakki sharudu kalli, mahaakki makhongdu yotna saabagumbani.
19 Eina shemkhiba shaashinggi marakta thoidokna angakpa amani.
20 Lamda leiba shaashingna sannapham oiriba chingda mahaakna chaanaba shajik houwi.
21 Tingkhang paanba mongsongda mahaakki yahipham oi, echelda houriba shingnaang marakta lottuna lei.
22 Echelda houriba tinkhangshingdu mahaakpu leipham pibi.
23 Akanba turelgi echel mahaakna kide. Jordanna mamaangda chellakpa matamda ningaidana leithok-e.
24 Mamit tanghanduna mahaakpu kanaana phaaba ngambage? Lang thaktuna manaatonda narei hutpa kanaana ngambage?