Psalm 60

Kanbinaba haayjaba

1 He epuroi, Ebungngona eikhoybu langthokpire aduga maaythihanbire, Ebungngona nanaai eikhoybu shaaori adubu houjikti shaaobiraganu.

2 Ebungngona maalemsibu nikhanba ngammi aduga ningkhaayhanbasu ngammi. Maalemsi machet machet taare maramsina maasibu taisinbiro.

3 Ebungngona ebungngogi mishingdu awaabada taahanbire, yu ngaaobashinggumna eikhoyna kangaaonari.

4 Awaphamda tadanaba haayduna ebungngobu kina chatcharibashingdu paaoutaak pibikhrabani.

5 Ebungngogi paanggaldutana eikhoybu kanbiyu, nanaai eikhoyna haayjabadu tabiyu, adu oirabadi Ebungngona lunaa touriba mishingsi ashoyba leiroi.

6 Eeshorna ningnashangdagi asumna haayrak-e, "laan-ngamduna eina Shechembu yenkhaaigani, succothki tampaaktu eigi mishingda yenthokpigani.

7 Gilead amadi Manasseh eigini, Ephraim eigi luhupni, Judahna eigi waayel cheiduni,

8 Moabna eigi khong hamnaba khudengni, eigi khongngup thamphamdu Edomda oigani. Eibu ngamduna Philistishingna laan-ngam khollaao laaojaba ngamgadra?"

9 He epuroi, Chekpan khagatlaba saaharduda kanaana eibu pubigani? Edomda kanaana eibu chingbigani?

10 Ebungngona nahaakna eikhoybu langthokpirabra? Eikhoigi laanmiga loynanaa lan chatpiroidra?

11 Yeknabashinggi mayoktagi eikhoybu kanbiyu, mioibagi matengdu karisu natte.

12 Eeshorna eikhoyga loinabirabada laangambadi araibani, Ebungngona eikhoygi yeknabadu maaythiba pigani.