Jeremiah 27
Jeremiahna potpu thonggatpa
27 Judah-gi ningthou Josiahgi machaa-nupaa Zedekiahna ningthou oinaa paanba hourakpa matamda Eesor-na Jeremiahda waasingsi phongdokkhi. 2 Eesor-na eingonda asumna taakpirammi, 'Potpu lumiga potpu amaaga saaro. maadu nahaakki nangaksamda thongu. 3 Edomgi ningthou, Moabki ningthou, Ammongi machaa ningthou-sing, Tyregi ningthou, Jerusalemda paalliba Judah-gi ningthou Zedekiahda mi thaaduna paao lakhalliba Ziongi ningthou-nachingba-singda waasi phongdok-u. 4 Makhoygi mabung-ngoda tamlunaba waasi haikho; Israelgi Eesor nongthak nongkha anigi Eesora asumna taakpiri: Masini nakhoyna nakhoygi nabungo-ngosingda tamlagadaba waasingdu: 5 “eigi mapaan naaidaba touba ngambagi pangal adugaa epambom-sitana taaibang-paansi semkhibani. Sem-khibani taaibang mi amdi saa-uchek maalem-sida leiriba pumnamaksu. eigi mityengda chumna chatchabasingduda maasibu eina pibikhi. 6 adubu houjiki haayriba lamsingsi eigi enaai oiriba Babylon-gi ningthou Nebuchadnezzarda loina pirabani. mahaakki maphamda eina loubukta leiriba saasingsisu makki seba tounanaba haayduna yaathang tourabani. 7 jaat pumnamakna mahaakki matamdagi houraga machaa amadi masu hatak phaaoba minaai oinaa leigani. Haayribasi mahaakki leibaakki mathakta laakkadaba marai chaithabadu thoktriba phaaoba oihan-gani. Marai chaithabagi matamdu laaklabada Jaatsing amadi achouba ningthou-singna mahaakki misingbu makhoygi minaai oihan-gani.
8 Kanaagumba Jaatsingna haayriba Babylon-gi ningthou Nebuchadnezzargi minaai oidraba natraga mahaakki potpudu thangdrabadi adugumba jatubu eina dandi pigani. Thanggi mayada chathanlagani. chaak tangba thok-han-gani. Marai tahan-gani. taakpiri Eesor-na haayribasi mahaakki makhutna taaibangsi manghandriba phaaoba thok-han-gani.
9 Babylonggi ningthougi maakha pollunu haayna paaoutaak piriba nakhoygi waa takthokp-asing, tungda thokkadaba waa phongdokpasing nakhoygi maangdaribasing, tungda thokkadaba waa haayriba-sing, nakhoygi jadu toubasingnachingbadubu thajaruganu.
10 makhoyna nakhoyda haayriba waadu minamba waani. Masigi maheidi tungda nareibaaktagi mapaan thokpa adugaa eina nakhoybu taanthoktua nakhoy lepna maanggani. 11 Eesor-na taakpiri, kanaagumba jatna Babylonggi ningthougi potpudu hukke haayduna sem sarabadi eina makhoybu mareibaakta thambigani. Maphamduda makhoy lousing uhn-gani. adugaa lengdana leihn-gani. "
12 Judah-gi ningthou Zedekiahsu eina haayribasigumna phongdokkhi: Nahaakki nangakta Babylon-gi ningthougi potpu thangu. mahaakki amadi mahaakki misinggi maakha ponduna matam lellu. 13 Babylon-gi ningthou maakha polloi haayna laaothokkhraba Jaatsinggi mathakta Eesor-na awaaba thok-han-gani haayna laaothok-khibadugumna, nahaakna karigidamak thanggi maya kidribano? Karigi chaak tangba thok-hanninglibano? Marai amadi laichat thok-hanninglibano? 14 Babylon-gi ningthougi maakha ponba hounade haayna nakhoyda paaoutaak piriba waa taakthokpa singdugi waadu louruganu. maramdi makhoyna nakhoyda phongdokliba waasingdu minamba waani. 15 Eesor-na taakpiri, eina makhoybu thaakhiba natte. adubu makhoyna eigi eming panduna laanna waa haayribani. maadugi maheidi eina nakhoybu nareibaaktagi taanthoktuna makhoy tumna maangnanaba sillibani. nakhoyga loynariba nakhoyda waa phongdokliba waa taakthokpa singdusu taanthokkani. 16 Masigi matungda eina purohit amadi misinggi maphamda waa maakha taana haayrammi,' Eesor-na asumna haaybiri: Babylon-gi matam ekui kuidana Eesor-gi ningna sangda leiramba patrasingdu puraklagani. haayna laanna waa phongdokliba waa taakthokpa singdugi mawaadu louruganu. makhoyna nakhoyda haayriba waasi thajaningai leitba araanba waani. 17 makhoyna haayriba waadu thajaruganu. Babylon-gi ningthougi maakha ponduna nungaaina leinanaba hotnou. maram erei leitaana saharsi karigidamak mi leiba ngamdaba leikangla oihangadouribano? 18 Karigumba makhoy asengba waa taakthokpa sing oiraba adugaa Eesor-na makhoyda asengba waasingdu phongdokpirabadi, Judah-gi ningthougi konung amadi Jerusalemda leiriba patrasingsi Babylonda pukhidanaba nongthak nongkha anigi mapu, Eesor-da nonjasanu. 19 saharsida leihouriba yumbising, pukhri, thaaoumei makhong amadi patrasingdugi maramda nongthak nongkha anigi mapu, Eesor-na asumna taakpiri, 20 Babylon-gi ningthou Nebuchadnezzarna Judah-gi ningthou Jehoiakimgi machaa-nupaa Jehoiachin amadi mahaakki phamnaaiba-singbu Jerusalemdagi Babylon taanna loi oinaa puba matamda pukhidaba patrasingdugi maramda nongthak nongkha anigi mapu, Eesor-na asumna taakpiri. 21 Israelgi Eesor nongthak nongkha anigi Eesor-na Judah amadi Jerusalem anida leihouriba patrasingdugi matangda asumna 22 taakpiri: Patrasingdugi Baby-londa pukhragani. adugaa haayriba patrasingdu eina ningsingdriba matamdu youba phaaoba Babylonda leigani. Matam laaklabada eina haayriba patrasingu maphamsida puraklaga thamgani.