2 Samuel 22
Laan-ngamba matamda Davidna shaakkhiba eshei
(eshei 18)
1 Saul amadi atei yeknabashinggi makhuttagi Davidpu Eeshorna kanbiraba matungda Eeshorgi khuyaakhaada asumna thajat eshei shakchakhi:
2 Eeshordi eibu ngaakpiriba ebungngoni. Ebungngodi chekshinna saraba laanbangummi.
3 Epuroidi eibu ngaakpiba ebungngoni, ebungngoga loynanaa leijaba matamda eigi ashoyba leite. Ebungngona eibu chunggoigi matougumna ngaakthokpi, Ebungngona eibu shennabi amasung ashoy angaam yaaohanbide. Ebungngodi eibu laanbiba mapuni. Ebungngona eibu khudongthiba amadi awaabadagi kanbi.
4 Eeshorgi minglendu eina sonjari, Ebungngona eibu yeknabashinggi makhuttagi kanbi, maramsina Eeshorbu thaagatlasi.
5 Ashiba kouba laaigi sahumna eibu puge tourammi, Mangna-taaknabagi ethinnasu eibu humge tourammi.
6 Asithengi toreina eibu yeirammi, mongphamna eigi emangda langgumna leirammi.
7 Eina awaaba taaraba matamda Eeshorbu koujakhi. Epuroigi khuyaakhaada tengbangbiyu haayjei. Ebungngogi sanglendagi eigi khonjen tabi, eteng pangbinaba haayjaba matamda Ebungngona tabi.
8 Malemsi thak thak nikle aduga chekkhaaire, loibi ching phaaoba thak thak likle aduga ningkhaaire, maramdi Eeshor shaaore.
9 Ebungngogi manaatondagi meikhu thoklakkhi. Ebungngogi machindagi asaba meiri thoklakkhi, ebungngogi mashaadagi mei houna saraba meitan thoklakkhi.
10 Ebungngona koirou phaaoduna maalemda khongdarak-e, ebungngogi khuyaakhaada leichinnakupsilhalli.
11 Ebungngona dolai thouduna khoina chatli. Ebungngona nungshitta shadong oinaa pairi.
12 Ebungngogi phijangdi amaambana oiri, ebungngogi phambaalgi leitengdi eeshingna onba leichinna oi.
13 Adubu amaamba leichingemaikhandu ebungngodagi thorakpa mangaanduna phaodokpa ngammi.
14 Eeshorna koirouthakta khek laaori,wangthoiraba Eeshorna makhonjen taahanbiri.
15 Ebungngona tenjei kapthorakpa matamda mapham khuding shinba thungi, Ebungngona nongthaang kuphanbiduna mit thakhalli.
16 Masigi matungda achouba epaak ehourak-e, Eeshorna yeknabashingda cheiba matamda aduga yeknabashingda shaaoba matamda maalemsida leiriba eephut pumnamak mamaay haangdok-e,
17 Eeshorna koirouthaktagi khut lamthabirak-e, Ebungngona eibu pamkhatkhi, aruba eeshing erendagi Ebungngona eibu chingkhatkhi.
18 Tamthiraba mishing amadi eibu tukkachaba mishinggi makhuttagi, Ebungngona eibu kanbi maramdi eihaak makhoyga lanba touba ngamlamde.
19 Eina awaaba taaba numit ngaaiduna makhoyna eibu laaksillammi, adubu Eeshorna eibu ngaakpikhi.
20 Ebungngona eibu khudongthibadagi kanbi, Ebungngona eibu ngaakpi maramdi Ebungngona eibu penbi.
21 Eina toujaba achumbadugi matung ennaa Eeshorna eibu kubi, eigi thamoi shengbadugi matung ennaa Ebungngona eibu mahei pinabi.
22 Eeshorgi yaathangdu eina enjei, eina epuroibu keidoungeidasu thaadokchade.
23 Ebungngogi yaathang pumnamak eina ngaakna chatchei, ebungngogi yaathangdu keidoungeidasu hiktokchade.
24 Eigi eran leite haaybadu Ebungngona khangbi eina araanba toude haaybadu Ebungngona khangbi
25 Eina toujaba achumbadugi maheidu Ebungngona pinabi, Ebungngona eihaak eran leite haaybadu khangbi.
26 He Eeshor, ebungngodi ebungngoda thaajaba miduda thaajaba utpi, maraal leitbashinggi maphamda achumba utpi.
27 Ashengbashinggi maphamda shengna chatpi, phattabashinggi maphamda henna shaathiba utkhi.
28 Nollukpa mibu Ebungngona kanbi, mihouchaaoba mibu Ebungngona namthabi.
29 Ashengbamak Ebungngona eigi pukninggi thaaoumei oiribani, epuroi, Eeshorna eigi amaamba kokhanbi.
30 Ashengbamak ebungngogi napantana laanmi shanggu amaa namthaba ngammi, epuroigi matengtabu phanglabadi chekpan phaaoba phukpa ngamgani.
31 Asigumba Eeshorgi lambidu soinaide, Eeshorgi waashakti matam leibada chummi, ebungngogi khuyaakhaada changbashingdugidamak ebungngodi chunggoini.
32 Eeshor nattana atoppa epuroi kanaa leibage? eikhoygi epuroi nattana lengnaidaba chingdu kadaayda leibage?
33 Asigumba epuroisida eigi changjaphamni, Ebungngona eigi lambi shengdokpi.
34 Ebungngona eibu sangaigumna khong yaanghanbi, awaangbada karabasu khongpham naanthok-hanbide.
35 Ebungngona lan tambi, thengnaba ngamnaba Khwaaidagi kallaba laanpham.
36 He Eeshor, Ebungngona nanaaibu kanbiyu amadi ngaakpiyu, ebungngogi natengtana eibu waangna
thanggatpire.
37 Eibu phaage thouraanglambashinggi makhuttagi Ebungngona eibu kanbikhi, maramsina eihaak karigumba matamdasu
maaythikhide.
38 Yeknabashingbu tannaduna maaythiba pikhi, makhoybu manghandribamakhei eihaak samai leiramde.
39 Eina makhoybu yeithurammi aduga makhoy amuk hougatpa ngamkhide, eigi emangda makhoy maaythiduna shaangna taakhi.
40 laangi paanggaldu Ebungngona eingonda pibikhi, yeknabashinggi mathakta nanaaibu maay paakhanbikhi.
41 Ebungngona eigi yeknabashingdu emang thaaduna chelhanbi, eibu tukkachaba mishingdu eina tumna manghankhi.
42 Makhoybu tengbangnaba laaojarammi adubu kanaasu laakkhide, Eeshorda makhoyna haayjakhi adubu tabikhide.
43 Eina makhoybu yeithuba matamda makhoy uphun marik oikhi, lambida leiriba leikhomgumna makhoybu eina netlammi.
44 Lanhoubashinggi makhuttagi Ebungngona eibu kanbikhi, Jaatshinggi makok oinaa Ebungngona eibu shembikhi, shaak khangdaba mishingna eibu seba touhanbikhi.
45 Lamlaanbashingna eibu khurumlammi, eina ngaangba waadu makhoyna enkhi.
46 Makhoygi mapaanggal mathouna leikhide, maramsina makhoygi laanbandagi nikna nikna thoklakkhi.
47 Eeshordi shinaaidba Mapuni, eibu ngaakpiriba ebungngodu thaagatlasi, paanggallaba epuroi eibu kanbibadugi gundu thaagatlasi.
48 Ebungngona eigi yeknabashingbu namthabiduna maay paakhanbikhi, Ebungngona Jaatshingbu eigi ekhaada thambikhi.
49 Kanbikhi Ebungngona eibu yeknabashinggi khuttagi, he Eeshor, yeknabashingbu namthabiduna mai pakhanbiyu, tamthiba mishinggi makhuttagi nanaaibu kanbiyu.
50 Maramsina ebungngobu Jaatshinggi marakta thaagatcharibani, ebungngogi khuyaakhaada nanaaina thagait eshei shakcharibani.
51 Eeshorna khandoklaba ningthoubu maay paakhanbi, Ebungngona khandokkhraba adugi mathakta matam leibada nungshiba utpi, maasi David amadi mahaakki chaaron-shuron khudingda oisanu.