2 Corinthians 7
1 Maram aduna, achaanbasa, waaleppashing asi phangjarabagi, eikhoyna esha ethantabu hakchaang amasung thawaaybu mot-hanba pumnamaktagi shengdokchaaduna, Eeshorbu kibana ashengba adu changkhonba oihansi.
Nungsha thiba amasung Titus laakpa maramna pukning thougatpiba
2 Eikhoygidamak nakhoygi thamoida mapham pibiyu; eikhoyna mi kanaa amatada lande, eikhoyna mi kanaa amatabu manghanande, eikhoyna mi kanaa amadagi tongjanaba toude.
3 Eina nakhoybu lalhannaba haayba natte, maramdi siminnabadasu hingminnabadasu thamoinungda nakhoy leiri haayduna eina mamaangeida haaykhre.
4 Nakhoyromda waa ngaangnaba eigi thouna yaamna lei, nakhoygi maramda eigi chaaothokchaba yaammi, themjinbibana eingonda thalli, eikhoygi awaa annang pumnamakta haroaobana eingonda paathok-e.
5 Maramdi eikhoyna Macedoniada laaklabada eikhoygi esha karisu pothaajaba leite, adubu maaykei khudingda eikhoy awaba nang-e mapanda laan shoknaba, mannungdadi akibaa leirammi.
6 Touegumsung tollabashingbu, themjinbiba ebungngo Eeshorna Titus laakpagi mapaanna eikhoybu themjinbiere,
7 Aduga mahaakna laakpagi mapaantana nattaduna, nakhoygi maramda mahaakpu themjinbiba mathemjingi mapaannasuni; mahaakna eikhoyda nakhoygi khouraangna paamba, nakhoygi tengthaaba, eigidamak nakhoygi thawaay yaaoba adu tambire, aduna eina amuk henna haraaojare.
8 Maramdi eina nakhoybu eigi laairikna pukning waahallabasu, eina madu ningamdaba toude; eina ningamdaba touramlabasu (laairik aduna nakhoybu ngaaihaakki damak oirabasu pukning waahallamle haayba eina ui),
9 Houjikti nakhoybu pukning waahanbagi nattaduna, nakhoybu pukning hongnaba phaaoba waahanbagi maramna eina haraaojei; maramdi karigumbada nakhoyna eikhoydagi amaangba phangdananaba, Eeshorgi ningbiba matung ennaa nakhoybu pukning waahalle.
10 Maramdi Eeshorgi ningbiba matung enba pukning waaba aduna lanbiba phaaoba ningamdaba thoktaba pukning hongba oihalli; adubu taaibang paanbagi pukning waaba aduna shiba thokhalli.
11 Maramdi yeng-u, Eeshorgi ningbiba matung ennaa nakhoybu pukning waahanba adumakna adumakna nakhoyda kayaa chekshinba; hoy, kayaa nashaa shennajaba; hoy, kayaa nungaaitaba; hoy, kayaa kiba; kayaa khouraangna ningba; hoy, kayaa thawaay yaaoba; hoy, kayaa laman khumba thokhallibano! maram khudingda nakhoy nashaa nathan-tanadi waaram aduda shengjei haayna utle.
12 Aduna eina nakhoyda ekhrabasu, araanba toukhiba mahaakki maramgi damak natte, aduga araanba adubu khanglaba mahaakki maramgisu natte, adubu eikhoygidamak nakhoygi cheksinbiba Eeshorgi mityengda nikboida phongna-nabagi damak eina ekhre.
13 Maram aduna eikhoybu themjinbire, aduga eikhoybu themjinbiba asida Titusgi haraaobagi damak eikhoyna thoidok hendokna haraaojare, maramdi nakhoy pumnamakki mapaanna mahaakki thawaaybu potthahanhire.
14 Matramdi karigumbada eina nakhoygi maramda maangonda chaaothok chaarabadi, ei ekaaiba phangyaade; adubu eikhoyna nakhoyda maram pumnamak achumbada ngaangbagumna, Titusgi mamaangda eikhoygi chaaothokchaba adusu achumba oire.
15 Amasung nakhoyromda mahaakki nungshiba thoina yaamkhatli, maramdi mahaakna nakhoy pumnamakki haayba enba adu ningshingi, haaybadi, nakhoyna mahaakpu kina amasung tanik tanikna loushinbire.
16 Maram khudingda eina nakhoygi maramda pukning thouna ningjari haayduna haraaojei.