Isaiah 44
Eeshordu Eeshorduni
1 He eigi enaai Jacob, houjikti taro, taro eina khandokkhiba Israelsa,
2 Nakhoybu shembikhiba Eeshorna asumna taakpiri, shembikhiba nakhoybu namagi garbhanungda aduga tengbanggani haaybikhiba: Eigi enaai oiriba Jacob kiganu, kiganu eina khandokkhiba Jerusalem,
3 Kanglaba lamda eina taahangani nong, kanglaba leimaayda chelhn-gani turel, nakhoygi nachaa nasushingduda pinabigani eina eigi thawaay, nakhoygi dhaaraaduda pibigani eina bor,
4 Phaogatlakkani makhoy eeshing marakta napigumna, achenba echelda houriba uyungdu oihan-gani.
5 Masina haayba yaai, " eidi Eeshorgini, atoppa amanaa Jacobki maming panduna haaygani, atoppa amanaa makhutta egani, "Eeshorgini." Kougani maming phaaoba Israelgi ming louduna,
6 Israelgi ningthou Eeshorna taakpiri, nongthak nongkha anigi mapu lanbiba Eeshorduna chingoibiri: "Eina ahoubaduni aduga aroibadusuni, ei nattana attoppa laai amaa leite,
7 Eiga kanaga praman touba yabage? Phongdokpa yagani masigi matangda, maasi haaygadaba kanaagumba leirabadi eigi emangda haayba yaai, kanaana mamaangeidagi houna thokkadaba waashingsi haaykhibage? Makhoybu haayhallu eigi ephamda tungda thokkadaba waashingdu.
8 Kiganu, napukning chingnaba touganu, thaainadagi houna haayribasigi matangda nakhoyda eina haaykhidra? nakhoyna eina haaykhiba waashingdugi maramda saakhi oiribani, ei nattaba atoppa laai amaa leiribra? Lengnaidaba chingdu eihaakni, atei amaa leite, eina atoppa amaa phaaoba khangde."
Lai murti karisu natte
9 Laai murtishingdu karisu natte. Makhoyna pamjariba potshingduda thoina kaannaba leite. Makhoygi saakhishingduna usu ude aduga khangsu khangde. Maramsina makhoy ekaaiba nanggani.
10 Karisu kannadaba laai murti amaa shaaraga kanaana ningnabage? 11 Mahaakki marupshingdu ekaaiba nanggani. Laisabashingdu taaibang mini. Makhoy punna tinjasanu. Makhoy mayok yaanaba thoraksanu. Makhoybu kihn-gani. Makhoy loina ekaaiba nanghn-gani.
12 Nung yot shubaduna serni amaa shaaraga nungthangna phuduna laai murti amaa shai. Asaba meitandagi shattoklaga nungthangna yeiduna shaaningba mawongda makhut akanbaagi mapaanna shaaba houwi. Adubu mahaakna waarakraba matamda eeshing khouraanglak-e. Matamsida thaknaba eeshing erik amaa phaaoba phangde.
13 U shubaa kanaana leiee amaa chingjei. Pensin amaa pairaga mawong yekchei. maduda mahaakna aramdar nalli. Mawong matoudu yekthok-e. Mahaakna mi amagi mawong maanna yekthoktuna madu ningnashang amagi manungda thamnaba shai.
14 Mahaakna deodar paambi thaagani. Matungda madu yaanduna shaaningba shaaba yaanabani. Umangda houriba u shinggi marakta thaagani mahaakna uyung nattraga tairen paambi.
15 Maasibu mahaakna shing oinaa shijinabasu yaai. Masigi mara amanaa shing oinaa thaaduna mahaak mashaamakpu lumhanjei. Kharana chakkhum shing oiduna chaak thongnei. Masigi sharuk kharana laai amaa shaaraga madugi mamaangda nonjaraduna khurumjaduna lairammi. 16 Madugi tangkhay amanaa mahaakna mei thanei. maduna mahaakna shaa lolli. madu chaaduna mahaak penjei. Mahaakna madugi manaakta phamduna mei yaairaduna haayrak-e, "nungaire, mei haaybasi kayaada nungaaikhrabano hakchaangsi shaagatle.
17-18 Haayriba u sigi lemhouba sharuk kharaduna mahaakna laai amaa saare. Aduga madubu khurumjaraduna "eibu kanbiyu" haayna mahaakna haayjei. Mahaakna ning-e, “nahaak eigi laini." 19-20 Asigumba mishingsi una una khangde. Tana tana lousanba ngamde. Makhoygi mamittu mittaangbashingga maannana shemkhrabagummi. Makhoygi pukningdu karigumba amaa phaaoba khangba ngamde. Asigumba nupaasi thoina pomit ubaa ngamba nupaa natte. "tangkhaai amaa eina mei thanakreko. Maasibu khaaiduna eina chaak thongnakhre. Maasibu thaaduna eina shaa louraga chakhrabani. madudagi lemhouba matuptuna eina tukka chaarabagi mashak oiraba laai murtisi shaaraga latlibani. Maramsina eihaak utup ningle haaybasi mahaakna keidoungeidasu khangloi. Mahaak ut chaabani. Araanba waakhan touba pukningna mahaakpu laambel maanghalle. Mahaak mashaamak kanjaba ngamde. “eigi ekhut yet-thangbasi paap chelle" haayba mahaakki machindagi haaydokpa ngamde.
Eeshordi shembiba mapuni
21 He Jacob haayribashingsi ningshing-u, he Israel nakhoysu haayribasi ningshingu maramdi nakhoy Eigi enaaini, eina nakhoybu shembikhibani maramsina nakhoyna eibu seba tougadabani. He Israel, nakhoybu eina kaore.
22 Leichin humdokpagi matougumna eina nakhoygi paaptu kokpirabani, liklaa kanghanbagi matougumna nakhoygi ayon araan pumnamak eina kokpirabani, nakhoy eigi ephamda hallak-u maramdi eikhoybu eina kanbikhrabani,
23 He nongmadon, Eeshorna pumnamaksi toubikhre, maramsina mahaakpu thaagatlu, maalem, nahaaksu mahaakpu thaagatlu. Loibi chingsa, khonjen waangna eshei shak-u, he umang amadi nahaakki garbhada houriba ushing, thaagatlu ebungngobu, Eeshorna Jacobpu kanbikhre, nanthoibigani mahaakna Israelgi maphamda.
24 Nakhoygi laanbiba Eeshorna asumna taakpiri, shembikhiba nakhoybu namagi garbhanungda, "Eini Eeshordu. shemkhiba pot khuding, nongmadon thok-hankhiba, shaandokhankhiba maalemsi nattra etomta?
25 Namthaak touba waa taakthokpa shingsi aduga makhoyna piba khudamdu eina chumhande, tungda thokkadaba waa haayriba maaibashinggi mawaadu eina laalhalli, apangba oihankhi ashingba mishingbu, makhoyna haayba waashingdu aremba shingda chalhankhi Eina.
26 Eigi enaaishingna haaybadu eina chumhalli, eigi paao chatpashingdugi waadu eina lalhande, Jerusalemgi matangda eina haaykhi, maangonda amuk haanna mi taaba Judahgi saaharshingdugi maramda haaykhi eina, makhoy amuk haanna shaagathan-gani. Makhoy amaang ata pumnamak eina hanjinbiragani.
27 Aruba erenda haaykhi eina, "Leikanglagumlo." Kanghallagani nakhoygi echeldu haaykhi eina turelshingda,
28 Eina Cyrus haaykhi, "ningthiba thabakshingdu eina paangthoknabagidamak, nahaakna oigadabani eigi yaaoshenba. Jerusalemda haaykhi " mahaak amuk haanna shaagatlagani." ningnashanggi matangda haaykhi eina, "madu amuk haanna shaagatlagani."