Philemon
Philemonda Paulna iba lairik
Wahoudok
1 Christa Jesusgi maramda phadok oiriba Paulna amasung ichin inao Timothyna, eikhoigi achanba amasung suminnaba Philemonda, 2 Ichan Aphiyada, eikhoiga lanmmi oiminnaba Arkhippada, amasung mahakki yumda tinnaba singlupta: 3 Eikhoigi ipa Ishordagi amasung prabhu Jesus Christadagi thoujal amasung ingthaba nakhoida leibisanu.
Chenkhiba minaigi maramda nonjaba
4 Nahakki nungsiba, aduga prabhu Jesusda amasung asengbasing pumna makta leiba nahakki thajaba adu taduna, 5 Eigi haija haijabada nahakki maramda ningsingjaduna, eina matam leiba khibikta eigi Ishorbu thagatchei; 6 Haibadi, eikhoiga leiriba aphaba maram khuding changkhonna khangba aduda, nahakki thajabagi mapang oiba aduna Christa giromda mahei yallaknanabani. 7 Maramdi nahakki nungsibada ei yamna haraoba amasung pukning thougatpa phangjare, maramdi, ichin inao, nahakki napanna asengbasinggi pukning nungaihanbire.
8 Maram adugi damak matik chaba thabak tounanaba nangonda yathang pinaba Christagi mapanna eina yamna thourabasu, 9 Asigi mahutta nungsibagi maramna asigumba mi oiriba, chahi liraba amasung Christa Jesusgi maramda houjik phadok oiriba Paul eina nonjari. 10 Eina keisumshangda pokchakhiba icha Onesimagi maramda nahakpu nonjari. 11 Mahakti mamangngeida nangonda kannadaba oirammi, adubu houjikti nangondasu eingondasu kannaba oire. 12 Mahak masamakpu, haibadi eigi thawaimak oiriba mahakpu, nahakki naphamda eina halhankhibani. 13 Mahakna nahakki mahutta aphaba wapaogi maramda pulliba eigi thougan toubinanaba, eiga loinana mahakpu thamninglammi; 14 Adubu nahakki chanbiba adu tangaiphadana toubagum nattaduna, toubiningna toubiba oinanaba, nahakna yadana eina karisu touninglam de.
15 Maramdi nahakna mahakpu lomba naidana amuk phangba yananaba, maram asina mahakna matam kharagi damak nangondagi khainaramba oibasu yai; 16 Houjikti mahakna minaigum oidaduna, minaidagi henba ichin inao oiduna, thoidokpadi eingonda achanba, adubu nangondadi hakchangdasu prabhudasu amuk kaya henna achanba oibano!
17 Aduna nahakna eibu napangni singthanabirabadi, eibu lousinbibagumna lousinbiyu. 18 Touigumsung mahakna nahakki naphamda karigumba lankhiba nattraga nahakki karigumba tonba leirabadi, madu eigi chadingda pansinbiyu. 19 Paul eina masi ikhutmakna ijabani, eina madu hanbigani; haibadi, maduta nattana nahak nasamaksu eingonda tollibani haidananabani. 20 Hoi, ichin inao, prabhugi marida nangondagi tengbang eina pammi. Christagi mapanna eigi pukning nungaihanbiyu.
21 Nahakki haiba inbada chetna thajaba leiduna eina nangonda ijari; eina haibadagi nahakna hendoknasu toubigani haiba khangjei
Aroiba wa
22 Adugasu eigidamak thungpham thourang toubiyu; maramdi nakhoina haijabibagi mapanna eibu nakhoigi naphamda halhanbirakkani haiba eina khourangna ningjei.
23 Christa Jesusgi maramda eiga phadok oiminnaba Ipaphrana nahakpu khurumjari; 24 Aduga eiga suminnabasing Marka, Aristrakha, Deiba, Luk makhoi asinasu khurumjari.
25 prabhu Jesus Christagi thoujal nakhoigi thawaiga loinabisanu.