Ezekiel 43
Ningnashangda Ishor lengsinba
43 Masigi matungda nongpok haram pangbada mamai olliba sannathongduda mahakna eibu pubira klammi. 2 Yengu, Israelgi Mapu Ibungogi matik mayaidu nongpoklomdagi nganthoiba houra,lammi. Ibungona lenglakpagi makhondu ishing yamna chaobagi makhon malli. Malemsida mahakki mathik mayaidu nganba houra klammi. 3 Mahakna sahardu mang takhallage haina lakpa matamgi maongduga pandamnaba yai. Cheber turelgi khongbalda eina ukhibaduga pankhakni. Maramsina eihak imai lukthaduna leirammi. 4 Nongpok olliba ningnashangduda Ishor-ogi matik mayaidu nganthoiba hourakpa matamda, 5 Ibungogi thawaiduna eibu chingkhat-pirammi. Eibu manung thangba kaduda chingbirammi. Yengu. Maphamduda Lainingthougi matik mayaiduna ningnashangdu pumngan ngallammi. 6 Matamduda nupadu eigi nakanda leptuna leirammi. Hairiba matangsida ningnashang manungdagi kanagumba amana wa ngangbagi makhon eina tarammi. 7 Mahakna einongda hairammi," hey nupa, maphamsi eigi singhasan thamphamni. Maphamsida eigi khongnetphamni. Maphamsida leiduna Israelgi mishinggi marakta matam leibada lengdana leigadoubani. Maramsina Israelgi mishingna eigi sengthoiraba imingsi mangthokloidabani. Makhoina nattraga makhoigi ningthousingna phattaba lamchat chattuna, nattraga makhoigi ningthousinggi asiba masa maphamsida tahanduna mangthokpa yaroi 8 Eigi thongda makhoigi thong phatchin-duna, eigi thongjinda makhoigi thongjin sajinduna eigi imingsi mangthokpa yaroi. Makhoina eiga makhoigagi marakta chekpan khagatpasu yaroi. Makhoina eigi sengthoiraba imingsi amotpa thabak kayamarum touduna manghalle. Maramsina eina makhoibu eigi asaoba meiriduna chakthekhallibasini. 9 Maramsina houjikti makhoina latliba lai murti amadi makhoigi ningthousinggi asiba masadu eigi imangdagi thapna puthokkhiba oisanu. Adu oirabadi ei makhoigi marakta lengba leitana matam leibada leigani.
10 Hey nupa, nahakna tougadabadi Israelgi mishinggi maphamda ningnashangdugi masak maong amadi matoudu thagadabani. Masi tabada makhoigi papsingdu ningsingduna ikaiba phongdokpa yai. 11 Makhoina toukhiba papsingdu ningsingduna ikaiba phongdoklabadi makhoigi mamangda ningnashangsi phajana maong yektuna tak-u. Masigi maong matou thokpham, changpham, aduga masigi maramda takpa yaba makhei taktuna masida chatkadaba niyam amadi yathangsingdu phajana utpiyu. Makhoigi mamangda hairiba niyamsingdu induna thambiyu. Makhoina masibu uraga kaidana ngakna chatpa ngamba yai. 12 Ningnashangsigi niyamsingdu asini: Chingdonda leiriba ningnashanggi akoiba maphamsi khwaidagi senglaba maphamni yengu, masini ningnashangsigi niyamdu.
Phambal
13 Phankhongdugi achou apikki maong matoudu makhada piri: (Lam amaga khubak amagi changchatta) Phankho-ngsigi phambaktu lam ama wangi) Phankhongsigi phambaktu lam ama wangi. Lam ama pak-i. Kap ama pakpa mapanna ikoi koina wangna chellammi. 14 Phankhongsigi awangba: Leimaiga tainariba phambaktudagina makhagi machin youba phaobada lamni wangi. Aduga masigi marakna lam ama paklammi. Apikpa machindudagina achouba machindu youba phaobana lam mari paklammi. Phankhongdugi manungdagi machi oina thingatkhriba maridu lam amamam wanglammi. 16 Phankhongdugi manungdu lam taranithoina koirammi. 17 Makhagi machindusu ikoi koirammi. Lam taramari oirammi. Thagai ama sangna mapanda koina chellammi. Masigi mapandu lam ama pakpa oirammi. Phankhongdugi changphamdu nongpok ollammi.
Phambal hongba
18 Mahakna eingonda hairak-i, "he nupa, Mapu Ibungo Ishor-na asumna takpiri: Phankhongduda changba matamda ingadaba niyamsingdu asini: Meida thaduna katpa thou aduga masigi mathakta etahangadaba numittuda 19 Levi sageigi purohitki dhara Zadokki imung manung eigi inakta changlibasingduda aran thou oina shallaba ama pigadabani. Masimak Mapu Ibungo Ishor-na takpiriba waphamni. 20 Nahakna masida tariba eedu khara louraga phankhongsigi machi mariduda chaigadabani. Machin-dugi kachin mariduda teigadabani, masigi akoibada chelliba mapansidasu teigadabani. Matou asumna phankhongsi nahakna sengdoktuna masida amangba leihalloidabani. 21 Nahakna aran thougidamak shallabadusu puraktuna masigidamak akaknana thamkhraba ningnashanggi maphamduda masibu meida thaduna thou tougadabani. Hairibasi senglaba mapham-dugi mapanda tougadabani.22 Mathanggi numitta nahakna asoi angam yaodaba hameng laba ama louraga aran thou oina katkadabani. Shallabagi etahanduna phankhongdu sengdokkhibagi matougumna sengdokpigadabani 23 Nahakna masibu sengdokpa loiraba matamda asoi angam yaodaba shallaba amaga yao shanggulaktagi yao amaga louraga katkadabani. 24 Nahakna hairibasi louraga Ishor-da katkadabani. Purohitsingna makhoida thum chaigadabani. Masigi matungda Ishor-da meida thaba thou oina katkadabani. 25 Shanggulaktagi phaduna numit taretni chuppa nahakna aran thou oina shallaba amadi yaodu amamam katkadabani hairibasida asoi angam leiba yade. 26 Phankhongdu sengdokpada numit taretni changhangadabani. Asumna masibu thourang tougadabani. 27 Makhoina hairibasi loiraba matung nipalnisuba numittagi purohitsingna hairiba phankho-ngsida nahakki meida thaduna katkadaba thou amadi lamdai sumdaigi thoudu katkadabani. Mapu Ibungo Ishor-na takpiri hairibasi tourabatada eina nakhoibu lousinbigani. "