John 9
Pokngeidagi mamit tangba amabu uhanba
9 Amahiksung Ibungona asum lenglakpada, mapokngeidagi mamit tangba mi amabu ure. 2 Amasung Ibungogi seboksingna Ibungoda hangjarak-i, Rabbi, nipa asina mamit tangna pokpa asi, kanana pap toubadagino, nipa asinara natraga mama mapanara?
3 Jesusna khumle, mi asina pap touba natte, mapa mamanasu natte, adubu Ishorgi thabak mangonda phongdoknabani. 4 Eibu tharaklaba Ibungo mahakki thabak numit leiringeida eikhoina touba tare, mi amatana thabak touba ngammoidaba ahing adu lakli. 5 Eina taibangpanda leiba matamda, eina taibangpanbagi mangalni.
6 Ibungona asumna hairaga, leipakta tin sittuna, leikhom neiraga, leikhom aduna magi mamitta teibiraduna, 7 Mangonda hai, chatlu, Silom pukhrida chamthoklu (Silomgi arthadi tha khraba haibani), maram aduna mahakna chatkhiduna, chamthoklure aduga uba phangjaduna hallakle.
8 Maram aduna leikai machasingnasu mahakpu ahanbada chak niba oina uramba, makhoi adunasu hairak-i, phamduna chak niramba mahak adu asi nattra? 9 Mi kharana hai, mahakni, atei ateina hai, natte, adubu mahak manba amani, mahaknadi hairak-i eimakni.
10 Maram aduna makhoina mangonda hai, karamna nanggi namit uba phanglibano?
11 Mahakna khumle, Jesus kouba mi aduna leikhom neiraga, eigi imitta teibiduna eingonda hai, Silom chattuna chamthoklu, maram aduna eina chattuna chamthoklabada, eina uba phangjare.
12 Maduda makhoina mangonda hai, mahak kadaida lei?, mahakna hai, ei khangde.
13 Makhoina mamangngeida, mamit tanglamba mahak adubu, Pharisisingda purak-i. 14 Jesusna leikhom neiraga mahakki mamit phanghankhiba numit adu potthaba numit oirammi. 15 Maram aduna Pharisisingnasu karamna uba phanglabage haina mangonda amuk hanglak-i, maduda mahakna makhoida hai, mahakna eigi imit mathakta leikhom happire, aduga eina chamthokcharaga ujei.
16 Maram aduna Pharisising kharana hairak-i, mi asi Ishordagi natte, maramdi mahakna potthaba numit ngakte, Touigumsung ateisingna hairak-i, pap chenba mina asigumba khudam karamna touba ngambage?, Aduga makhoigi marakta tokhaki tokhai tanarammi.
17 Maram aduna makhoina mittangba mi aduda amuk hai, nanggi namit uhanbiba maramna, mahak adugi marida nangna kari hairibage?, Aduga mahakna hai, mahakti Ishorgi wa takthokpa amani.
18 Maram aduna uba phangjaraba mahak adugi mapa mamabu Jewssingna koudriba phaoba mahakti mamit tanglammi amasung uba phangjare haiba mahak adugi maramda thajade. 19 Aduga makhoina makhoibu hanglak-i, mamit tangna pokle haina nakhoina haiba nacha nipa adu asira? Adu oirabadi, mahakna houjik karamna uba phanglibano?
20 Mahakki mapa mamana khumlak-i, asi eikhoigi icha nipani amasung mahakna mit tangna pokle haiba eikhoina khangi. 21 Adubu mahakna karamna houjik urabage eikhoina khangde, aduga kanana mahakki mamit phahanbage eikhoina khangde, mangonda hangbiyu, mahak ahal oire, masana masagi maramda ngangjagani.
22 Mahakki mapa mamana Jewssingbu kibagi maramna asi haibani, maramdi kanagumba mina Ibungobu Christani haidoklabadi, mahakpu loishanggi kangluptagi inthokkadabani haina Jewssingna hannana lepnakhre. 23 Asigi maramna mapa mamana mahak ahal oire, mahakpu hangbiyu haire.
24 Maram aduna makhoina mamit tanglamba mi adubu anirak hanna kouduna, mangonda hai, Ishorbu thagatlu, mi asi pap chenbani haina eikhoina khangi.
25 Maram aduna mahakna khumle, mahak pap chenba mira, ei khangde, amadi eina khangjei, haibadi, eina mit tanglammi, houjikti eina ujare.
26 Maram aduna makhoina mangonda hai, mahakna nangonda kari toubikhibage? Karamna nanggi namit panghanbibage?
27 Mahakna makhoida khumle, eina houjikmak nakhoida tamkhre, aduga nakhoina tabide, nakhoina madu karigi damak amuk taningbage? Nakhoisu mahakki sebok oibi pambra?
28 Maduda makhoina mahakpu cheiduna hai, nahak magi sebokni, adubu eikhoidi Mosesgi sebokni. 29 Ishorna Mosesga wa haikhi haiba eikhoina khangi, adubu nipa asidi kadaidagino lakpano haiba eikhoina khangde.
30 Mi aduna makhoida khumlak-i, karino, masi angakpani, mahak kadaidagino lakpano nakhoina khangde, adubu mahakna eigi imit uhanbire. 31 Ishorna pap chenbasingbu tabide haiba eikhoina khangi, Touigumsung kanagumba mina Ishorbu ningba mi oirabadi amasung mahakki apamba adu tourabadi, Ishorna mahakki haijaba tabi. 32 Thainadagi kanagumba mi amana mamit tangna poklaba migi mamit uhanbikhi haiba kadoungeidasu tadri. 33 Mi asina Ishordagi oiramdrabadi, mahakna karisu touba ngamlamloidabani.
34 Makhoina mangonda khumlak-i, nangdi papna yomduna pokle, aduga nangna eikhoibu tambiribra?, maduda makhoina mahakpu inthokkhre.
35 Makhoina mahakpu inthokle haiba Jesusna tare, aduga mahakpu phangduna Ibungona hai, nahakna migi macha nipa adubu thajabra?
36 Mahakna khlumlak-i aduga, Ibungo, eina thajagadaba mahak adu kanano?
37 Jesusna mangonda hai, nahakna mahakpu ure, aduga nangga ngangnariba asi mahakni.
38 Maduda mahakna hai, Prabhu, ei thajei, aduga mahakna Ibungobu khurumjare.
39 Amasung Jesusna hai, udabasing aduna unanaba, aduga ubasing aduna mittangba oiraknanaba, eina wayelnabagi damak taibangpanda lakle.
40 Ibungoga loinariba Pharisising aduna waram asi taraduna, Ibungoda hai, eikhoisu mit tangbra?
41 Jesusna makhoida hai, nakhoi mit tanglamlabadi, nakhoigi pap leiramloidabani, adubu, eikhoina ui haiduna hoijik nakhoina hairi, nakhoigi pap adum leiri.