Isaiah 59
Mishinggi marandu maaichouna phongdokpa
1 Eeshorgi khuttu kanbinabagi thouraang toubada thoina tenba natte, mahaakki manaadu paao taabada thoina pangba leite.
2 Nakhoyga nakhoygi Eeshorgagi marakta thaagatliba pandu nakhoyna touba paapnani. Nakhoyna paap touba maramna Ebungngona mamaay lotkhrabani, maramsina Ebungngona nakhoyna haayba waashingdu tabidribani.
3 Luple nakhoygi nakhuttu eena, touri nakhoygi khutsashingduna mihat mipun kaya, nakhoyna minamba waa ngaang-e,
4 Kana amaa phaona achumba waa ngaangduna waakatte, bichargidamak pukchel shengna kanaa amaa phaaobana loysangda chatte, thaajabani haayna ngaangliba waashingdu mamal leitba waani, pumnamakna minamba waa ngaakta ngaang-e, phattaba touge ningbaga loynanaa khudong thiba thokhalli.
5 Makhoyna kok-e lin-gi marumdu, thokhalli makhoyna migi mahumdu, makhoygi marumdu chaao adu oirabadi nakhoy shigani, adubu apumbaa yerumduna manam namthiba thokhalli,
6 Migi langdugi matangda haayba taaragasu masina phi amaa shaaba yaaroi, kanaanasu maasibu shetnaba phi shaaba yaaroi, makhoyna touba thabakshingduna khudongthiba oihalli, makhoygi makhuttu phattaba thabak tougadabagi ngaaiduna lei.
7 Makhoyna chingnaba leitana mihat mipun touwi, thinthaba leitana makhoyna maraal leitraba mishinggi ee taahalli, makhoyna laangliba thouraang pumnamak phattaba ngaktani, thamlammi makhoyna amaang atagi lambi ama.
8 Mara tapana pannabagi laambeldu makhoy khangde, achumbana makhoybu chingbide, makhoyna chatliba laambel pumnamak phattaba ngaktani,
Miyaamna maraal haaydokpa
9 Maramsina eikhoygi erakta achumba haaybadu leitre, achumbana eikhoybu youba ngamdre, mangaandu phangjanaba eikhoyna thijarui adubu amaambagi amaamba ngaakta ngaire, mangaan hek laakpada eikhoyna amaambada chatpa houwi,
10 Chekpanda turoi ngamloi touriba mittaangba amagumna eikhoy turoi ngamloi toure, mamit udaba mina laambelda chatpagum chatli eikhoyna, mamli mamli touba matamda toubagumna eikhoyna numit yungba matamda khudi thire, mapaanggal leiraba mishinggi marakta taaduna leiriba ashibaa mishinggi matougumle.
11 shaaomgi matougumna eikhoyna khonglammi, atatpa leitana lamkhunugumna tengthaarammi, achumbadu ngaaiduna leirakli adubu kanbinaba kanaa amaa phaaoba leite kanbigadaba nupaadu houjik phaaoba yaamna thaapna leiri.
12 Nahaakki nathakta eikhoyna toukhiba araanbashingdu mashing thibaa ngamloi, eikhoyna toukhiba paapshingduna eikhoygi mayokta saakhi oiri, ningshingli eikhoyna toukhiba araanbashingdu, eikhoyna toukhiba erandu phajanaa khang-e.
13 Khonggaonakhre amadi thaajaba leitre Eeshorna. Thaadokkhre eikhoygi Eeshor bu, minamba waa ngaakta eikhoygi thamoida leiri aduga madu eikhoyna haanna hanna touwi, ngaangi eikhoyna ot-neiba amadi tamthiraba waaheishingu.
14 Achumba haaybadu leitre, ashengba koubadusu thaapna leikhre, miyaam tinphamda achumba ubaa phangdre.
15 Ashengba touge haayna ningba mishingdubu angaaobani haayna lounare, maramsina achumba haaybadu erei leitre, Eeshorna maasibu ure, mahaakki mityengdadi pumnamak phattaba ngaakta oirammi, achumba haaybadu leitre. Ebungngona manaaishingbu kanba
16 Kana amaa phaaoba maasibu phahanba ngamlaroi haaybasi mahaakna khanglammi, kanaa amaa phaaobana maasibu phahanba ngamdabasida mahaak ngaklammi, maramsina mahaak mashaamakna mahaakpu maay paakhankhi, mahaakki ashengbaduna mahaakpu shougatlammi.
17 Ashengbadubu mahaakna thabakta khutlai chaangdanaba phuritkumna litli, makokta aran khubaamgi luhupkumna phi shetpagi mahutta mahaakna laman shingbadu phijet oinaa shetli, mei thokna shaaobaduna achonba phuritki matougumna litli.
18 Magi maagi phangpham thokpa pibibada mahaakti waang thoiraba mapuduni, pibi mahaakna matik chaaba dandidu, mahaakki yeknabashingda mahaakna shaaobi, pibi dandi mahaakki yeknabashingda.
19 Maramsina nongchuplomda leiriba mishingna mahaakki maming taabada kinagani, numitna thokpa maphamduda leibashingnasu mahaakki matik mayaaidubu taaraga kigani,
20 laakkani mahaakna Ziongi laanbiba mapu oisanu, kanbigani Jacobki emung manungda leiribashingduna makhoygi paap haaydokcharabadi, haayribasi Eeshorna taakpikhiba waani.
21 Eeshorna taakpiri maasi eigi areppa waashakni. Haayribasi eina makhoyga loynanaa lepkhraba waashakni. Eigi thawaay pibikhibadu nakhoyda aduga eigi waa nakhoyna haaykhibadu matamsidagi houna laakkadaba miron khudingda lengdana leigani. Eeshorna haayribasi taakpikhrabani.