Numbers 27
Zelophehadki machanupising
27 Josephki machanupa Manasseh, Manassehgi machanupa Makir, Makirna pokpa Gilead, Gileadna pokpa Hephergi machanupa Zelophehad machanupisingna wakatlammi. Zelophehadki machanupisinggi mamingdi: Mahlah, Noah, Hoglah, amadi Tirzahnachingba oirammi. 2 Makhoina Moses, purohit Eleazar amadi miyamgi luchingbasinggi mamangda lepladuna mitinshang tanna laklaga hairammi, 3 "Eikhoigi ipa lamhangda leiringeida sikhibani. Mahak Korahgi matung induna Eshor-gi mayokta phattaba thousinkhibaduda yaokhide. Mahak masagi maranna sijakhibani. Mahakna machanupani haina ama phaoba thamlamde. 4 Machanupa poktabagidamak ipagi maming salaidagi muthatpasi chumde. Ipagi pokminnaba machin manao singgi maraktagi ipagi sarukttu eikhoida pibiyu.
5 Mosesna makhoigi wakattu Eshor-gi maphamda yourammi. 6 Eshor-na Mosesda hairammi, 7 "Zelophehadgi machanupisingna hairiba waphamsi chummi. Makhoigi mapagi machin manaosinggi marakta mapagi chakthung leiribadu makhoida thungbigadabani. Makhoigi mapagi chakthungdu makhoida pibiyu. 8 Nahakna Israelgi mishingda asumna haigadabani: Kanagumba nupa ama siba matamda machanupa leitrabadi, mahakki chakthungdu Machanupisingda pigadabani. 9 Karigumba machanupinachingba leitrabadi mahakki chakthungdu machin manaosingda pigadabani. 10 Machin manaosingsu leitrabadi mahakna mahakki chakthungdu mapagi machin manaosingda pigadabani. 11 Mapagi machin manaosu leitrabadi naknaba sageigi mishingda pigadabani. Naknaba nupaduna hairiba chakthungsi lousingadabani. Eshor-na Mosesda takpikhiba matung inna Israelgi mishingna hairiba waphamsi lengba leitana ngakna chatkadouba niyam amadi yathang ama oina tung phaoba chatnagadabani.
Mosesgi mahutta Joshua khanba
(Anisuba wa 31:1-8)
12 Eshor-na Mosesda hairammi, Abarim kouba chingsigi matonda kakhattuna Israelgi mishingda Eina pikhiba leibaktu yengu. 13 Hairiba lamsi uraba matamda nayamba Aaron gumna nongagadabani. 14 Maramdi nahakka Aaron-gana miyamna eigi mayokta leiba matamda eigi yathang ngakkhide. Waphamsi Zin kouba lamhangduda thokkhibani. Ipakta nahakna eigi asengba itik iyaidu utkhide. (Hairibasi Zin kouba lamhangda Kadesh kouba maphamgi Meribahgi ipaktuda thokkhibani.) 15 Mosesna Eshor-da haikhi: 16 Taibang malemsigi Mapu Ibungo Eshor-na miyamsigi mathakta wayelbinaba nupa ama khandokpire. 17 Makhoigi mamang thaduna makhoigi wapham pumnamak khanba ngamba, miyambu chingbiba ngamba amadi sougatpa ngamba nupa ama khanbire. Eshor-gi miyamsi yao senba yaoba yaosinggi matougum hanbiganu. 18 Eshor-na Mosesda hairammi, "thawaigi mangal phanglaba Nun-gi machanupa Joshuabu khandoklo. Mahakki mathakta nakhutna phangna bor piro." 19 Purohit Eleazer amadi miyamgi mamangda mahakpu lephallu. Makhoigi mamangda nahakna mahakpu khandokkadabani. 20 Israelgi mishingna mahakna haiba wasingdu kaidana chatnanaba matik mayai khara amasu hapkatpiyu. 21 Purohit Eleazargi mamangda mahak leptuna leigadabani. Purohitna mahakkidamak Eshor-gi mamangda urim touduna laiphao tahangadabani. Joshua amadi miyamdu mahakna tou haina takpirakpa thouramsingdu pangthokkadabani. 22 Eshor-na yathang pinabiba matung inna Mosesna pumnamak pangtho klammi. Mosesna Joshuabu kouraga purohit Eleazargi mamangda lephanlammi. Mahakpu miyamgi mamangdasu lephanlammi. 23 Joshuagi mathakta makhut thamladuna Eshor-na "takpikhiba matung inna miyamgi mamangda bor pibirammi.