Nahum 3
3 Minamba ngangba, mihat mipunna thallaba, mina areiba Lan-thum loina loubikhigadaba sahardu mangtaklasanu.
2 Taro. sajeigi makhol, kangkhonggi makhol, sagol khurup thabagi makhol, dolaigi gege laoba khonjel.
3 Sagol tongbasingna thoujilli, thang hairi, ta khousari. Asiba masana thalle, asiba masagi mapan naidre. Mishingna maduda khudi thiri.
4 Nineveh koubi lamchat manglabi leibaksi awapham tare. Yengbadadi thoidokna phajei, jat ateibu themduna minai oinei.
5 Panggallaba Lainingthouna hairi, " Nineveh, nahakpu eina awapham tahan-gani. Eina nahakki naphi mungani, atei jatsingna madubu usanu, nahakna ikai khangbadu yengsanu.
6 Eina nahakpu tukkachana yenggani. Amotpana nahakki leiteng oihangani. Akibaga loinana mishingna nahakpu yenggani.
7 Nahakpu ubasingduna hanna chengani. Makhoina haigani, "Nineveh tumle. Mahakkini haina kana leiribage? Mahakpu kanana themjinbigani?"
8 Egyptki konung thebatagi Nineveh nahakna kari henna phabage? Nile kouba turelna mahakpu chekpangumna ngakthokli. 9 Mahakna sudan amadi Egyptpu ngakli aduga mahakki sakti hanthaba leite. Libyasu mahakki chanaba leibak amani. 10 Adubu Thebesta taba mishingdu lanpha oina pukhi. Lambelgi mapham khudingda makhoigi machasingdu phubikhi. Makhoigi luchingbasingdu yot-hing thangduna pukhraga minai oinanaba yenthokkhi.
11 Nineveh, nahak yu ngaobana tubagumna tugani. Nahakna yeknabagi makhuttagi nanthoknaba hotnari. 12 Nahakki lanbansingdu amunba theibong palliba theibong pambigumgani. Udu nomba matamda uhei yada tarakpagumna nom-gani. 13 Nahakki nareipaksi nupigumle aduga yeknabagi mangda ngakthokpinaba leitana leigani. Nahakki thonggalgi pouronsingdu mangkhragani. 14 Landarunaba ishing thourang touro aduga nahakki lanbandu mapanggal kalhallu. Chek sanaba leibak noiyu aduga chek mei thanaba thourang touro. 15 Nahakna touningbakhei tou. Siba yanaba mei thaba haibadudi soidrabani. Nattraga nahak lanbanda sigani. Koujengna chathoklaba macheigu-mna nahakpu tumna manghan-gani.
Nahak koujenggumna mashing yamle. 16 Nongmadonda leiriba thawanmichaktagi henna nahakna lallonbasing thok-han-khi. Masa phandoktuna lamdam tamna paikhraba koujengsinggumna makhoidu amatta uba phangdre. 17 Aingba matamda phaklangda naptuna leiriba koujeng shangguduga nahakki phamnaibasingga changdamnaba yai. Numit thorakpa matamda koujengsingdu paikhi. Makhoi kadomda chatkhi kananasu khangde.
18 Assyriagi ningthouren, nahakki leibak ngakpasingdu sikre. Nahakki phamnaibasingdu tumkhre. Nahakki mishingdu chingda chenduna leiri. Makhoibu yumda pubiraknaba kanasu leitre. 19 Nahakki ason anasingbu phahanbinaba kanasu leitre. Nahakki asokpasingsi phahanba ngamlaroi. Nahak tumna mangle haibasi taba mishingduna haraona khubak khuri. Nahakki tamthina ot-neibadugi kana nanthokpa ngambage?