Luke 11
Haaijabagi marida Eeshorna tambiba
( Matthew 6.9-13; 7.7-11 )
1 Amasung Ebungngona karigumba mapham amada haayja-ringeida asum thoklare, haayjaba loirabada, ebungngogi sebok amanaa ebungngoda haay, Eeshor, Johnnasu mahaakki sebokshingbu tambibagumna, haayjana-naba eikhoybu tambiyu.
2 Maduda Jesusna makhoyda haay, nakhoyna haayjaba matamda haayyu, he epa, ebungngo nahaakki ming ashengba oisanu. Nahaakki leibaak laaksanu.
3 Eikhoygi nongmagi oknaba chinjaak numit khuding pibiyu;
4 Aduga eikhoygi paap makhei kokpiyyu, maramdi eikhoy eshanasu eikhoyda laman tonba khudingbu kokpi; amasung eikhoybu athembada changhanbiganu.
5 Amasung Jesusna makhoyda haay, nakhoygi narakta kanaana maagi marup areiba amada ahing nongyaaida chattuna maangonda haay, 'marup, tandum ahumdang eina pujage',
6 Maramdi eigi marup amaa langpheidagi eingonda thunglare, aduga eina mahaakpu pijanaba karisu leijadre,
7 Manungdagi mi aduna, 'eibu waahanganu; houjik thong lolle, aduga echaashingga eigaa loynanaa phamungda hipminnare; eina hougattuna nangonda piba ngamloi', haayna khumlakkadra?
8 Eina nakhoyda haayribani, mahaak maagi marup oijarabsu, mahaakna hougattuna maangonda piningde, adum oinamakpu mahaakki haanna hanna nijaba maramna mahaakna hougattuna mahaakki kaannaba adupki makhei pibigani.
9 Amasung eina nakhoyda haayribani, nijou, nakhoyda pibigani; thijou, nakhoyna phangjagani; thong yeijou, nakhoyda haangdokpigani.
10 Maramdi nijaba mi khudingmakna phang-e, thijaba aduna khang-e, amasung yeijaba aduda haangdokpigani.
11 Aduga nakhoygi narakta karamba mapaana mahaakki machaanupana tal niraga lil pigadra? 12 Nattraga mahaakna yerum niragadi, brischik maangonda pigadra?
13 Maram aduna nakhoyna phattaba oirabasu, nakhoygi nachaashingda aphaba khudon piba heirabadi, nakhoygi swargada leiba napaana nijaba makhoyda kayaamuk thoidok hendokna thawaay ashengbabu pibigadaba
Jesusdi Satan-gi pang-bibana thabak touribani haaybada Jesusna khumbaa
( Matthew 12.22-30; Mark 3.20-27 )
14 Amasung Ebungngona marol thoktaba bhut taanthok-pirammi. Aduga bhut aduna thokkhrabada asum oirare, marol thoktaba adu thokle; amasung miyaam-shingna engak ngakle. 15 Touegumsung makhoy kharana haay, mahaakna bhut shinggi mapu Beelzebulgi mapaanna bhut shingbu taanthokli.
16 Aduga ateishingna ebungngobu chaang yengduna swargadagi khudam amaa ebungngodagi thirammi.
17 Touegumsung Ebungngona makhoygi, waakhal adu khangladuna, makhoyda haayrak-e,
ningthou leibaak khudingmakna mashaagi manungda naakpaak taanarabada amaangba thoklei; amasung emung manung amanaa emung manung adugi manungda naakpaak taanarabada leikha taay.
18 Amasung Satannasu mashaagi manungda naakpaak tanaribadi, mahaakki leibaak karamna paangadage? maramdi eina Beelzebulgi matengna bhut shingbu taanthok-e, haayna nakhoyna haay.
19 Aduga eina Beelzebulgi matengna bhut shingbu taanthoklabadi, nakhoygi nachaa-nupaashingna kanaagi matengna makhoybu taanthokpage? maram asina makhoyna nakhoygi waayel mapu oigani.
20 Touegumsung eina Eeshorgi khutnaobigi matengna bhut shingbu taanthokpa oirabadi, Eeshorgi leibaak nakhoyda laaklabani.
21 Akanba mina laangi khutlai phijet mapung phaana settuna mahaakki mayum makei ngaklabada, mahkki mapot machei maangdana lei;
22 Adubu maangondagi henna kanba aduna laaktuna mahaakpu ngamlabada, mahaakna pambei ngajaramba khutlai phijet apumbaa adu maangondagi mulli, aduga mahaakki mullakpa adu yennei.
23 Eigaa loinadaba mahaak adu eigi yeknabani, amasung eigaa khomjinminnadaba mahaak aduna chaai-khaay.
24 Shengdaba thawaayna mi amadagi chatthokpa matamda potthaapham thiduna eeshing leitba lam lamda koychat chatli, aduga karisu phangdaduna haay, eina thoklakkhiba eeyum aduda hanjillage.
25 Amasung manaa laakpada madu sittoklamba amasung leitenglamba ui.
26 Matam aduda manaa chattuna mahaakmaktagi henna phattaba atei thawaay taret puraklaga, changshinduna maduda lei; amasung mi adugi akonbagi phibam aduna ahaanbagidagi henna phatlakte.
27 Amasung Ebungngona waa asi haayringeida thoklare, miyaamgi maraktagi kanaagumbi nupi amanaa khonjen waangna ebungngoda haay, ebungngobu puramba naopham adu yaaiphabani, amasung Ebungngona thaklamba khom adu yaaiphabani.
28 Touegumsung Ebungngona haay, hoy, adum oinamakpu Eeshorgi waa taaduna ngaakpashing aduna yaaiphabani.
Khudam thidanaba paaomenba thaaoumeigi paandam
( Matthew 12.38-42; Mark 8.12 )
29 Amasung miyaam-shingna ebungngobu omsillabada Ebungngona haayba hourak-e,
miron asi phattaba mironni; khudam thi, amasung Jonahgi khudam nattana khudam amata maduda piraroi.
30 Maramdi Jonahna Ninevehgi mishingda khudam oirakpagumna, migi machaanupa adunasu miron asida oigani.
31 Makhaaromgi ranina waayen-gi matamda miron asigi nupaashingga loynanaa hougatlaktuna makhoybu araanbani haayna utkani, maramdi mahaakna Prithibigi aroiba ngamkheidagi Solomon-gi loushing tage haayna laaklammi; amasung yeng-u, asida Solomondagi henna chaaoba amaa lei.
32 Ninevehgi nupaashingna waayen-gi matamda miron asiga loynanaa lepkhatlaktuna, madubu araanbani haayna utkani; maramdi Jonagi paao shaandokpada makhoyna pukning honglammi, amasung yeng-u, asida Jonadagi henna chaaoba amaa lei.
33 Thaaoumei thaallaga mi kanaanasu madu arotpa maphamda nattraga thummuk makhaada thamde, touegumsung manungda changbashingna mangaan unanaba thaaoumei makhong mathakta thammi.
34 Nanggi hakchaanggi thaaoumeidi mitni; nanggi mitpham chumlabada, nanggi hakchaang apumbasu yaamna ngaalli; touegumsung nanggi mitpham chumdrabada, nanggi hakchaangsu yaamna mammi.
35 Maram aduna nangonda leiba mangaan adu mambra yeng-u.
36 Maram aduna nanggi hakchaang apumba, amaamba mapham elei leitana, phajanaa ngallabadi, thaaoumeina maagi langna nganbana nangbu ngalhanbagum, madu pumngan ngaangani.
Jesusna pharisi shingbu amasung shaastragi ojaashingbu thangjinba
37 Amasung Ebungngona waa ngaanglingeida, pharisi amanaa ebungngobu ayukki luk haminnanaba haayjei, aduga Ebungngona changshinduna luk hanaba phamthare.
38 Amasung Ebungngona luk hadringeida haanna chaithabidaba (makhut haamdoktaba) adu pharisi aduna urabada ngakle.
39 Maduda Eeshorna maangonda haay,
houjik nakhoy pharisi shingnadi pukham tenggotki mapaanthangba sharuk adu shengdok-e, adubu nakhoygi manungdadi namja namtheknaba amasung phattabana thalli.
40 Nakhoy apangbasa, mapaanthangbabu shembiba ebungngo mahaakna manungthangbabusu shembiba nattra?
41 Touegumsung manungda leiba pot adu pinou, aduga yeng-u, pot pumnamak nakhoygi damak sheng-e.
42 Adubu nakhoy phaarisishingda awaabanida! maramdi nakhoyna nungshihidaak, arud amasung manamashing khibikki sharuk taraagi amaa katlaga, achumba amasung Eeshorgi nungshibadi thaadoki; touegumsung asishing asi nakhoyna touba taay, aduga ateishing adubu thaadoktaba taay.
43 Nakhoy phaarisishingda awaabanida! maramdi loysang loysangda makok phamba, miyaam tinnabada khurumhanba nakhoyna paammi.
44 Nakhoyda awaabanida! maramdi nakhoydi udaba mongphamgumbani, amasung adushinggi mathakta koychat chatpa mishingna madu khangde.
45 Amasung waayel heibashinggi kanaagumba amanaa ebungngoda khumlak-e, oja, asi haaybada nahaakna eikhoybusu maaythihalli.
46 Maduda Ebungngona haay,
nakhoy waayel heibashingdasu awaabanida! maramdi puba waaba potlum nakhoyna mishingbu puhalli, aduga nakhoy nashaanadi potlum adu nakhoygi khutnaobi amanasu shokte.
47 Nakhoyda awaabanida! maramdi nakhoyna Eeshorgi waa taakthokpa shinggi mongpham shai, aduga nakhoygi napaa napushingna makhoybu haatle.
48 Asum touduna nakhoyna shakhini, aduga nakhoygi napaa napushinggi thabak adu nakhoyna eya yabani, maramdi makhoy mashaamakna makhoybu haatle, aduga nakhoyna makhoygi mongpham shai.
49 Maram aduna Eeshorgi loushingnasu haay, 'eina makhoyda eigi waa taakthokpa shing amasung paakhon-chatpashingbu thaagani, aduga makhoyna makhoy kharabu haatkani amasung kharabu otneigani',
50 Haaybadi, Abelgi eedagi Eeshorgi laatnapung amasung ashengba sanggi marakta maangkhiba Zachariahgi phaaoba,Hoi, eina nakhoyda haayribani, maasi miron asidagi tangadabani
51 Taaibang-paal houngeidagi Eeshorgi waa taakthokpa pumnamakki ee takhiba adu miron asidagi tanba yaana-nabani.
52 Nakhoy waayel heibashingda awaabanida! maramdi nakhoyna maheigi sho adu louthokkhre; nakhoy nashaanasu changde, amasung changjage hotnariba makhoy adubusu khamle.
53 Amasung Ebungngona mapham adudagi chatthokkhrabada, shaastragi ojaashing amasung pharisi shingna ebungngogi chindagi karigurnba waa phana-naaba lumduna,
54 Ebungngobu kanna yeknaba amasung ayaambagi maramda panghang hangba houre.