Ecclesiastes 10
1 Thaao manam nungshibada, ashibaa haying tasillabadi apumbaa manam phaorak-e. Apangba thabak khajiktana loushinggi mamal hanthahanba ngammi.
2 Ashingba migi thamoidi yetta, aduga apangba migi thamoidi oyda leibani.
3 Lambelda unaba matamdasu gyaan tade, maramsina mi khudingda mahaakna apangbani haaybadu utthoklammi.
4 Leibaak ngaakpana nangbu shaaorabadi, thabak thaadokkanu. Maramdi haayjaraga araanba pumnamak chumthokpa yabani.
5 Leibaak ngaakpashingdagi hourakpa phattaba amasu maalemsida eina ubaa phang-e.
6 Madudi apangbana matong charaga ashingbana maru chaay.
7 Minaaina shagol tonglaga ningthou machaashingna khongna chatli.
8 Kom touba midu komda taagani, phaklang hogaaiba midu linna chikkani.
9 Ching kakpa midu nungna nan-gani. U kakpa midusu shingchep yugani.
10 Maya apangba shingjang thouna phengdrabadi shijinnabada paanggal yaamna chang-e. Adubu loushing shinglabadi thabak ngambani.
11 Lin phadringeida mi chiklabadi, lin phaaba nupaadu peisa phangde.
12 Ashingba migi waangaangna maabu nu-ngsihalli. Apangba mina mashaana mashaabu hatok-e.
13 Apangbana kannadaba waadagi houraga angaaoba choironda loisalli.
14 Apangbana pangaangda ngaang-e, kanaasu tungda thokkadabadu khangba ngamde, kanaana maasibu haayba ngamgadage?
15 Apangbana touba thabakti mamei makok khangdabani, mameithangda saahar taaba lambi phaaoba khanglakte.
16 Minaaina Mapu oinaa paallaba lamdu awaabagi mashakni, ningthou machaashingna ayukta sanei yunei touraba lamdu awaabagi mashakni.
17 Achouba emungda pokpaa mina ningthou oiduna paanba lamdu yaaiphabani, ningthou machaashingna matam chaana saneiyuneidaduna thamoi chamna chakcha heijanarabadi leibaaktu yaaiphabani.
18 Yumbuna ningaidrabadi nong yubani, atanba mi oiragana yum phaaoba ningkhaayrakkani.
19 Harao tayaamna leinanabagidamak chak, punsi nungaaina lennabagidamak yu, adubu peisa leirabadi pumnamak thok-e.
20 Aremba matamda ningthoubu thina ngaangganu, nayumda phamlaga enaak khunbabusu cheirunu, maramdi nahaakna ngaangba waashingdu uchekna tamluba yaai, masha paanba karigumba jibaana waashingdu takthokkhiba yaai.