Ezekiel 16
Thajaningai leitraba Jerusalem
16 Ishor-na eingonda haibikhiba wa:2 Hey Nupa, Jerusalemna toukhiba tukkacharaba thabaksingdu khanghallu. 3 Makhoida haiyu, Mapu Ibungo Ishor-na Jerusalemda asumna takpiri: nakhoigi hourakpam chaorakphamdi Cannan-gi lamdagini. Nakhoigi napadu Amorini, namana Hittini. 4 Nahakna pokpagi matangda wa khara haiba tarabadi nahak pokpa matamda khoiri lendabani. Laija ishingna nahakpu irujathokpikhidabani. Thum thadaduna ishingda nahakpu thamthokpikhide. Phisuna nahakpu tethokpikhhide. 5 Minungsi uttuna hairibasi tounanaba kanasu thoujanga loinana chongthorakkhide. Nahak pokpa matamda tukkachaba maramna nahakpu lamhangda hundoktuna thamkhi.
6 Eina asumna lakpa matamda nahak irakta onduna leiramba uraduna, nangonda eina haikhi, "siganu. 7 Chaokhatpa naijaro loubukta houriba pambighumna. " Nahak chaoraktuna mathot karabi leisabi mapung pharabi ama oirakle. Nasagi kayat mapung pharaba matam nasam samji sanglaba phaobada naphi setlamde.
8 Amuk hanna eina lakpa matamda nahak nungsi nungngon matam oire haiba eina khangkhi. Matamduda nahakki mathakta eina iphi kuppikhi. Kupsinbikhi nahakki koknaba nasadu, khudaktumaktada eina nahakka thajabagi wasak pandom lomnakhi. Changnakhi nahakka eina areppa wasakki panthengdu. Masimak Mapu Ibungo Ishor-na takpiriba wani. Masidagi nahak eigi oiredo. 9 Masigi matungda nahakpu laija ishingda nahakki teiriba eedu chamthokpire. Teibire thao nasadu thungna, 10 Mapan lonba phigeduna nahakpu leitengbikhi. Tonghalle nakhongda saun-gi khongup, kabranggi ningthiraba phiduna nahakpu leitengduna nganthoihankhi. Nganganaba amonba phijettuna leitengbikhi. 11 Sibikhi nahakpu lik kon, sihankhi napambonda pambom phabi, sihankhi nangaksamda liklang pareng. 12 Natonda nasika, nanada lei, nakokta phajaraba luhup uppikhi. 13 Asumna nahak sana amadi lupana leitengkhi. Nahakna memanaba amadi kabranggi phi setkhi. Setkhi nahakna mapan lollaba phi. Nahakna aphaba yamna houba tal aduga loinana khoihi amadi thaonachingbasu marang kaina chaba phangkhi. Nahak mapa leitana ningthijakhi. Mapung phakhi hainingngai leitana. 14 Nahakki ningthijaba natoudu uraga Jatsinggi marakta nangbuta sonnakhi. Eina nangonda pinabiba bordugi mapantana nahak awatpa leiramde. Masimak Mapu Ibungo Lainingthouna takpikhiba waphamni.
15 Adubu nahakna nasak natou phajabaduda lamchat mangbagi thabak kaya toukhi. Nahakki hairiba lamchat mangbagi thabaksi arakpa mi khudingda chatkhi. 16 Nahakna setliba phi khara louthoktuna phajaraba shang ama sakhi. Maduda nahakna lamchat mangbagi thabasindu toukhi. Asigumba matousi keidoungeidasu oikhidri aduga matungdasu amuk oiraklaroi. 17 Eina nahakki naphamda pikhiba sana amadi lupa puthoktuna nupagi murti saduna lamchat mangbagi thabak toukhi. 18 Nahakki aronba phisingdu louthoktuna makhoibu kuppikhi. Eigi thao amadi manam nungsibadu makhoigi mamangda thamkhi. 19 Eina nahakki naphamda pikhiba tal aphaba, yam, thao amadi khoihinachingbadu puthoktuna makhoigi mamangda manam nungsinaba thamkhi. Masimak Mapu Ibungo Lainingthouna takpiriba waphamni. 20 Nahak eingonda pokkhiba nahakki nacha nupa amadi nupisingdu puthoktuna makhoigi mamangda nahakna thou oina katkhi. Pumnamaksi yengluraga nahakna touba lamchat mangbagi thabaksi thoina pik-i haina loirasira? 21 Nahakna eigi ichasingdu phaduna meida thaduna katpa pujanachingba touba matamda saren oina chankhiba nattra? 22 Nahakna lamchat thiba thabak amadi tukkacharaba thabak kayasi touba matamda nahakki naha oiringeigi phibham naphi naron yaodana irakta taduna leirambadudi ningsingde.
Lamchat mangbigumba Jerusalem
23 Nahakna toukhiba phattaba thabaksingsigi matungdasu (Aah. Masigi maramda khallurabadi thoidokna awabagi masakni haina Mapu Ibungo Ishor-na takpiri) 24 Nasagi oina phamung amadi awangba phan chanduna lampak khudingda thamjari. 25 Lambel khudingda nahakna awangba phan challaga nahakki ningthijaraba nasaktu uttuna arakpa mishingda nasamak yonthoktuna nahakki lamchat mangbagi thabaksingdu mashing hen-gathankhi. 26 Egyptta leibasingda nahakna lamchat mangbagi thabak kaya toukhi. Nahakki mihou chaoraba yumlonnabaduda nahakna mashing lakngamdraba lamchat mangbagi thabak toukhi. Masina eibu thoina saoba hengathalli. 27 Maramsina eina nakhoigi mayokta ikhut thagani aduga masina nahakki chakthungdu louthokpigani. Nakhoigi naramchat chumdabadu yenglaga yamna tukkachana toukhiba Philistisinggi nupisingda eina nakhoibu pithokkani. 28 Assyriagasu nahakna lamchat mangbagi thabak toukhi. Nahak adu phaobada penba leite. Thoina hennadum nahakna lamchat mangsillak-i, penba leite nahak houjik phaobada 29 Mahakna Chaldeansinggasu lamchat mangbagi thabak kaya toukhi. Adubu nahak penbadi leite.
30 Mapu Ibungo Ishor-na takpiri, "kayada nungsi ikhou langlibano ukhrabasu nahakna ikai khangdarabi lamchat mangbisingna touba thabak kaya? 31 Lambelgi machinda nahakna thamli phamung aduga semjari nahakna khangpokshang lampak khudinggi. Lamchat mangbi nupisingna peisa loubagumladi nahak toukhide. 32 Lamchat mangbi nupi napuroibabu thadoktuna atoppa nupa arakpasingbu maioknabi. 33 Mishingna lamchat mangbi nupisingda pinei khudon pot adubu nahakti nungsiba nupaduda thoina henna thongdok-i. Nahakki nakada lamchat huktaba thabak touranaba nahakna makhoida thoinadum katsilli. 34 Mahakna lamchat mangbagi thabak toubasidasu nahak atoppa nupisingdagi itop toppi. Kananasu nahakki naphamda lakpidrabada nahakna ateida peisa piduna kowi. Nangonda mina peisa pibadi toude. Maramsina nahak kharadi tongalli.
Jerusalemda mapugi cheirak
35 Maramsina hey lamchat manglabi nupi,Ishor-gi yawasi taro:36 Mapu Ibungo Ishor-na asumna takpiri: Nahak ikaiba khangdaba, aduga nungsibasingduna nahakki naphi haigattuna lamchat mangbagi thabak toukhibadugi maramna, nahakna ningliba lai murtising aduga nahakna pokpa nachasing makhoida nahakna pithokkhiba 37 Pumnamaksi yenglaruraga yengu, eina nahakna nungngaijaruriba nungsiba nupasingdu kougani. Nahakna nungsikhibasing aduga nahakna pap touhankhibasingdu nahakki mayokta lepnaba mapham khudingmaktagi khomgani. Makhoigi mamangda nahakki naphi mungani. Matamduda makhoina nahakki ikok koklaba nasadu uba phanggani. 38 Eina nahakpu lamchat mangba amadi mi hatpagidamak wayeshangda bichar tougani. Kallak mihouba amadi asaoba meirina thumhattuna ee nai tahanbagi maramdugisu nahakpu eina wayelgani. 39 Nahakna nungsina toujaribasingdugi makhutta nahakpu pithokkani. Makhoina nahakki khangpokshang aduga phamungdu thudekkani. Nahakki naphidu makhoina mungani. Loukhigani makhoina nahakki phajaraba leitengsingdu, nahakpu makhoina ikok kokna thadoraklamgani. 40 Makhoina nahakki mayokta lanmi kangbu ama thok-han-gani. Makhoina nangonda nungna thagani aduga nahakpu thangna machet machet kaktuna tumna manghan-gani. 41 Makhoina nahakki nayumsingdu meina thagani. Aduga nahakki nathakta wayelgani nupisinggi mamangda. Eina nahakpu lamchat mangbagi thabak touribasi tokhanggani. Nahakna mingonda peisa thongdokpadusu touhalaroi. 42 Matou asumna nahakki nathakta eina saoribasi pen-gani. Matamdauda eihak yamna ingthana leiganiaduga amuk hanna saoraroi. 43 Nahakna leisaringeigi wasingdu kaothoktuna thoina hennadum nahakna eibu saohankhibani. Yengu, nahakna toukhiba thabaksinggi maheidu nahakki nakokthakta tahan-gani. Masimak Mapu Ibungo Lainingthouna takpiriba waphamni.
Nahakna toukhiba tukkacharaba thabaksingdugi mathakta naramchatsu thikhidra? 44 Yengu, paorou khangba mishingna nahakki naramda asumna Paorou oina hainagani, "keina tokpa pokpra? 45 Machasing amadi mapu-roibabu awaba tahankhiba nahakki namaduna pokpani nahak. Makhoigi mapuroiba amadi machasingbusu awaba tahankhiba nachesingdugi machan nupini nahak. Nahakki namadu Hittini. Aduga nahakpu pokpa napaduna Amorini. 46 Nahakki awang ngamkheida machanupisingga leiriba Samaria nahakki nache ahanni. Nahakki nachan nupi Sodomna kha maikeida machanupisingga leiri adubu nahakti makhoina toubagum aduga makhoina chatliba lamchatkumna chatpaduna penbadi leikhide. Nahakna toukhiba thabaksingduna matam kharatagi manungda makhoina touba thabaksingdagi henna sathina thokkhi. 48 Mapu ibongo Ishor-na takpiri eigi itik igunsina sakhi oisanu, nahakki nachan nupi Sodomna nahakna toubagumna mahakki machanupisingga loinaduna achouba pap toukhre. 49 Yengu, nahakki nachan nupi Sodomna toukhiba aranbasingdu asini: Mahaksu machanu-pisingsu napan kana toukhi. Ahao athum aduga ake amouda ningaidana leikhi, adubu makhoina lairabasingbu mateng pangkhide. 50 Makhoi napan toui aduga eigi imangda tukkacharaba thabak kaya toukhi. Makhoina touribasu uba matamda eina makhoibu thapna thamkhi. 51 Samariadi mahakna toukhiba paptugi tangkhai ama phaoba toukhide. Makhoina touba tukkacharaba thabaktudagi nahakna henna toukhi. Nahakna toukhiba phattaba thabaksingdu uraga nahakki nachena touba phattaba thabaksingdu achumbani haina ningnarabani. 52 Nahak namai phiruk khum-u. Maramdi nahakna makhoidagi henna phattaba pap touduna nachegi mathakta tagadaba wayeldu tahandre. Makhoina nangondagi henna phare. Maramsina nahak ikai shanggoi hangduna namai phiruk khum-u. Maram-di nahakna nache amadi nachandu henna phabagum uhalli.
Sodom amadi Samariabu kanba
53 Sodom amadi Samariagi machanu-pisinggi maraibaktu eina amuk hanjinbigani. Hanjinbigani nahakki yaiphabadusu makhoigi marakta. 54 Makhoigi mamangda nahak uraga eikhoidi phari haina ninghankhrabasu aduga nahakna toukhiba phattaba thabaksingdu leirabasu ikai nungsi yannahanduna hanjinbigani. Nahakki yaiphabadu 55 Nahakki nache amadi nachansinggi matangda hairurabadi, Sodom mahakki machanupisingga hannagi leiphamda hangani. Samaria amadi mahakki machanupisingsu makhoigi hannagi leiphamda hangani. Nahakka nachanupisinggasu nakhoigi hannagi leiphamda hangani. 56 Nahakna napan yamna touna leiringei nahakki nachinda Sodomgi maramda neihak leitana pankhibadu 57 Nahakki phattaba lamchattu khangdringei matamda nattra? Houjikti nahak mahakki matougumle. Edomgi machanupisingna nakhoibu panduna mi cheiba matamda sijinnari. Mahakki yumlo-nnaba amadi nahakki akoibada tariba Philistisinggi machanupisingna nakhoibu cheipham oire. 58 Lainingthou Ibungona takpiri nahakna toukhiba phattaba lamchat amadi tukkacharaba thabaksingdugi maramdagi marandu nahakna puribani.
Lengba naidraba achetpa warep
59 Mapu Ibungo Ishor-na asumna takpiri: Wasak thugaiduna areppa warep kaihankhiba amagi matougumna nahakpu eina dandi pigani. 60 Nahakna naha oiringeida eiga nanga lepnakhiba areppa wasaktu eina kaoba leite. Maramsina nahakka eiga tatnaba thanaba leitraba areppa wasak ama leinaba tai. 61 Nahakki nache amadi nachan anidu eina puduna chatkhiba matamda nahakna toukhiba thabaksingdu ningsingduna namai phiruk khumgani. Makhoibu nahakki makhutta nachanupigi matougumna pigani. Adubu hairiba thabaksi nahakka lepnakhiba areppa wasaktu yengduna touroi. 62 Nahakka tatnaba leitraba areppa wasak thamgani. Eisi Ishor-duni nahakna khanggadabani. 63 Masi khanglabatada nahakna nangkhiba ikaibadu ningsingduna namai lukkadabani. Nachinna madu palloi. Matamduda makhoina toukhiba phattaba thabaksingdu eina ngakpigani. Masimak Mapu Ibungo Ishor-na takpiri.