Titus 3

1 Makhoyna mapushinggi amasung angam athoushinggi makha ponnaba, haayba ennaba, aphaba thabak khudinggi damak thouraang touba oinaba,

2 Mi kanaa amatagi mathakta thina ngangdanaba, ningai kanba oidanaba, pumnamakki maphamda pukning tappa uttuna pukning thotpa oinaba makhoybu ningshinghallu.

3 Maramdi eikhoysu mamaangeida apangba, haayba endaba, minamba, makhal makha apaibagi amasung haraao-kumeigi minaai oiba, kallak khambana panba, tukkachabiraba, amaga-amaga tukkachanba oirammi.

4 Touegumsung eikhoygi kanbiba mapu, Eeshorgi chanbiba amasung mibu nungshibaba uhanbirabada, 

5 Eikhoy eshaana dharmachenna toujakhiba thabaktagi natte, adubu ebungngo mahaakki nungshibibagi matung enna, ebungngo mahaakna eikhoybu amuk pokpibagi luthokpa amasung thawaay ashengbana nouhanbibagi mapaanna kanbire; 

6 Ebungngo mahaakki thoujaanna chumhanbiduna, shinaaidaba punshi khouraangna ningba matung ennaa eikhoybu yumlepchara oihanbinanaba, 

7 Eikhoygi kanbiba mapu Jesus Christagi mapaanna thawaay ashengba adubu eikhoygi ethakta ebungngo mahaakna maraang kaina heithabire. 

8 Haayriba asi thaajagadabani; aduga wara mshing asigi marida Eeshorbu thajarabashingna apha aphaba thabak touduna leibada pukning changnanaba nahaakna chetna haaybiba eina paambani. Waaramshing asi mishinggi damak aphaba amasung kaannabani.

9 Thoigumbasung apangba waa hangdok hangjin touba, mihourol thinba, yeinasunaba, amasung waayel yaathanggi marida khatna-cheinaba, asishingdagi theidok-u; maramdi asishing asi kannadaba amasung arembani. 

10 Ningai chaaoba midi seraannaba, paap chenba, amasung mathantabu lalhanjabani haayba khaangduna,

11 Amuk anirak waarakpa matungda asigumba mibu louganu.

Khaayna Wa

12 Eina Artima nattraga tukhikabu nangonda thaaraklaga, Nikopoli taanna nahaakna eingonda laaknanaba ngamba makhei hotnabiyu, maramdi maduda eina ningthamtha lenning-e. 

13 Waayel heiba Sinaga Apollogabu karisu waatpa leitananaba pukning changna thindokpiyu. 

14 Aduga eikhoygi mishingna mahei yaandaba oidananaba, tangaaiphadabada shijinnanabagi damak apha aphaba thabak touduna leiba makhoynasu tamsanu.

15 Eigaa loynariba pumnamakna nahaakpu khurumjari. Thaajaba adugi marida eikhoybu nungshibashingbu khurumjei. Thoujaal nakhoy pumnamakka loinabisanu.