Ezra 5
Ningnashang amuk hanna sagatpa
5 Maichou Haggai amadi Iddogi macha Zechariahna Judah amadi Jerusalemda leiriba Jewdisinggi mathakta makhoiga loinabiriba Israelgi Mapugi mingda wa takthokpa hourammi. 2 Masigi matungda Shealtielgi macha Zerubbabel amadi Jozadakki macha Joshuana chingduna Jerusalemda Mapu ningnashang saba hourammi. Mapu Ibungogi maichousingna makhoibu mateng pirammi.
3 Matamduda Euphrate turelgi wangmada leiriba Tatteni amadi Sethar-Bozenai aduga makhoiga loinana leiriba mishingduna hairammi, "kanana nakhoida ningnashangsi sannaba yathang pikhibage?" 4 Makhoina masida hangkhi, "ningnashangsi sariba mishingsigi mamingna kari kari koubage?" 5 Makhoina ningjariba Mapu Ibungona makhoibu thoujanbiba maramna thabakti lepkhide. Makhoina Dariuski maphamda pao ama thaduna madugi paokhum iduna pidriba phaoba thabak lepkhide. 6 Makhoina ningthoure Dariusta thakhiba paodi makhagisini:
7 Ningthou Dariuski maphamda nollukna hanggatchari, Iningthou yaipha nunggaiba thoina hen-gatpa oisanu.
8 "Ningthou Dariuski maphamda nollukna khurumjari madudi wangthoiba Mapu Ibungogi mingda Judahgi manungda sagatliba ningnashangdu Judahda chattuna yenglure. Houjik houjikmak masi achouba nung amadi unachingba sijinnaduna sagatli haibasi iningthouna khangbiyu. Makhoina thabaksi yamna phajana chatthari. 9 Eikhoina ahansing amadi mi ateida ningnashangsi kanana sao haina yathang pibage haina hanglammi. 10 Ningthouda hanggatchanabagidamak eikhoina makhoigi luchingbasinggi mamingnachingba loina hanglammi. 11 Makhoina asumna paokhu-mkhi: Eikhoidi malem amadi koirou anigi mapugi manaisingni Israelgi aphaoba ningthou amana saramba ningnashang thainadagi leiraklabani. Amuk hanna masi sagatlibani. 12 Eikhoigi ipa ipusingna Ibungo mahakpu saohanba maramna Babylon-gi ningthou Chaldean sageigi Nebuchadnezzarna lanpha oina makhoibu pukhi. Maduda ningnashangdu thugaiduna mishingbu lanpha oina pukhibani. 13 Adu-bu Babylon-gi ningthou Cyrusna panba matamgi ahanba chahida ningthou Cyrusna Mapu ningnashangsi amuk sagatnaba yathang pikhibani. 14 Mapu ningnashangdugi sana amadi lupana saba patra pumnamak Jerusalemgi ningnashangdagi Nebuchadnezzarna louthoktuna Babylonda pukhi. Adubu pumnamaksi ningthou Cyrusna louthoklaga Shesh-bazzar kouba leibak ngakpa nupa amada sinnakhi. 15 Matamduda ningthouna mangonda takpikhi: Patrasingsi puduna Jerusalemda leiriba ningnashangduda thammu aduga ningnashangdu hannagumna amuk sagat-lu. 16 Masigi matungda hairiba Sheshbazzarsina laklaga yumpham thonduna Jerusalemda leiriba Mapu ningnashangsi sagatkhi. Matamdudagi houjik phaoba sadunata laklibani adubu loiba koubadi naide.
17 Kariguma ningthouna yabirabadi Babylonda leiriba thoudoksing isinduna thamliba lairiktuda thibiduna ningthou Cyrusna Jerusalemgi asigumba Mapu ningnashanggi matangda yathang pibikhi nattraga pikhide haibasusu yengbisanu. Aduga ningthouna nanai eikhoida bor pinabisanu."