Isaiah 47

Babylonbu waayenbiba

1 Uphullakta nakhoyga loynana, phamli Babylongi mamomloishingduna, kumthaduna shinghasandagi maalemthakta phammu he Chaldeanshinggi mamaomloisa, mishingna nakhoybu paaybada molli aduga shaak phajei haayna chingoiraroi,

2 Chakri nungdu paayduna chara taklo, nakhoygi maikhum phidu louthokkhro, naphi louthok-u, naphaigandu uthalu, lallu tureldu ngamnamak,

3 Adu oirabadi nakhoygi eting tingba nashaadu phajanaa ubaa phanggani, nahaakna ekaaiganbadu mapaan naairoi, eina laman khumgani, eina nakhoybu lunaa touroi,

4 Eikhoigi kanbiba Israelgi shengthoiraba Ebungngona taakpiri asumna, mahaakki minglendi khangnei nongthak nongkha anigi mapu, Eeshor haayna.

5 Tuminna phamduna leiyu, aduga amaambada chatlu he Chaldeanshinggi mamomloisa, maramdi nakhoy leibaaksigi mabemmani haayna kanaanasu chingoinararoi,

6 Eigi mishinggi mathakta eihaak yaamna shaaorammi, eigi dhaaraadu eina ngamnamak manghankhre, eina makhoybu nahaakki nakhutta pikhi. Aduga nahaakna makhoyda thoujaalgi erik amaa phaaoba utkhide, ahan matam oirabashinggi mathakta arumba potlum happikhi.

7 Nakhoyna haaykhi, "eina mahaakki mabemma oigani, adubu nakhoyna haayriba waashingsidi nanadasu happikhide, masidagi laakkadaba aroibadudi nakhoyna ningshingkhide.

8 Maramsina nungaaiba paambashing nakhoy waaphamsi taro, lengdaba maphamduda leiribashing taro, haayjariba nathamoinungda, "ei mangaire. Kanaanabu kari touragaba?" eina lukhraabigumna phamloi, echaa shibagi awaaba khangloi.

9 Nongmadi mikup amagi manungda thoudok ani nakhoygi nathakta taagani, haayriba thoudok anisi mapaa leitana nakhoygi nathakta laakkani: nachaa shiba aduga lukhra oiba, nakhoygi jadu toubashinggi mateng yaamna loujanaba thouraang toudunasu, nakhoyna mashing laakngamdana laihatlon shonduna ngaakthoknaba laaknadunasu haayribashingsi shoydana thoklagadabani,

10 Nakhoyna phattaba thabak touraga lengdrabani haayna ning-e, nakhoyna haayjari, "kanaanasu eibu ubaa ngamde." nakhoyna shingle amadi heire haayna ningjabaduna nakhoybu laanna chingkhre, nathamoida haayjari, "eidani. Eihaakka mannaba kanaa leibage?"

11 Nakhoyna ngaakthokpa ngamloidaba phattabadu nathakta taagani, nakhoyna thou toudunasu phahanba ngamloidaba laaichattu nakhoygi nathakta taagani, nakhoyna haanna ningdaba amaang atashingdu nakhoygi nathakta khanghoudana laakkani.

12 Nakhoyna touriba maaiba maibi amadi mantra sonbaduda chetna lengdana leiyu. Nakhoyna nahaa oiringei matamdagi haayribasida touduna laaklabani, haayribasi touduna nakhoy maay paakpasu yaai aduga masina akibaa mashak phangba thoudok thok-hanbasu yaai.

13 Nakhoy paaoutaak yaamna phangmanba maramna chokthaaraba nattra? Haayribashingduna chongthoraktuna nakhoybu kansanu, nakhoygi panjishing thawaan-michakki lambi khangbashingduna thaa amagi mathangda thaa amagi thokkadaba waashingduhaihanduna nakhoybu kanba ngambra yeng-u.

14 Adubu haayribashingdu phouhamgi matougumna paikhre, chakkhre meina makhoybu thorakliba meiridu makhoyna kupshinba ngamde, chakliba miduna makhoybu shaagathange haayna toubadi natte, makhoyna meinakta phamduna leigadabasu natte.

15 Masikhakta oisanu nakhoygi jadu touba mishingdugi mathakta, loina makhoygi amadi nakhoygi napunsidu lomkhrabani, Chatkhre makhoy maagi maagi thokpa chatningba maaykei yengduna, nakhoybu kanbinaba kanaa leite.