Deuteronomy 16
Araan-chaak-khangba
(Khong 12:1-20)
16 "Aviv kouba thaada Araan-chaak-khangba paangthoktuna napuroi Eesor-bu ekaai-khumnaba phongdok-u. thaa adugi manungda ahing amagi matamda ebungngona nakhoybu Egypttagi kanbikhibani. 2 Khurumjanaba khandok-khraba maphamduda chatlaga yaao nattraga san amaa haatlaga nakhoygi napuroi Eesor-bu ekaai-khumnaba utpa oinaa Araan-chaak khaangbada chaao. 3 asigumba chaak-khangbasida haamei yaaodaba tal houraga chagadabani. Khonglei thuna Egypt thaadoklamdaaida nakhoyna toukhiba adugumna, numit taretni haamei yaaodaba tal chaaduna lengadabani. Haayriba talsi chaao maramdi asigumba talsi awaaba khaangbagi tal kougani. nakhoyna hinglibamakhei awaaba khaangduna leiramba Egypt ningsinghannaba khudam amasu oigado-uribani. 4 Numit taretni chupnaa nakhoygi leibaak sinbaa thungna mayum phaaobada haamei thamba yaade. Ahaanba numitki Numidaang-waairamda haatpa sadugi masaadu numittumaktada chagadabani.
5-6 Khurumjanaba khandok-khraba maphamdukhaktada saadu haatkadabani. nakhoygi napuroi Eesor-na pibigadouriba lamdugi atei maphamda haatpa yaade. nakhoyna maasi Egypt thado-kpa numitki matam haaybadi numit taaba matamda paangthokkadoubani. 7 saadu thongduna khurumjanaba khandok-khraba maphamduda chagadabani. Mathanggi ayukta nayumda hallak-u. 8 Mathanggi numit tarukni aduma nakhoyna haamei haptaba tal chagadabani. Taretni subaa numitta nakhoygi napuroi Eesor-bu khurumjanabagidamak punna tinnaro adu-ga haayriba numitsida thabak subaa yaade.
Lourok kummei
(Khong 34:22, Litchat 23:15-21)
9 "Nakhoyna mahei marong lokpa houba matamdagi chayon taret subaa matamda 10 Lourok Kummei amaa paangthok-u. Masida nakhoyna nakhoygi napuroi Eesor-bu ekaai-khumnaba utpa oinaa ebungngo mahaakna pinabikhiba potthoktugi chaang yengduna chingnaba leitaana katkadabani. 11 nakhoyna leiriba saharsingduda leiriba nachaasing, minaaising, Levising, lamlaanbasing, mapaa mamaa leitbasing, amadi mapuroiba leijadrabasing yaaonaEesor-gi maangda haraao tayaamna thokchou. Haayribasisu khandok-khraba khurumjanaba maphamduda paangthokkadabani. 12 Haayriba yaathangsingsi nakhoyna kaidana chatli haaybasi khangadabani. Egyptta nakhoy minaai oinaa leirammi haaybasi kaaothokkanu.
Saidangbagi kummei
(Litchat 23:33-43)
13 "Nakhoyna mahei marong amadi angur lokpa loiraba matungda saaidaangbagi kummeisi numit taretni paangthok-u. 14 Masida nakhoygi nachaasing, minaaising, Levising, lamlaanbasing, mapaa mamaa leitbasing amadi mapuroiba leitrabasingnachingba nakhoyna leiriba saharsingda leiribasingdu yaaona nungaaiminnagadabani. 15 Khurumjanaba khandok-khraba maphamduda numit taretni haayriba kum-meisi touduna nakhoygi napuroi Eesor-bu ekaai-khumnaba utlu. Nungaaijou maramdi nakhoygi napuroi Eesor-na nakhoyna thaajaba mahei marong amadi thabakta bor pinabire.
16 "Khurumjanaba khandok-khraba maphamduda chahi amada ahumlak chat-tuna maphamduda nakhoygi napuroi Eesor-bu khurumjou. Thoudok ahumlaktudi Araan-chaak-khangba, mahei marong lokpagi kummei amadi changjapham thibagi kummeiduni. mi khudingmakna manaa manaa ngambagi matung enna, 17 nakhoygi napuroi Eesor-na pinabibadugi matik thokpa chanda puduna laakkadabani.
Achumba touba
18 "Nakhoygi napuroi Eesor-na nakhoyda pinabikhiba matung ennaa sahar khudingda waayelanaba mising khandok-u. Haayriba waayelba-singsina misinggi mathakta michang mikhaai naaidana waayelgadabani. 19 makhoyna waayelba matamda michang mikhaai naaiba nattraga chumdaba thabak touroidoubani. makhoyna senja thumja amadi khudonnachingba louroidoubani. maramdi maasi louba taarabadi louriba pottuna asingba mi oiraba phaaobada mamit tanghan-gani adugaa chumdaba waayel tourakkani. 20 nakhoygi napuroi Eesor-na nakhoyda pinagadouriba lamduda punsi nungsangna paanba yaan-naba matam leibada achumba thabak tougadabani.
21 "Nakhoygi napuroi Eesor-gini haayduna karigumbada phankho-ng amaa saaba taarabadi, masigi nakanda Asherah koubi lairembidugi una murti saaraga thamba yaaroi. 22 laai murti latnanabagidamak nunggi ukhongnachingba saroidoubani. nakhoygi napuroi Eesor-na maasibu tukkutchei.