Joshua 6
Jericho tumba
6 Jericho sahargi thongsingdu thingduna thamlammi. Israelgi mising changlakpa ngamdanaba ngaksenduna thamlammi. Kanaagumba mi amaa phaaoba sahardugi mapaanda nattraga manungda changthok changsin touba ngamlamde. 2 Eesor-na Joshuada haayrammi, "Jerichogi ningthou amadi masigi manungda leiriba thouna leiraba laanmisingsi yaaonanahaakki nakhutta Eina pirabani. 3 Nahaakka loynanaa laanmisingsina numit tarukni chupnaa saharsigi akhoibada nongmagi amuk koigadabani. 4 Purohit taretna pere amam-mamam paayduna areppa waasakki urongdugi mamaangda changsin-gadabani. Taretni subaa numittadi purohit singna pere khongduna leiringeida nahaak amadi laanmisingna sahardu taretlak haanna koigadabani. 5 Masigi matungda makhoyna yaamna sangna pere makhon thok-hangadabani. nakhoyna maasi hek tabaga miyaamna khongjen waangna amadi houna laogadabani. Masida sahardugi chekpandu tukhigani. Masigi matungda laanmisingduna saharduda hekta changba yaare.
6 Joshuana purohit singbu kouraga haayrammi, "areppa waasakki urongdu puduna nakhoy taretna masigi mamaang thaaduna chatkadabani. Peresu pugadabani. 7 Joshuana mahaakki laanmisingdu sahardugi akoybada changsinnaba yaathang amaa tourammi. Masiga loynanaa Eesor-gi areppa waasakki urongdu puduna mangjin thaaba kaangbu amaa changsilhallammi.
8-9 Joshuana yaathang toukhiba matung ennaa pere khongliba purohit singgi mang thaaduna mangjin thaaba kaanglup amaa changsinba houra klammi. Masigi matungda areppa waasakki urong puriba purohit-singgi mathangda laanmising ellammi. Haayribasigi manungdasu peredi leptana khonglammi. 10 Joshuana misingda langdanaba adugaa mahaakki yaathang nattana waa amaa phaaoba ngangdanaba haaykhi. 11 Haayriba misingsida Eesor-gi areppa waasakki urong puduna sahardubu koisinanaba yaathang pirammi. Masigi matungda makhoyna laansangda hallaaktuna ahingduma pothakhi 12-13 Mathanggi numitta Joshuana ayuk nganna hougatlammi adugaa houkhiba numitta toukhibagumna purohit amadi laanmi singna mathang manaao naaina sahardugi akoybada chatlammi. ehaan haanna mangjin thaaba kaangbu, mathangda pere khongba purohit taret, masigi matungda Eesor-gi areppa waasakki urong puriba purohit sing, eroi loibada laanmising chatlammi. Matam pumbada peredi leppa leitaana khonglammi. 14 Ninisuba numitsidasu makhoyna sahardubu amurak koyna chatlammi. maasi loiraba matungda makhoy laansangda hallakkhi. asumna makhoyna numit tarukni chatthakhi.
15 Taretni subaa numittuda makhoyna nong hek nganbaga hougatlammi. sahardugi akoybada makhoyna taretlak haanna koyna chatlammi. Taretnisuba numitsidani makhoyna taretlak haanna sahargi akoybada chatkhibasi. 16 Taretlak subaa matamduda purohit singna pere khonggadoubagi sem sarakpa matang, Joshuana misingda khonjen houna laonanaba yaathang pirammi amasung haayrak-e, Eesor-na saharsi nakhoygi nakhutta pirabani." 17 saharsigi manungda leiriba pot khudingmak Eesor-gi khuyaakhaada katthoklaba pot oinaa loina manghallo. oktabi Rahab amadi mahaakki emung manunggi mising nattana ateidi loina tumhallo. mahaakti eikhoygi miran oinaa thaakhiba misingbu kanbikhiba maramna sokpa yaaroi 18 Mangtak-hallaba potsingdu nakhoyna khomba yaade. Karigumba nakhoyna khomjinba taarabadi Israelgi misingna leiriba laansangsida awaa-anaa thok-han-gani. 19 Silver, sanaa, kori, yotnachingbana saaba pot khuding Eesor-gini. Haayriba-singsi Eesor-gi pukkeida thamgadoubani."
20 asumna purohit singna pere khonglammi. miyaamduna maasi hek tabaga khanglao laorammi. Masida sahardugi chekpandu ningkhaayrammi adudagi laanmi singna chinglomda kakhattuna sahar tamna phujinkhi. makhoyna maasibu laksinkhi. 21 makhoyna pairiba thaangsaangduna saharduda leiramba mising loina haatkhi. nupaa, nupi ahan nahaa khaktana loisinkhi. makhoyna saa-san, yaao amadi lolanachingbasingsu haatkhi.
22 Miran oinaa chatluba nupaa aniduda Joshuana asumna haayrak-e, "oktabi nupidugi emungda changlaba mahaakki emunggi mising loina nakhoyna waasakkhibadugi matung ennaa puthoraku." 23 asumna makhoyna Rahabki emungda changkhiduna mapa, mama,machin manaaosing amadi makhoygi emung manung pumnamak puthorakkhi. makhoyna Rahabki emung manung, minaaising yaaonaIsraelgi misinggi laanban manaakta puraga thambirammi. 24 Masigi matungda makhoyna sahardu meina thaakhi. Masida leiba potsinggi manungda sanaa, silver, kori, pithraai amadi yotna saaba potsing nattana loina meida thaakhi. Sanaa silver-nachingba asidi Eesor-gi langeida thamjinkhi. 25 adubu Joshuana oktabi nupi Rahab amadi mahaakki emunggi mari mata pumnamak kanbikhi maramdi mahaakna thaakhiba nupaa anidu Rahabna kanbikhibadagini. ( mahaakki dhaara ngasi phaaoba Israelgi manungda leiri.)
26 Matamduda Joshuana miyaamda achet-wa amaa haayrammi, "Jericho saharbu amuk saagatke ningba midu Eesor-gi cheirak phanggani.
Masigi yumpham thon-gatpa midu machaa ahan sigani. Thonggal saagatpa kanaagumba midugina eton tonba machaa-nupaadu sigani."
27 Matou asumna Eesor-na Joshuaga loinabirammi. adugaa mapham khuding sinbaa thungna Joshuagi maming saandokkhirammi.