Psalm 20

Laan-ngambada haayjaba

1 Awaaba taarabada Eeshorna tengbangbisanu, Jacobki Eeshorna nahaakpu kanbiba oisanu.

2 Ebungngo mahaakki ningnashangdagi nahaakpu mateng paanglakkani, Zion chingdagi nahaakpu kubirakkani.

3 Nahaakki erat potshingdu ubada Ebungngona latnabidasanu, Nahaakki thounidu Ebungngona loushinbisanu.

4 Ebungngona nahaakki nijaba pumbaa thunghanbisanu, nahaakna thouraangliba pumbasu Ebungngona paangthokpisanu

5 Nahaakna laangamba matamda haraaona eikhoyna leigani, nahaakna laangambadu eikhoygi epuroiroinani khanduna thaagat-chaagani. Maramsina Eeshorna nahaakna haayjaba pumbaa kubisanu.

6 Eeshorna khandokpikhraba ningthouduna maay paak-e haayba khangle, Ebungngogi ashengba laireipaktagi ningthouduna paaoukhum pirak-e. Ebungngogi paanggaltana ningthoududa laan-ngam phiran thethalli.

7 Kharana laangi dolaida mathawaay lup-i, kharana shagol laanmida aroibi thaajei, adubu eikhoygidi epuroi Eeshorna loire.

8 Makhoy khudong thigani adubu eikhoydi maay paakkani.

9 He Eeshor, ningthoubu laan ngamhanbiyu, nanaai eikhoyna haayjaba matamda Ebungngona tabiyu.