Proverbs 4
Lousing leigagi kannaba
4 Ichasa, nakhoigi napana takpibasingdu napukning changna tao. Nanada happu adu oirabadi lousing singba hengani. 2 Eina nakhoida takpiribasi aphaba ngaktani maramsina masibu matam leibada ningsingu. 3 Ipa imagi amatta ngairaba apikpa nawa ama oiringei matamda, 4 Ipana eibu takpi tambirammi. Mahakna hairammi, "eina ngasi hairibasi ningsingu aduga keidoungeida kaothokpa touganu. Eina hairibasi inba ngamlabadi, napun-si toloina pan-gani. 5 Lousing amadi laisu khangnanaba hotnou. Eina ngasi hairibasi kaothokkanu aduga thaoidabasu touganu. 6 Lousingbu thadokkanu adu oirabadi mahakna nakhoibu sennabigani. Mahakpu nungsirabadi, nakhoi asoi angam leiraroi. 7 Lousing tanba haibasina punsigi athoiba thouni. Nakhoina phanba pot khudinggi laisu khangadabani. 8 Lousingbu nungsiyu adu oirabadi mahakna nakhoibu achouba mi oihangani. Mahakpu konsinjou adu oirabadi mahakna nakhoibu ikai khumnahangani. 9 Lousingtana ningthougi luhuptu oigadabani."
10 Ichasa, eina haiba taro. Eina hairibasi napukning changna taro adu oirabadi punsi nungsangna pangani. 11 Eina nakhoida lousing karino haibadu takhre aduga hingbada changba lambel-dusu masak takle. 12 Lousing leina chatlabadi, khonglouba leiroi. Lamjen thaduna chellabasu khudi thiba thokloi. 13 Tamkhrabasingdu matam leibada ningsingu. Tamsinkhrabaduna lengdaba lanni. Madubu ningthina chetna thamgadabani 14 Phattabasingna chatpa lambelduda chatluganu. Phattabasinggi matousu tamluganu. 15 Phattabadu touroidoubani. Phattabadu thadok-u makhoina chatsi hairaklabasu makhoidagi thapna chattho-knaba hotnou. 16 Phattabasigdudi aranba ama toudrimakhei tumba yadabani. Kanagumba amabu sokpanba thok-han-driba makhei makhoi mitsen khangduna leibani. 17 Phattaba amadi aranba toubasina chana-thaknaba potkumna makhoigi pukningda louribani.
18 Achumba mina chatliba lambidu thengtharaklaga asum mangal hen-gatlakpa numitki mangalgumbani. 19 Phattabasinggi lambeldi ahinggumna amambani makhoina turaba phaobada karida khudi thikhibano haibadu khangba ngamde.
20 Ichasa, eina hairiba wasi lousillu. Eigi wasi kaothokkanu. Masibu keidoungeida thadokpa touganu. 21 Napukningda ningsingduna matam leibada masibu hundoktanaba laknou. 22 Masibu khangba mishingdu asoiangam leiroi aduga laisu heigani. 23 Nakhoina khanba khuding chummi chumde yengu. Nakhoigi pun-sidu wakhanna phahanba nattraga phat-handaba ngammi. 24 Oidaba keidou-ngeidasu ngangganu. Minamba ngangba nattraga lanna lamjingbasingbu thousaru-ganu. 25 Pukchel sengna khumang chosinnaba hotnou. Ikaiduna tuminna phamduna leithokkanu. 26 Nakhoina tougada pumnamak ningthina sem saduna hotnagadabani aduga touruba thabaktu landanaba tougadabani. 27 Phattaba thadoktuna achumba lambelda laknaba hotnou. Achumba lambidudagi khongthang ama nanthoktanaba hotnagadabani.