Hebrew 11
Thaajabada phaaoraba mising
11 Thaajabadi khouraangna ningba potki areppani, adugaa udaba potki maramda waakhal taarabani, 2 maramdi masida ahansingna masa masaagi maramda aphaba saakhi phangle.
3 Eesor-gi waaheina taaibang paanbabu semle, aduna uriba pot adu ubaa ngamba pottagi oirakpa natte haayba, thaajabana eikhoyna khang-e.
4 Thaajabana Hebalna Caindagi Eesor-gi maphamda thoihenba eeratpot katle; asigi mapaanna Eesor-na mahaakki khudon-gi mathakta saakhi piduna, mahaak dharma chenbani haayba masaana saakhi phangle; adugaa thaajaba asigi mapaanna mahaakna sikhrabasu houjik phaaoba ngangli.
5 Thaajabana Hanokna siba udananaba mahaakpu pukhatpire; adugaa Eesor-na mahaakpu pukhatpikhiba maranma mahaakpu phangdre; maramdi mahaakpu pukhatpidringeida Eesor-bu mahaakna pelhalle haayba saakhi phangle.
6 Amasung thaajaba yaaodanadi ebungngo mahaakpu pelhanba ngamde; maramdi Eesor-gi maphamda naksinjarakpa mina Eesor lei amasung ebungngo mahaakpu thijabasingda manaa pibiba mapuni haayba thaajaba taare.
7 Thaajabana Noahna udriba thabakki marida mitna singhanbiba phangduna, Eesor kina ningbagi maranma, mahaakki emung kannanaba hijaao amaa sare; asigi mapaanna mahkna taaibang paanbabu laalhalle amasung thaajabagi matung ennaa oiriba dharma-chenbagi yumlepchara oirakle.
8 Thaajabana Abraham na, mahaakpu kourabada, phangpham thokpa phanggadouriba mapham adu taanna chat-thoknanaba haayba elle; adugaa mahaakna kadaayda chatkadaba khangdaduna chat-thoklak-e. 9 Thaajabana mahaakna mahaak-makki lam nattabagumna, waaleppagi lamda lamlaanba oiraktuna, waaleppa adumakki yumlepchara oiminnaba esaacka amasung Jameska loynanaa phiyumda palle. 10 maramdi mahaakna yumpham leiba, Eesor-na sasu saaba semsu semba sahar adugi damak ngaijarammi.
11 Thaajabana Saramaknasu chahi matung laankhrabada mironnanaba paanggal phangle, maramdi waaleppiba ebungngo mahaakpu thaajaba yabani haayna mahaakna singthaanare. 12 maram adugi damak amadagi, mahaaksu sirabagum oirabada, masingda atiyagi thawaan-michakkum amasung masing thibaa ngamdaba samudra mapaanda leiba leingoigum chongthokle.
13 Makhoy pumnamak asina waaleppa makhei adu phangkhide, adubu athaap-padagi madusingbu usu ujaduna, khurumsu khurumjaduna, amasung makhoydi prithibida mireibak machaa amasung lamlaanbani haidoktuna thajana sire. 14 maramdi asumna haayriba makhoyna makhoy-makki mareibaak oinaba thijari haayba phongdokpani. 15 Amasung makhoyna thoklakpa mareibaak adu ningsinglamlabadi, maaduda amuk hannanabagi khudongchaba makhoyna phanglamgadabani. 16 adubu houjikti makhoyna henna phaaba mareibaak, haaybadi swargagi oiba adubu khourangjabani. maram adugi damak makhoygi Eesorni haayna koubada Eesor-na makhoygi damak sahar amaa thouraang toubire.
17 Abrahambu chaang yengbada thaajabana mahaakna esaacpu katchaare, adugaa waaleppa makhei adubu haraaona phangjaraba mahaak aduna mahaakki amata ngaayba machaa nupaa bu katthoklammi. 18 machaa asigi marida waa asi haaybadi esaactagi nahaakki dhaara kougani, haaykhi. 19 Eesor-na asiba-singdagi phaaoba hinggathanba ngammi haayba mahaakna khalle; maadudagisu mahaakna paandam oinaa maabu amuk haanna phangjare.
20 Thaajabana esaacna thoklagadaba adugi maridasu James amasung Esoubu bor pibire. 21 Thaajabana Jamesna siramdaida Josephki machaa nupaa khudingbu bor pibire; adugaa mahaakki cheisu matonda ngajaduna Eesor-bu khurumjare. 22 Thaajabana Josephna mapunsi loiramdaida, Israelgi machaasingna chat-thokkadabagi maramda ningsingduna, mahaakki lugi maramda yaathang pire.
23 Mosesbu poklaga, thaajabana mahaakpu mamaa-mapaana thaa ahum lotlammi, maramdi mahaak phajaba angaangni haayba makhoyna ure; adugaa makhoyna ningthougi yaathang adubu kiramde. 24 Thaajabana Moses-na chaaoraklabada Pharoungi mach nupigi machaa-nupaani haayna kouba yaramde; 25 adugi mahutta matam kharagi damak paapki nungaaiba phangbadagibudi, Eesor-gi misingga loynanaa awaa-anaang saruk phangminnaba mahaakna khandokle; 26 Egyptgi lanthumdagibudi Christagi maaythibana henna luba lanni haayna singthaanare; maramdi mahaakna matik okpa manaa adu yengjarambani.
27 Thaajabana mahaakna ningthougi meihouna saaoba adu kidaduna Egypt thaadokle; maramdi ubaa ngamdaba ebungngo mahaakpu mahaakna ubangumna khangle. 28 haanna pokpasingbu maanghanba aduna makhoybu soktaananaba, thaajabana mahaakna araan-chaak khaangba amasung ee khikpa adu semgatle.
29 Thaajabana makhoyna angaangba samudra adugi mayaaida kangphaan gumna laanthokle; Egyptgi misingna maadu touge hotnabada samudrana makhoybu lak-hatkhre.
30 Thaajabana Jerichogi pal adu numit taretni koisillaba matungda kinthare. 31 Thaajabana oktabi Rahabna lanjabasingbu chikna lousinbiba maramna, haayba endaba singga loynanaa mahaakna mangminnakhide.
32 Amasung eina henna kari haaygadage? maramdi Gidiyon gi, Barakki, Simson gi, Jiphathagi, Davidki, amasung Samuelgi adugaa Eesor-gi waa taakthokpa singgi maram eina tamlabadi, eigi matam leiroi. 33 Makhoy sing asina thaajabagi mapaanna ningthou paanba leibaaksingbu khudum challe, dharma chenba thabak toure, waaleppa phangle, nongsasinggi machin khamle, 34 meigi paanggal muthalle, kabaak-thaang mayadagi hinglakle, asonbadagi kallakle, laanda khutkan paanggallakle, mireibakki laanmisingbu taanthokle.
35 nupi-singna makhoy makhoygi asiba-singbu hinggatpagi mapaanna phangjare. atei ateisingna henna phaaba hinggatpa phangna-naba, thaadokpiba yaajadabadagi laknaba phangle; 36 Amasung ateisingna noknabagi adugaa thina yeibagi, hoy, amuk henna punsu punbagi, keisum-sangda tasu tabagi chaang yengba khangle. 37 Makhoybu nungna thaare, makhoybu lenkhaaire, makhoybu themdokle, makhoybu kabaak-thaangna haatle; makhoyna yaao amasung haamenggi maun settuna koychat chatle; makhoyna nangduna awaaba khaangduna, ot-neiba pliangduna. 38 (Makhoy adugi damak taaibang-paansi matik chaaba natte), lamhaangda, chingda, chingnunghutta amasung leikhunda koychat chatle.
39 Amasung makhoygi thaajabagi mapaanna makhoy pumnamak asigi maramda saakhi phanglabasu, makhoyna waaleppa adudi phangkhide; 40 maramdi eikhoy yaaodana makhoy ch-ngkhonba oidananaba Eesor-na eikhoygi maramda karigumba henna phaaba pot laangbire.