Jeremiah 36

Ningna sangda Baruchna puya paba

36 Judah-gi ningthou Josiahgi machaa-nupaa Jehoiakimna paanba marisuba chahida Eesor-na Jeremiahda waa haaybirammi: 2 "Akonba che mapun amaa louro. maaduda eina haayba waasingdu esinduna thammu. Judah, Jerusalem, amadi jaat atei ateigi maramda eina nangonda waa haayba numittudagi louraga adugaa Josiahna ningthou oiba numittudagi houna amatta chitthadana esinduna thammu. 3 adu oirabadi Judahda leiriba misingna eina makhoygi mathakta phattaba touge haayna ninglibasingsi soydana taagani. adugaa mi khudingmak manaa manaa touriba phattaba thabaksingdu thaadoktuna mamaay leirakpa matamda makhoyna toukhiba aaronba thabaksing adugaa maadu toubada makhoyna yonkhibasingdu ngaakpiba yaai."

4 Matangdua Jeremiahna Neriahgi machaa-nupaa Baruchpu kouraduna Jeremiahna haayba Eesor-na tourakpa yaathangsingdu isillammi. 5 Jeremiahna Baruchta haayrammi, " Eesor-gi ningna sangda eihaak changba yadre. 6 maramsina nahaakna ningna sangda chatkadabani. Madusu chara  henba numit amaa yengduna nahaakna eina haayba matung ennaa eriba Eesor-gi waasingdu Eesor-gi ningna sangda tilliba misingda paathokkadabani. Nahaakna haayriba waasingsi Judah-gi misingna makhoyna sahargi mapaan thorakpa matamda tannaba paathokkadabani. 7 adu oirabadi makhoyna Eesor-gi khuyaakhaada nonjaraba yaai. Eesor-na haayriba mising sigi mayokta laaothokkhriba phattabasi yaamna chaaore. adugaa waasingsi taaraga makhoyna touriba phattaba-singdu thaadoktuna mamaay ollakpa yaai."

8 Neriahgi machaa-nupaa Baruchna waa taakthokpa Jeremiahna haayba matung ennaa akonba che mapundu eriba Eesor-gi waasingdu Eesor-gi ningna sangda paathokkhi.

9 Judah-gi ningthou Josiahgi machaa-nupaa Jehoiakimna paanba mangasuba chahigi mapaansuba thaada Jerusalemgi mising amadi Judah-gi saharsingdagi Jerusalemda laakpa misingduda Eesor-gi maangda chara  henkhi. 10 Eesor-gi ningna sangda laairik pansinba Saphan-gi machaa-nupaa Gemariahgi loisang haayna khangna mapham Eesor-gi ningna sanggi anouba phatpa sannathounggi changphamda leplaga Baruchna Jeremiahna haayba akonba che mapundu isallaba waasingdu misingna taaba phangna-naba laona parammi.

Phamnaaiba-singgi mamaangda puya paathokpa

11 Saphan-gi machaa-nupaa Gemariahna pokpaa Micaiahna akonba che mapunda eriba Eesor-gi waasingdu taarabada, 12 Konunggi laairik ebasingna phamliba loysangda chatlaga ningthou machaasingna potthaaduna leiribadugi manaakta laaklammi. maaduda tillamliba misingdi: Laairik eba Elisama, Semaiahgi machaa-nupaa Delaiah, Achborgi machaa-nupaa Elnathan, Saphan-gi machaa-nupaa Gemariah, Hananiahgi machaa-nupaa Zedekiah adugaa ningthou machaasing loynanaa sunaa leirammi. 13 Baruchna mising tannaba pakhiba akonba che mapunda eriba waasingdu Micaiahna makhoyda tamlammi. Matangduda ningthou machaasingdu Cuski machaa-nupaa Selemiahna pokpaa Nethaniahgi machaa-nupaa Jehudibu Baruchki manaakta thaarammi. Mahaakpu haaynankhi, "misingna tannaba nahaakna paathok-khiba akonba che mapundu puraga laak-u." asumna Neriahgi machaa-nupaa Baruchna akonba chedu makhutna pairaduna makhoygi manaakta laaklammi. 15 makhoyna maangonda haayrammi, "phammu adugaa maadu phajanaa pathorak-u." asumna Baruchna makhoyda che mapundu pathora klammi. 16 makhoyna waasingdu taarabada amanaa amada kiba phongdoknaba oinaa yetnarammi. makhoyna Baruchta haayrammi, "haayriba waasingsi ningthouda tampham thok-e" 17 Masigi matungda makhoyna Baruchta haayrammi, "Nahaakna matou karamna waasingsi ekhribano? eikhoyda haayriba waasingsi Jeremiahna haaykhiba matung ennaa ekhibra? 18 Baruchna makhoyda haayrammi, "mahaakna eingonda haaybadu eina akonbada cheda ekhibani." 19 maasi taabada ningthou machaasingduna Baruchta haayrammi, "adu oirabadi nahaak amadi Jeremiah animak khonglei thuna chat-tuna lotnaba thouraang toujaruro. nakhoy kadaayda lei haaybasi kana amaa phaaoba khanghan-ganu."

ningthouna puya meithaba

20 Akonba chedu laairik esinba Elisamagi kaada thamnamlaga makhoyna loysangda chatlaga ningthouda waasingdu tamlammi. 21 Matangduda ningthouna akonba chedu lourunaba Jehudibu thaarammi. Mahaakna maadu laairik esinba Elisamagi kadagi puraklaga ningthou amadi ningthougi nakanda lepliba ningthou machaasinggi mamaangda pathoklammi. 22 Haayriba thoudoksi mapaan subaa thaada thok-khibani. Matamduda ningtham thaa oiba maramna ningthoudu ningtham thaada leinaba yumda mei tiktuna leirammi. Mei houriba meiphu amaa ningthougi magnda leirammi. 23 Jehudina pandup ahum mari parakpada ngaairingeida ningthouna thang machaa amaa pairaga che mapundu machet machet kakthattuna meida thaarammi. Meiphuda che mapundu loina thaakhi. 24 ningthou amadi mahaakki manaaisingna haayriba waasingdu taaraga akibaa pokkhide. maadu taaraga makhoyna maphi segaaykhide. 25 Matamduda Elnathan, Delaiah, amadi Gemariahna ningthouda akonba chedu meida thadanaba haayjaraba phaaobada ningthouna loukhide. 26 ningthouna maja ebungngo Jerahmil, Azriel Seraiah amadi Abdeelgi machaa-nupaa Selemiahda Baruch amadi Jeremiahbu phaaduna  puraknaba yaathang pikhi. adubu Eesor-na makhoybu lotkhi.

Jeremiahna atoppa puya amaa eba

27 ningthouna Jeremiahna haayba matung ennaa Baruchna eba akonba chedu meida thakharaba matungda Eesor-na Jeremiahda waa haayrammi: 28 atoppa akonba che amaa louraga haaykhiba waasingdu amatta chitthadana isillu. haannagi akonba cheda eba waasing Judah-gi ningthou Jehoiakimna meida thikhibadu haanna eyu. 29 Judah-gi ningthou Jehoiakimgi matangda nahaakna egadabadi asini: Eesor-na asumna taakpiri: Nahaakna Akonba chedubu meida thaaba matamda haaykhi, "Babylon-gi ningthou soydana laakkani adugaa leibaaksida laandaraktuna masida leiriba mi amadi saa phaaoba loina haatkani haayna karigi eribano?" 30 Judah-gi ningthou Jehoiakimgi matangda Eesor-na asumna taakpiri: mahaakkini haayna Davidki phambaalda ningthou oinaa phamnanaba kanaasu leiroi. mahaakki asibaa masaadu nungthinda nungsana yeigani adugaa numidaangdana unkha taagani. 31 makhoyna ayon araan yaamna toukhiba maramna eina mahaakki machaa-masunachingbasingdu loina awaapham tahan-gani. Mahaakna loynanaa mahaakki manaaising phaaoba laknagani. Makhoy singsigi amadi Jerusalem adugaa Judahda leiriba misinggi mathakta eina haayba waaduda tagadaba leite.

32 waaphamsi haayba loirabada Jeremiahna atoppa akonba che amaa louraga Neriahgi machaa-nupaa laairik sindokpa Baru-chta pirammi. Jeremiahna haayba matung ennaa ekhiba Judah-gi ningthou Jehoiakimna meida thaakhiba akonba che mapundugi marondu amatta chitthadana isillammi. maadugi mathakta matang chaaba yengduna atei atei waapham kayaamarumsu hapchillammi.