Jeremiah 26
Jeremiahbu changyeng touba
26 Judah-gi ningthou Josiahgi machaa-nupaa Jehoiakimna ningthou oinaa paanba hourakpa matamda Eesor-na haayrakpa waasing: 2 " Eesor-na haayri, Eesor-gi ningna sanggi maangonda leppu. Eina nangonda phongdok-u haayna yaathang pikhibagi matung ennaa waahei amaa phaaoba chitthadana Eesor-gi ningna sangda Judah-gi misingna Eesor-bu khurumba laakpa matamda haiyu. 3 Makhoy mata chaarabadi mamaay leiraktua manaa manaa touriba phattaba thabaksingdudagi ollakpa yaai." 4 Nahaakna makhoyda haaygadabani, "asumna Eesor-na taakpiri: nakhoygi namaangda eina pikhiba eigi waayellondu nakhoyna ngaakna chatloi haayrabadi, 5 nakhoyna taaba leitrabasu eina atatpa leitaana thaakhraba eigi enaai waa taakthokpa singgi waasingdu nakhoyna endrabadi 6 Ningna sangsibu eina Silohgi matougumhn-gani. maalemsida leiriba Jaatsing phaaoba haayriba saharsigi hataktagi saap tougani.
7 Purohit sing, waa taakthokpa sing amadi misingna Jeremiahna haayriba waasingsi Eesor ningna sangda makaa phongna ngaangba taarammi. 8 Eesor-na Jeremiahda phongdok-u misinggi maphamda haayna taakpikhiba waasingdu haayba loiraba matamda purohit-sing, waa taakthokpa sing adugaa misingduna mahaakpu pharammi. makhoyna maangonda haayrammi, “nahaak angaang onba taare." 9 Eesor-gi ming panduna nahaakna karigidamak tungda thokkadaba waa phongdoklibano? Nahaakna haayri, ningna sangsi Siloh maanggani. saharsida leibinaba kanaasu leiroi. asi natra?' miyaamduna Eesor ningna sangda Jeremiahbu kouisallammi.
10 Judah-gi ningthou machaasingna haayriba thoudoksi taarabada konungdagi Eesor-gi ningna sangdu taanna laaklaga Eesor-gi ningna sanggi sannathong anouba phatpadugi changphamduda phamladuna leirammi. 11 Purohit sing amadi waa taakthokpa singduna misingda haayrammi, "nakhoyna nanana takhibagumna nupaa asina saharsigi mayo-kta phattaba waa phongdokpa maramna sibagi dandi pibada matik chaarabani. "
12 Jeremiahna ningthou machaasing adugaa misingda haayrammi, yumsigi amadi saharsigi mayokta eina haaykhiba "nakhoyna takhiba waasingdu Eesor-na eibu haayru haayduna thaarakpani. 13 maramsina houjikti nakhoygi naramchat amadi nakhoygi touba thabak khudingmak semdokcharo. nakhoygi mapu ebungngo Eesor-gi yawaa khonjendu ellu. adu oirabadi Eesor-na nakhoygi nathakta laaothok-khiba phattaba waasingdu ngaakpiba yaai. 14 Yeng-u, eigidamakti nakhoygi nakhut challabani. nakhoyna asina phei amadi chummi haaybadu yengduna touningba touba yagani. 15 adubu nakhoyna thageisingna khangadabadi maraal leitba migi ee taahallabadi maadugi maheidu nakhoygi nathakta tahan-gani. saharsigi amadi misinggi mathakta haayriba paapsigi maheidu taagani maramdi Eesor-na nakhoygi nanana takhiba waasingdu nakhoyda haayrunaba eibu thabirakhibani. "
16 Matangduda ningthou machaasingna purohit sing amadi waa taakthokpa singduda haayrammi, "eikhoigi mapu ebungngo Eesor-gi minglen panduna waa haayriba nupaasi sibagi dandi phangba matik chaade. " 17 Tilliba miyaamdugi maraktagi kanagu-mba ahan matam oiraba nupaa amanaa hougatlaga miyaamda haayrak-e, 18 "Moresethki Micahna Judah-gi ningthou Hezekiahgi matamda Judah-gi misingda nongthak nongkha anigi Eesor-na asumna haaybiri haayna waa phongdokkhi,"
Zion loubukki matougumna khoidoklagani, Jerusalem utki mapeigumna manglaba mapham oiragani, ningna sang leiriba chingdu u-wana thalgani."
19 Judah-gi ningthou Hezekiah amadi Judahda leiriba misingduna mahaakpu haatkhibra? Mahaakna Eesor-bu kina chatchakhiba natra? adugaa maramsina mahaak Eesor-gi thoujan phangkhiba natra? Makhoygi mayokta Eesor-na laaothok-khiba phattaba waasingdu ngaakpikhiba natra? adubu eikhoydi esaana ngamkhei leitraba phattaba thoudoktugi maheidu pujarakli.
20 Eesor-gi mingda waa taakthokpa kanaagumba nupaa Kiriath Jearimdagi Semaiahgi machaa-nupaa Uriah haayba amasu leirammi. Mahaaksu saharsigi amadi leibaaktugi mathakta Jeremiahna haayriba waadugumna phongdo klammi. 21 Ninghou Jehoiakim amadi mahaakki laanmising adu-ga ningthou machaasingna mahaakki waadu taabada ningthouna mahaakpu haatke haayna thouraanglammi. Uriahna haayriba thouraangsi taarabada kiradun Egypt leibaak taanna chenkhi. 22 Matamduda ningthou Jehoiakimna Achborgi machaa-nupaa Elnathanga loynanaa atei mi khara Egypt taanna thaakhi. 23 makhoyna Uriahbu Egypttagi phaaduna purakhi. ningthou Jehoiakimgi manaakta mahaakpu puraklaba matamda ningthouna mahaakpu thangna kaktuna haatkhi. adugaa michansinggi phumnaba maphamda mahaakpu langthokpikhi. 24 Matamduda Saphan-gi machaa-nupaa Ahikamna Jeremiahbu misingna piba cheirak sibagi dandi phanghankhide.