Philippians 3
Pumnamak manglabasu Christa phangbadi tongjabani
3 Akonbada, eigi echin-enaaosa, Eesor-da haraaobiyu. nakhoyda ekhrabadu haanna eba eingonda aoibamk waaichin ba natte, adubu nakhoygi damak chetnanabani. 2 Huising adu cheksil-lu, phattaba thabak toubasing adu cheksil-lu, masa kakpasing adu cheksil-lu;
3 maramdi eikhoydi, Eesor-gi thawaaygi mapaanna Eesor ningjaba, Christa Jesus-gi maramda chaaothokchaba amasung hakchaangda thaajaba karisu leitba, un kakpa aduni. 4 adu oirabasu, ei esaana hakchaangdasu thaajaba leiba mayaai, kanaagumba atei mina hakchaangda thaajabani ningjarabadi, eina amuk helli: 5 eidi numit nipaanni subada un kakpa, Israelgi chagok, Benjamin-gi salaai, Ibrayasing dagi Hebrew, waayel yaathanggi marida pharisi; 6 thawaay yaaobagi marida seengluppu ot neiba, waayel yaathanggi matung enba dharma chenbagi marida aayol-araan leitba oirakpa mini.
7 Adum oinamakpu eingonda tongjaba makhei adu Christagi maramgi damak amaangba oinaa eina singthaanajare. 8 hoy, aoibamakni, adugaa eigi Eesor Christa Jesus-bu khngba adu thoihenbagi maramna eina pot pumnamak amaangbami haayna singthanei; erannaigi dharma chenba, haaybadi waayel yaathangdagi oiba adu nattaduna, Christada thaajabagi mapaanna oiba adu eingonda leiduna, thaajabagi ma Eesor-dagi oiba adu eingonda leiduna Christa-bu tongjananaba, 9 Amasung ebungngo-da leiba eibu phangna-naba, ebungngo-gi damak pot pumnamak mangba adu eina khngduna, pumnamak adubu thunambani haayna singthaanare; 10 Eina ebungngobu, ebungngo-gi hinggatpagi paanggalbu, amasung lbungogi sibada maannarakchaaduna, ebungngo awaa-anaang khaangbagi saruk phangminnaba adubu khangna-nabani; 11. Karigumba pambeina eina asimaraktagi hinggatpa phaaoba younanabani.
12 Eina houjik phangjare nattraga houjik ch-ngkhonba oijare haayba natte, adubu yaarabadi, eibu Christa Jesus-na phabiba adugi damak maadu einasu phajananaba tanajabani. 13 echin-enaaosa, ei esaana houjik phajare haayba singthaanayaade; adubu thabak amadi, tungda leihou leihouba adu kaaothoktuna, manglomda leiri leiriba adu tana tankhattuna, 14 Christa Jesus-gi mapaanna Eesor-na mathaklomda koubibagi manaa phangna-naba, panjanphamlomda eina chenjari. 15 maram aduna eikhoy mapung pharaba makheina asigumba pukning thamsi; amasung karigumbada nakhoyda tongaanba pukning leirabadi, masisu Eesor-na nakhoyda phongdokpigani. 16 Asita, eikhoyna youjaraba lambi adugaa eikhoyna adum chatsi.
Christagi crosski yeknaba-sing swargagi praja oiba
17 echin-enaaosa, nakhoy pumnamakna eigi etou loubasing oibiyu, adugaa eikhoyna nakhoygi damak paandam oibagumna, adugunma chatpa makhoybu munna yeng-u. 18 maramdi ayaambana chatli, eina makhoygi maramda nakhoybu toyna toyna tambirammi, adugaa houjiksu eina epi taaduna, makhoyna Christagi crosski yeknaba-sing oiri haayduna nakhoybu tamlibani. 19 Makhoygi aroibadi amaangbani, makhoygi laidi pukni, amasung makhoygi matik mangaan makhoygi ekaaibada leiri; makhoygi pukning Prithibigi potta lei.
20 maramdi eikhoygi leibaak machaa oibadi swargada lei; mapham adudagisu kanbiba mapu, ebungngo Jesus Christa-bu eikhoyna ngaijari. 21 ebungngona pot pumnamakpu ebungngo masaagi maakha polhanba phaaoba nagambagi thabak touba mapaanna, ebungngo-gi matik mangaangi hakchaanggi maong ennaa ebungngona eikhoygi tollaba hakchaangbu nouna onbigani.