Luke 23
Romegi leibak ngakpa mapu Pilateki mangda Jesusbu pukhatpa
( Matthew 27.1,2,11-14; Mark 15.1-5; John 18.28-38 )
23 Adudagi makhoi miyam apumbana hougattuna, Ibungobu Pilateki mangda pukhatle. 2 Amasung makhoina Ibungobu theijinba houduna hai, nipa asina eikhoigi jatpu serannahanba, Caesarda loipot haba khamba, amasung ma masana Christa ningthouni haiduna haiba eikhoina phangle.
3 Maduda Pilatena Ibungoda hanglak-i,
nangdi Jewssinggi ningthoura?,
Aduga Ibungona mangonda khumlak-i,
nahakna haibaduni.
4 Amasung Pilatena athoiba purohitsingga miyamsinggada hai, eina mi asida maral kari amata phangde.
5 Touigumsung makhoina angam tanna hairammi, mahakna Galileedagi houna mapham asi phaoba, Judea pumnamakta tambiduna mishingbu marang houhalli.
6 Adubu Pilatena madu tarabada, mi asi Galileegi mira, haina mahakna hangi. 7 Aduga Ibungodi Herodki makha ponba mini haiba mahakna khanglabada, matam asida Herod masasu Jerusalemda leibanina, mahakna Ibungobu mangonda thakhre.
Jesusbu Herodki mangda pukhatpa
8 Herodna Jesusbu urabada, thoina haraore, maramdi mahakna Ibungogi marida tabagi maramna, matam kuinadagi Ibungobu unaba pamlammi, amasung Ibungona karigumba angakpa khudam touba mahakna uninglammi.
9 Aduna mahakna Ibungoda wa yamna hanglammi; adubu Ibungona mangonda karisu khumde.
10 Aduga athoiba purohitsing amasung sastragi ojhasingna Ibungogi mathakta kanna wa hunjinduna leplammi.
11 Amasung Herodna mahakki lanmishingga loinana Ibungobu usittana noknare; aduga Ibungobu ningthou phijet sethanduna Pilate tanna amuk thakhre. 12 Numit adumakta Herod amasung Pilate amaga amaga channarakle; maramdi mamangngeida makhoi masen yeknarammi.
Pilate, Barabba amasung Jesus
( Matthew 27.15-26; Mark 15.6-15; John 18.39-19.16 )
13 Maduda Pilatena athoiba purohitsing, luchingbasing amasung miyambu sinduna, 14 Makhoida hai, mishingbu serannahanba chingba mini haina nakhoina mi asibu eingonda purakle, aduga yengu, eina nakhoigi mangda mahakpu chang yengbada, nakhoina theijin theijinba adu mi asida karisu maral phangde; 15 Hoi, Herodnasu phangde; maram aduna mahakna eikhoida mahakpu amuk tharakle. Aduga yengu, hatpa matik chaba thabak mahakna kari amata toude. 16 Maram aduna eina mahakpu cheirak piraga thadokkani. 17 (Chakkhangba asida mahakna makhoigi damak mi amabu thadokkadabani.)
18 Touigumsung makhoi pumnamak amata oina laorak-i, mi asibu puthokkhro, eikhoigi damak Barabbabu thadoku. 19 Mahakti saharda karigumba wa thok-hanbagi amasung mi hatpagi maramna keisumshangda thambani.
20 Aduga Pilatena Jesusbu thadokpa pamduna laona makhoida amuk hai; 21 Adubu makhoina lao laoduna, mabu Crossta hatlu, crossta hatlu, hairammi.
22 Amasung mahakna ahumlak suna makhoida haikhi, karigino, mi asina kari phattaba toukhrabage? Mangonda hatnabagi maram eina kari amatta phangde; maram aduna eina mabu cheirak piraga thadokkani.
23 Touigumsung Ibungobu crossta hatnanaba khonjel wangna niduna, makhoina angam tallammi. Aduga makhoigi laojaba aduna ngamjare. 24 Maduda makhoina nijaba adugi matung inna tounanaba Pilatena yathang pire. 25 Aduga wa thok-hanbagi amasung mi hatpagi maramna keisumshangda thamliba, makhoina nijariba mi adubu mahakna thadokpire, Touigumsung Jesusbu makhoigi ningba thungnanaba makhoida pithokle.
Jesusbu crossta pang tingba, Ibungona siba amasung Ibungobu phumba
( Matthew 27.31-44; Mark 15.21-32; John 19.17-27 )
26 Amahiksung makhoina Ibungobu chingthokpada lawaidagi karakpa Cyrenegi Simon kouba amabu makhoina phaduna, Jesusgi tungda cross adu mangonda thonggatpire.
27 Aduga mi mayam amasung mathabak yeiduna tengtharibi nupi mayam Ibungogi tung illammi.
28 Touigumsung Jesusna makhoida illaktuna hai, Jerusalemgi macha nupisa, eigi damak kappiganu, adubu nakhoi nasagi damak amasung nachasinggi damak kapchou. 29 Maramdi yengu, chaboktabi, khak mirondribi amasung khom khak pithaktribi makhoi adu yaiphabini haina makhoina haigadaba numitising laklabani. 30 Matam aduda chingjaosingda, eikhoigi ithakta tabiyu; amasung ching machasingda, eikhoibu kuppiyu, haina makhoina haiba hougani. 31 Maramdi makhoina ashangba upambida thabaksing asi tourabadi, akangbadadi kari thokkadage?
32 Amasung phattaba thabak touba atei mi anibusu hatnanaba Ibungoga loinana chinglammi.
33 Amahiksung makhoina Lukang kouba mapham aduda laklabada, makhoina maduda Ibungobu amasung phattaba thabak toubasing adubu, amana yetta, amana oida, crossta yotpi thaduna pangtingle.
34 Maduda Jesusna hai, he Ipa, makhoibu kokpiyu; maramdi makhoina kari touriba makhoina khangjade. Amasung makhoigi marakta Ibungogi phiron yennaduna, makhoina leibak yengnei. 35 Aduga mishingna leptuna yenglammi. Luchingbasingnasu machin peithok peithoktuna karemaduna hairammi, mana ateisingbu kanbire; masi khandokpa, Ishorgi Christa adu oirabadi, ma masa mathantabu kanjasanu.
36 Aduga lanmishingnasu Ibungogi nakta laklaga, asinba mahi piduna noknarak-i, 37 Nangna Jewssinggi ningthou oirabadi, nathantabu kanjou.
38 Amasung Ibungogi kokthaklomda, Jewssinggi ningthou adu asini, haina iba mingtholsu leirammi.
39 Amahiksung Crossta yalliba phattaba thabak toubasing amana Ibungobu usittana hai, nang Christa nattabra? Nathantabusu eikhoibusu kallu.
40 Touigumsung atoppa aduna khumduna mabu waraklak-i, nangna chapmannana wakong phanglibani khangna khangna Ishormakpu nangna kidabra? 41 Amasung eikhoidi chumnamak phangpham thokpani; maramdi eikhoina touru touruba adugi matik okpa mahei phanglibani, Touigumsung nipa asina aranba amata toukhide. 42 Aduga mahakna hanggatchei, he Jesus, Ibungogi ningthouleibakta youbada Ibungona eibu ningsingbiyu.
43 Maduda Ibungona mangonda hai, eina nangonda thanggei sengna hairibani, ngasi nang eiga loinana Paradaista leiminnagani.
44 Amahiksung houjik chaorakna taruksuba pung tare, aduga numitki mangal thupkhiduna, mapalsuba pung tadriba phaoba leibak apumbada mamlakle; 45 Amasung Ishor ningnashanggi asengba maphamgi maikhanphi adu mayaida segaire. 46 Maduda Jesusna awangba khonjelna laorak-i, he Ipa, ithawai Ibungogi khutta sinnajare!, Asi hairamlaga, Ibungona mathawai thakhre.
47 Aduga lanmi chamagi mapu aduna thokkhiba adu urabada, Ishorbu thagattuna hai, soidana mi asi dharmachenbani.
48 Amasung asi yengnaba tillaba miyampumnamakna thokkhiba adu urabada, makhoigi mathabak yei yeiduna hannarammi. 49 Aduga Ibungoga khangnaba pumnamakna amasung Galileedagi Ibungogi tung induna loinarakpa nupisingna pumnamak asi yengduna thapna leplammi.
50 Amahiksung yengu, Joseph kouba ahallupta yaoba aphaba amasung dharmachenba nipa ama leirammi; 51 Mahakti makhoigi wakhal tounaba amasung thabak touba adu yaramde; mahak Judeasinggi sahar Arimatheajdagi lakpa, Ishorgi leibak ngairiba ama oirammi.
52 Nipa asina Pilateki maphamda chatkhiduna Jesusgi hakchang nijare. 53 Adudagi madubu puthaduna, ananba limon phi amana yomlaga, mi kana amata khak thamdriba, nungda huttoklaba mongphamda mahakna Ibungobu thamle. 54 Amasung masi thourang langbagi numit oirammi, aduga potthaba numit houramdaidani.
55 Amasung Ibungoga loinana Galileedagi lakkhiba nupisingna tung illaktuna, mongphamga Ibungogi hakchang karamna thamba aduga yengle. 56 Adudagi makhoina hallaktuna, manam nungsiba pot amasung teinathao thourang toure. Aduga potthaba numittadi makhoina yathang matung inna potthare.