Proverbs 18
18 Mi ateiga tinnatotnaba heitabasingduna makhoi masatabu luna toui aduga mi pumnamakna chummi haina lounaraba waphamdu makhoina yaningde.
2 Apangba mina karigumba wapham amabu chummi nattraga lalli haiba khallude, mahakna utningba pottu atei ama natte mahakna mingondagi henna singi haibasini.
3 Aranba toubaga ikaiba nangbaga loinana chatpani. Karigumba mina nahakpu ikaikhumnabadu mangkhiba thoklabadi madugi mahutta mina nahakpu thina cheiba phangbani.
4 Achouba ironnunggumna amadi asengba ichen-gi matougumna kanagumba nupa amana ngangthorakpa wadu lousinggi hourakpham oiba yai.
5 Maran leiba midu kanduna thamlaga maran leitaba mibu lanna wayelbiba aphaba ama natte.
6 Apangba mina yetpa mareidi cheija nambonei. 7 Apangba mina ngangthorakpa khuding masabu mangnanabani. Mahakna ngangthokkhiba waduna masagi lang oi.
8 Miwa ngangbadi nungngaibani aduga masitabu eikhoina touningi.
9 Mibu mangnataknaba touba kanagumba nupa amagumna atanba misu manghan tahalli.
10 Achumba mishingna changjaduna thupchariba yumdu Lainingthoumakni.
11 Adubu inak khunba mishingna khallibadi makhoigi landuna sahargi akoibada wangna sagattuna pan khajilliba chekpangumbani haibasini.
12 Nolluktaba nupadu kananasu ikai khumnade. Tamthiba mishingdi mangtakpa nangi.
13 Paokhum pidringeida munna tasinba phei munna tadrabadi nasagi apangba utchabani aduga ikaiba nangani.
14 Naraba matamda hingningbagi ithinduna napanggal piba yai adubu karigumba hingningbagi ithindu leitrabadi aroiba asadu leitre.
15 Asingba midi matam leibada tamningdunata leibani.
16 Maming chatpa nupa amaga unaningdraba? Khudon pot ama puduna chat-lu adu oirabadi laina unaba phanggani.
17 Loishangda hanna wa ngangliba nupadubu mahakka pannariba lanbaduna yeithattribamakhei ichum chumna ui.
18 Karigumba mapanggal mathouna mannaba nupa anina loishangda yetnarabadi laibak chang yengnaraga makhoi anigi khetnnabadu loisinba yai.
19 Nachin nanaobu tengbangu adu oirabadi sahargi akoibada sariba akanba phaklanggumna mahakna nahakpu tengbanggani. Adubu mahakka khatnarabadi nahakki changjapham leiroi.
20 Nachindagi ngangthokkhiba wasingduna thakpa langduda nahak thuba tabani.
21 Ngangthokkhiba waduna napunsi mangba yai nattraga hingbasu yai. Maramsina ngangkhiba wadugi maheidu nasana phangba tai.
22 Loinabi ama phangba haibasi yaiphabani. Masina takpadi Lainingthouna nahakpu thoujanbire haibasini.
23 Lairaba mina ngangba wadu nollukpa tabani. Aduga inakkhunba nupana ngangthorakpa matamdadi tamthiba nattana karisu thokte.
24 Marup kharadi kuide adubu marup kharadi machin manaodagi henna luna tounei.