Psalm 102
Mathawai waraba naha amana haijaba
102 He Ishor, nanaina haijabasi tabiyu, tengbangbinaba nijaribasisu tabiyu.
2 Nanaina awaba taba matamda, chatpikhinu nanaibu thadoktuna. Nanaina haijabadu tabiduna tengbangbinaba koujarakpa matamda khonglei thuna paokhumbiyu.
3 Nanaigi punsidi meikhugumbani, hakchang polangsi meigumna chakkani.
4 Napigumna eihak sontharakle, chaba thakpagi ihol leitre.
5 Eina laona tengthari, saru ponang nattana eigi karisu leitre.
6 Lamhangda leiba lamgi uchekkumle, ningkhairaba dalanda leiriba makugumle.
7 Tumba yadre, yumthakta tongduna leiriba naitom taraba uchekkumle.
8 Matam leibada yeknabasingna ikaiba piri, eibu noknaribasingna eigi ming panduna atoppa mida sirap touri.
9-10 Ibungona nanaibu saoba maramna, nanaina meikhak mapei chaduna lelle, eina ishing thakpa matamda pirangga totnari. Ibungona nanaibu pamkhatpiraga thadabire.
11 Nanaigi punsisi numidangwaigi urumgumbani, eihak akangba napigumle.
12 He Ishor, Ibungodi matam leibada ningthou oibiri, miron khudingda Ibungobu ningsingloidouba leite.
13 Ibungona Zionbu nungsibigani, Zionbu nungsibigadouba matamdu lakle. Houjikmak madugi matamni.
14 Mahak tumna mangkhraba phaobada, nanaina Zionbu nungsijei. Saharsi mangkhrabasu makhoina masibu thamoida nungsiba pok-i.
15 Jatsingna Lainingthoubu kina chatkani, matik mayaidu ubada kigani. malemsida leiriba ningthousingna Ibungogi matik mayaidu ubada kigani.
16 Zionbu Ishor-na amuk sagatpa matamda, Ibungona Ibungogi matikt utpigani.
17 Ibungona hundokpiruraba mishingna haijabadu tabigani, tabigani haijabadu Ibungoda makhoina.
18 Lakkadouriba miron-gi yengduna Ishor-na toukhiba thabaksingdu isindong thammi. Adu oirabadi poklakkadouriba mironduna Ibungobu soidana thagatkani.
19 Ibungona nganthoibiriba asengba awangba maphamdudagi yengthabirakli, nongmadondagi Ibungona malemda mityeng tabirakli.
20 Keisumshangda leiribasingduna kaplaoribadu Ibungona tabi, sinnaba humdoklabasingdu Ibungona thadokpi.
21 Maramsina Ibungogi minglendu Zionda thagatnagani. Masidasu nattana mahakki minglendu Jerusalemdasu thagatkani.
22 Jatsing amadi leibaksingna punna laktuna Ibungoda khurumjaba matamda thagat ishei sakkani.
23 Eina naha oiringeisida phaoba Ishor-na eibu solhanbire, Ibungona eigi punsi tenhalle.
24 Hey ipuroi nanaigi punsi maton lomdringeida aroiba sor holhanbiganu. He Ishor, Ibungodi sinaidabani,
25 Mamangeida Ibungona malemsibu sembikhi, Ibungogi nakhutmakna nongmadonsibu sembikhibani.
26 Pumnamaksi mangkhiba yai adubu Ibungodi mangnaidabani, pumnamaksi phi mallakpagumna mantharakpa yai. Ibungona pumnamaksibu phi hundokpagumna hundokkhiba yai aduga ngamnamak mangdhigadouribani.
27 Ibungodi matam leibada hongba naide amasung Ibungodi areppaduni.
28 Nanaisinggi ichasingdu ngakpigani, aduga Ibungona ngakpirabada makhoigi charon suron loina asoi angam leitana leigani.