Psalm 77
Awaba taraba matamda koknaba haijaba
77 Khongjen houna kapchakhi eina ipuroigi khuyakhada, kapchakhi eina khonjel laona aduga Ibungona madu tabikhi.
2 Awaba taraba matamda Ishor-da thounijakhi, ahing chuppa ikhut thanggattuna Ibungoda khurumjakhi, adubu eihak tapthaba leiramde.
3 Mapu Ibungogi maramda khanjaruba matam sor kuina holli. Eina wakhan toujaruba matamda pukning hanthei.
4 Ibungona eibu ahing chuppa tumba yahanbide, wa ngangthokpa ngamdabasidasu eihak pukning ware.
5 Houkhraba matamdu eina ningsinglui, houkhiba chahi kayasu kaokhiba natte.
6 Ahingda wakhan touduna matam lelli, eina wakhan toururaga itomda asumna hangjakhi,
7 "Ishor-na eikhoibu matam leiba khibikta hundokpiragadra? Ibungona eikhoibu amuk hanna lousinbiraroidra?
8 Ibungona eikhoibu nungsibiraroidra? Ibungona wasakpikhibadu kaobikhragadra?
9 Thoujan leiba Mapuni haibadu kaobirabra? Nungsibadugi mahutta asaobana namhatkhiduna tamthibirabra?"
10 Masigi matungda eina hairammi, "eina khwaidagi nungngaijadaba haibasi atei natte madudi Mapu Ibungodi karisu natte haibasidani."
11 He Ishor, Ibungona toukhiba achouba thabaksingdu nanaina ningsingjagani, houkhiba matamda Ibungona toukhiba angakpasingdu kaojaroi.
12 Ibungona toukhiba pumnamak eina khandaba touroi, Ibungogi angakpa thabak khuding ningsingduna nanaina lenjagani.
13 He Mapu Ibungo, Ibungona touba khuding asengbani, laisingga Ibungoga changdamnaba yade.
14 Angakpa thoudok thok-hanba ngambadi Ibungodani, Jatsinggi marakta nahakna matik utpikhi.
15 Ibungogi natikna Ibungogi mishingbu kanbikhi, Jacob amadi Josephki machasingdubu kanbikhi.
16 He Mapu Ibungo, laija ishingna Ibungobu ujabada kiribani, ironnungna phaoba Ibungobu kiribani.
17 Leichindagi nong olhanbi, koirouthaktagi nongkhak nonglao thok-hanbi, maikei sinbathungna nongthang kuphalli.
18 Nongkhak nonglao thok-hanbatada, taibangda nongthang kuphanbatada, malemsi thak thak niklibani.
19 Ipakta Ibungona koina lengbi, ipak ironnungda Ibungona phaoduna chatpiri, adubu Ibungogi khongguldi uba phangde. 20 Ibungona Ibungogi mishingbu yaosenbagi matougumna lamjingbiri, Ibungogi nahut oina Moses amadi Aaron anibu thoudabiri.