1 Timothy 6
Minaaising
6 Eesor-gi mingbu amasung paaoutaak thina haidananaba, minaaigi popu puriba makheina makhoy-makki mapusingbu ekaai-khumnaba matik chaaba singthaanasanu. 2 Amasung thaajaba mapusing leiba makhoyna machin manaao oibagi maramna makhoybu usittaba toudasanu; touegumsung aphaba thabakki saruk phangminnabasingna thaajaba amasung achaanba oibagi maramna, makhoyna makhoybu thoina thougan tousanu. waaramsing asi tamsu tambiyu, thousu thoujinbiyu.
Chumdaba tambibagi marida
3 Kanaagumba mina tongaanba paaoutaak tambirabadi, amasung achumba waahei, haaybadi eikhoygi ebungngo Jesus Christagi adu, amasung Eesor ningbagi matung enba paaoutaak yaadrabadi, 4 mahaakti karisu khangdraabasu, waa haangdok hangjin touba amasung waa ningai tounaba maramda ngaaoduna nawaangjabani; masidagi khambanba, yeinasunaba, thina ngaangba, phattaba ningba; 5 Pukning khoiba achumba elei leitba, amasung Eesor ningbadi tongjabagi lambini haayna ningba misinggi ningai touba, pumnamak asi thok-e.
Achumba lan
6 touegumsung apenbaga loynanaa Eesor ningbadi thoina tongjabani; 7 maramdi eikhoyna taaibang-paanda karisu purakte, aduna eikhoyna karigumba amata puthokpa ngamde. 8 *Eikhoigi chaanaba amasung eikhoygi setnaba leirabadi, eikhoy penjagani.
9 touegumsung enakkhunningba makhoyna athembada, langda, amasung apangba adugaa phattaba ayaamba apaambada taabani; asigumbasina misingbu amaang-atada luphalli. 10 maramdi sen pamganbadi phattaba pumnamakki maruni; maasi pammanduna tannabada mi kharadi thaajabadagi lamhuknakhre, adugaa awaa-anaang ayaambana makhoy masa mathantabu tana thinbagum thilli.
Timothybu ensinbiba
11 touegumsung, he Eesor-gi mi, nahaakna pumnamak asidagi chenthok-u; adugaa dharma chenbagi, Eesor ningbagi, thaajabagi, nungsibagi, khangheibagi, nollukpagi tung ellu. 12 Thaajabagi aphaba laansoknaba adu soknou, lomba naaidaba hingba adu paiyu, maaduda nahaakpu koubire, adugaa ayaamba sakhisinggi mamaangda aphaba haaydokpa adu nahaakna phongdokle. 13 Pot pumnamak hinghalliba Eesor-gi amasung Pontius Pilatki maphamda aphaba haaydokpa adugi saakhi pikhiba Christa Jesus-gi maangda eina nangonda sinnari, 14 maadudi, nahaakna yaathang adu amakpa amasung mingda thiba yaaodana, eikhoygi ebungngo Jesus Christa-bu phongdoktriba phaaoba ngak-u;
15 Bor pinaheiba amasung amata ngaayba matik chaaoraba, ningthou-singgi ningthou, mapusinggi mapu, amata ngaayba siba naaidaba, naksinba ngamdaba mangaanda leiba,
16 mi kana amatana udaba amasung ubaa ngamdaba ebungngo mahaakna phongdokpiba adu acha achaaba matamda utpigani; ekaaikkhumnaba amasung lomba naaidaba paanba adu ebungngo maangonda oisanu. Amen.
17 houjikki taaibang paanba asida enakkhullibasingda sinnabiyu, maadudi, makhoyna pukning nawaangdasanu, areppa leitba laanda nattaduna, eikhoybu nungaainanaba pot pumnamak maraang kaina pibiba Eesor-da khouraangna ningba lepchasanu; 18 aphaba tousanu, aapha aphaba thabakta enaak-khunba oisanu, pinaheiba amasung yenbiheiba oisanu. 19 makhoyna aoiba hingba adu painanaba laakkadaba matamgi damak yumphamgum makhoy masaagi damak lisinjasanu.
20 He Timothy, nangonda sinnaba adu ngak-u; laanna kounaba khngba adudagi thokpa amaangba pangaang ngaangba amasung waa khettokpadagi leithok-u; 21 khngba asi mi kharana haidoktuna thaajabagi marida soire, thoujaal nangga loinabisanu.