Job 21
Jobna hairak-i:
21 1-2 Eina haibasi amuk taro, Eina haijagadouribasi tabiyu haibasitani.
3 Eisu wa kharadi haihanlu aduga eina haiba loiraba matungda yetninglabasu yetlu.
4 Eigi wathoksi sinaiba mi oibaga mari leinade, eina tumin leitribasigi maram chaona lei.
5 Eingonda yengu. Eigi itousi uraga thamoi sokna tuminna leiningloidra?
6 Eingonda thokkhribasi khallubada, tuchungi aduga thak thak niktaba ngamde.
7 Phattaba mibu Mapu Ibungona leihalliba karigino? phattaba mishingdu ahan oiraba phaoba awatpa leitana pallhalliba karigino?
8 Makhoigi charon suron kaya leiribani, makhoigi masusingna chaoraba phaoba leiba yaori.
9 Mapu Ibungona makhoigi imungda awaba tahande, Makhoi ningaidana leithokpa ngammi.
10 Makhoina loiba shasing maroi manao tai, macha pokpa matamda asoi angam yaode.
11 Yao machagumna makhoigi machasingna sannari,
12 Pere amadi basi khongduna makhoigi machasingna jagoi sajari.
13 Leitana makhoi palli, siba matamda awaba khangduna side.
14 Phattabasingna Ipuroida khurou thangdanaba haijei, Ibungogi aningba matung inna makhoigi punsi lenba pamde.
15 Makhoina Ipuroigi seba touruduna kannade khalli, Ibungoda changjaduna irat tourubagi kannaba leite hairi.
16 Makhoigi panggaltana thabak pumba toubani ningi, adubu makhoina khalliba wakhandu nanaidi yajaningde.
17 Phattaba migi meiridu muthatpa matam leikhrabara? Makhoi kanagumbana khudongthiba thengnakhrabara? Ipuroina makhoibu karigumbada cheirak pikhrabara?
18 Nattraga nongleina humduna pukhiba charugumna amadi akanba nungsitna humduna puriba uphulgumna makhoibu cheinakhon pikhrabara?
19 Nakhoina hairi mapana touba marandugi maheidi machana phangi. Masi achumba natte maramdi Ipuroina maran leibadubu cheirak piba tabani. Makhoigi marandugi matung inna Ibungona cheirak pibani haisanu.
20 Maran leibasingduna cheiraktu matik chana phangjasanu, panggallaba Mapu Ibungogi asaobadu makhoigi mathakta taba oisanu.
21 Taibang mina siraba matamda machasingdu wari nattraga nungngairi haibasi khanbra?
22 Mikok thongba mishing yaona wayelbiriba Mapu Ibungodubu tambiraga thokpara?
23-24 Mi kharadi siba matamdu aphaoba nungngaina lelli, makhoina siba matamda khuya tussitna si, makhoina hinglingeidasu nungngaina lelli.
25 Kharana nungngaiba haibasi masak khangdana siri, makhoina wana hingi aduga wana si.
26 Adubu apha-phatta animak si, makhoi loina tinna chaduna kem-i.
27 Nakhoina eibu lalhan-gadoubagi silliba wakhandusu eihak khangi.
28 Nahakna hangli: "phattaba thabak touba nupadugi yumdu kadai?
29 Lam chatpa matamda thengnaba mishingduga nakhoi wari sanadra? Makhoina hallaklaga tamnaba paosingdu nakhoi tadribara?
30 Mapu Ibungona saoba numitta nanthokkhibadu phattaba thabak touba midutani.
31 Phattaba midu cheirak piba ngamba kanasu leite, nattraga mahakna touba phattaba thabaksingdugi maheidu phanghanbasu ngamde.
32 Phajana semkhraba mongphamda mahakpu puduna chatpa matamda,
33 Lishing lishingna potloibaduda yaonanaba lak-i, aduga adugumba midugi masadu malemna phaoba ingna lousinkhi.
34 Adubu nahakti eigi awaba koknabani haiduna kannadaba wa haiduna leiri. Nahakna piriba paokhumsingsi minambada yumpham oiba ngaktani.