Numbers 22

Moabki ningthouna Balambu kouba

1 Masigi matungda Israelgi mishingna khongshaankhiduna Moabki tampaak Jordangi waangmada Jericho kouba maphamda shang shaaduna leikhi.

2 Jipporgi machaanupa Balakna Israelna Amorgi mishinggi mathakta toubikhibadu urammi.

3 Moabna Israelgi mishingbu yaamna kirammi. Maramdi makhoy mashing yaamlammi. Israelgi mishingbu kibana Moab toupham khanglamde.

4 Moabna Midianishinggi ahanshingda haayrammi, "sanna loubukta shajik chaabagumna mishingsina eikhoygi akoybada leiriba pot pumnamak tumna maanghallagani." Matamduda Moab ki ningthou oinaa pallamba Zipporgi machaanupa Balakna

5 Amaoshinggi lamda leiba Euphrate turelgi mapaanda taariba Petor kouba maphamda leiba Beorgi machaanupa Balamda mi thaaduna haayhallammi, mi kaangbu amaa Egypttagi thorakle. Maalemsi makhoyna shinba thungadouri. Haayriba mishingsi eigi leibaakki maayoknaba mapham amada pullab oinna peiduna leire.

6 Thinthaba leitana lengbiraktuna mishingsigi mathakta shaap toubiyu. Makhoysi mashing yaammanba maramna eigaa makhoyga lan thoknabasu kire. Karigumba nahaakna makhoygi mathakta shaap toubirabadi makhoysi chatkhiba yaai. Eina thaajei madudi nahaakna bor pinabiba midu lepnamak bor phang-e aduga nahaakna shaap toukhraba midu lepnamak tumna maang-e."

7 Moab amadi Midianshinggi ahanshingna jadu tounabagi mamal oinaa pigadouriba peishaadu makhutta pairaduna Balamgi manaak taanna chattuna balakki paaodu tamkhi.

8 Balamna makhoyda haayrammi, "ngasi ahingsima maphamsida leiro Eeshorna pibirakpa aphaba paaodu nakhoyda eina shoydana haaybigani.” Matou asumna Moabki ningthou machaashingdu ahingduma Balamga leiminnakhi.

9 Eeshorna Balamda haaykhi, “nahaakka loynanaa leiriba mishingsi kanaano?

10 Balamna Eeshorda haayrammi, "Moabki ningthou Zipporgi machaanupa Balakna thaarakpa mishingni. Mahaakna eingonda haayhanli:

11 Mi kaangbu amaa Egypttagi thorakle. Makhoyna maalemsi thangadoure. Nahaakka maphamsida laaklaga makhoygi mathakta shaap toubiyu. Asumna tourabadi makhoybu maaythiba piduna eigi leibaaktagi makhoybu taanthokpa ngamgani."

12 Maasida Eeshorna Balamda haayrammi, makhoyga loynanaa nahaak chatpa yaade. Maramdi nahaakna shaap tougadouriba mishingsi Eina bor pikhraba mishingni."

13 Asumna Balamna ayuk nganna hougattuna Balakna thaarakpa ningthou machaashingduda paaosi tamlammi. Mahaakna haayrammi, "nakhoy nareibaakta hallo. Eeshorna eina nakhoyga loynanaa chatpasi yaade."

14 Asumna Moabki ningthou machaashingdu Balakki manaak taanna chatkhi. Makhoyna ningthouda tamkhi, "Balam eikhoyga chatsi haayba yaade."

15 Masigi mathangdasu Balakna ekaai-khumnaba hellaba ningthou machaashing mashing henna koukhattuna Balamgi manaakta thaarammi,

16 Makhoyna Balamda laaklaga haayrammi, "Zipporgi machaanupa Balakna asumna haayri “eigi ekaada laakpa matamda nahaak thoidokpa chingnaba toubiganu haayna ningthouna haayrak-e, 17 Maramdi eina nahaakpu thoidokna ekaai-khumnabaga loynanaa thouganjagani. Nahaakna haayba pumbaa loina paangthokchaagani. Amuktangdi lengbirak-u. Aduga mishingsibu shaap touduna tumna manghanbiyu."

18 Balamna Balakki manaaishingduda haayrammi, "Balakna sanaa amadi silver thanna peiraga eingonda pigadouba leirabasu epuroi Eeshorgi yaathangdu hiktoktuna henna nattraga waatna thabak touba ngambagi etik leite.

19 Eina nakhoyda haayribasini ahingsima eigida leiro aduga Eeshorna kari haayrakpa haaybadu takhisi."

20 Eeshorna ahingda laaktuna Balamda haayrammi, "mishingsina nahaakpu laak-u haayribanina phaare chatlo. Adubu Eina haayba waaduda nahaakna tougadabani."

Balam amadi lola

21 Maramsina Balamna ayuk hougatlaga Moabki ningthou machaashingduga loynanaa laaklammi,

22 Mahaakna chatpaduda Eeshorna yaamna shaaorammi. Mahaakki yeknaba oinaa Eeshorgi dutna laambelda leptuna leikhi. Matamduda Balam lolaa tongduna manaai aniga chatlammi.

23 Loladuna Eeshorna thaarakpa dutna laambelda leptuna leiribadu urammi. Duttugi makhutta makhum shatoklaba thaangshaang amaa paayduna leiribadu lolana ukhi. Loladuna maasibu ubada kiraduna loubuklomda chenthakhirammi. Balamna loladu phuraduna amuk haanna laambelda chatnanaba hotnarammi.

24 Eeshorgi duttuna angur engkhon-gi tainapham nakan animakta chekpan khagatpa akhuba laambel amada lepladuna leirammi.

25 Loladuna Eeshorgi duttu uraduna chekpanda chensinba matamda Balamgi makhongdu paallammi. Maramsina Balamna loladubu amuk haanna phurammi.

26 Masigi matungda Eeshorgi duttuna yet oyda leithok leishin leitba lembel amada leptuna leirammi.

27 Loladuna duttu ubaa matamda Balamgi makhong anigi marakta tuthakhirammi. maasida thoidokna ashaaoba pokladuna makhutta paairiba cheiduna kanna phuram-i,

28 Eeshorna Loladu waa nganghankhi. Asumna haayrak-e, "nahaakna eibu ahumlak haanna phuribasi nahaakki kari mangnaba toukhrabage?"

29 Balamna loladuda haayrammi, "nahaakna eibu kayaada awaabada taahallabano? Karigumba thang pairamba thoklabadi nahaakpu kaktuna haatlamgadabani."

30 Loladuna balamda haayrammi, "eihak nahaakki shadong oiriba nattra? Ngasi phaaoba nahaakna eigi ethakta tongduna leiriba nattra? Eina mamaangeida asigumna toukhiba yaaobra? maduda Balamna haayrammi, "chummi mamaangeidadi asumna amukta toukhidri."

31 Masigi matungda Eeshorna Balamgi mamit panghallammi, Eeshorgi dutna makhum yaaodaba thaangshaang amaa paayduna laambelda leptuna leiribadu urammi. Maasi ubada kok nonthaaduna mamaay leida lukhi.

32 Eeshorgi duttuna haayrammi, "nahaakna loladu ahumlak shaathina phubiriba karigino? Eina nahaakpu thinge haayduna laaklibani. Maramdi nahaakna chatlibadu eihaak yaaningde.

33 Eibu ubada loladu kangaaonaduna chellibani. Karigumba lolasi chellamdaba thoklabadi nahaakpu haatlaga mahaakpu kanbiramgadabani.

38 Msida Balamna Eeshorgi duttuda haayrammi, "eihak lanjare. Nanaaina Ebungngona laambelda thattuna leire haaybasi khangjaramde. Maramsina nanaai eihaak eyumda hanjarage." 

35 Eeshorgi duttuna Balamda haayrammi, ”mishingsiga chatminnaro adubu eigi yaathang matung ennaa nahaak thabak tougadabani." asumna Balakna thaarakpa ningthou machaashingduga loynanaa Balam khongshaankhi.

Balakna Balambu kouba

36 Balakna Balam laakle taabada Moabki ngamkhei aroiba Arnon turelgi mapaanda leiriba Ar kouba saahardu taanna thoraktuna oklammi.

37 Balakna Balamda haayrammi, "eina ebungngobu kounanaba mi thaajakhiba nattra? Karigidamak Ebungngona nanaaigi manaakta laakpidribano? ebungngobu ekaai-khumnabada matik chadaba mini haayna ningbibra?

38 Balamna Balakta haayrak-e, "houjikti, eihaak nahaakki nanakta laakle. Adubu eina touningba toubadi yaaroidouri maramdi Eeshorna eingonda maasi haaygadabani taakpiba adutta eina haaydokpa ngammi."

39 Maasi haaynaraga Balam amadi Balak Kirjathhuzoth taanna laaklammi,

40 Balakna sanlaba amadi yaaonachingba puthoklaga thou touraba matungda Balam amadi mahaakka loynanaa leiriba ningthou machaashinggi sharuk tamlammi.

Balamgi ahaanba laiphao

41 Mathanggi ayukta Balakna Balambu puraga Bamouthbaal kouba maphamdu taanna chatlammi. Maphamdudagi mahaakna Israelgi mishingbu loina ubaa phanglammi.