Jeremiah 31
1 Eeshorna taakpiri: Matamduda Israelgi emung manung pumnamakki oinaa eina Eeshor oigani. Aduga makhoy eigi mishing oigani. Eeshorna taakpikhiba waashingdu asini:
Thanggi mayada chatkhidraba mishing, phangjakhraba thoujaan lamjaao lamhaangda, Israelna engthana pannanaba mapham thiba matamda,
3 Eeshorna makhoyda shaak utpikhibadu matam yaamna kuirabani, thaainadagi houna eina nakhoybu yaamna nungshikhibani, houjik phaaoba soinaidraba eigi nungshibadu nakhoygi nathakta leiri.
4 He Israel koubi, phanek khoidon shetlibi, nahaakpu eina amuk haanna shemgatpigani, nakhoybu eina amuk haanna shougatpigani, khongji amadi khuji siduna nakhoy leitenjaro. Haraao tayaamna jaagoi shaaduna chatliba jaagoi sabishingga loynanaa mapaan thokcharo,
5 Samariagi chingda nakhoyna amuk haanna angur paambi thajaro, angur hingon shemjinbashingduna manghankhibashingdu shemgatcharo,
6 Ephraimgi chingda mikap langhum yenglibashingduna khonjen houna laaorakkadaba numit amaa laakkani, "laak-o, eikhoygi Eeshorgi ching Zionda kasi haaygani."
7 Maramdi haayribashingsi Eeshorna taakpikhiba waashingni: Jacobki yengduna haraaobagi khonthokna laaokhatlu, khonjen houna amadi shengna laaoraduna Jaatshingbu chingbuyu, nakhoyna thaga eshei shaktuna phongdokchou, " Mapu mahaakki mishingbu kanbikhre, Israelgi marakta khakpikhre eremkhak ama."
8 Matou karamna eina makhoybu awaanglomdagi purakpage yeng-u, maalemsigi chidaishingda leikhrabasu eina makhoybu khomjinbigani, chingthahalloi mamit taangba, makhong tekpa, mironbi amadi chajenbi nupishingsu phahan-gani mashing yaamlaba shanggu ama.
9 Kapla-kapladuna hallakkani makhoyna mayumda, makhoybu pelhan-gani eina, oigani eina makhoygi loynanaba, atatpa leitana chenthariba echelduda chingbigani eina makhoybu, khudi thiroi makhoy, makhoyna lisang sitna chatkani, maramdi Israelgi makada oire eihaak mapaagi matou, Ephraim eigi echaa ahanni.
10 Jat khudingmak Eeshorgi waashingsi taro, maasibu laaothok-u, taahallu athaappa samudra khonganda leiba mishingda, Israelbu chaikhaaikhibadugumna amuk haanna makhoybu punshinbigani, yaaoshenba amanaa yaao shanggu senbagum mahaakna makhoybu senbigani,
11 Eeshorna Jacobpu kanbire, yaamna kanba yeknaba amagi makhuttagi mahaakpu kanbire, Ziongi chingdonda makhoyna haraaona laaoraduna kakhatkani, Eeshorgi matik mayaaiduda nungaaiba maaythong utkani, purakkani makhoyna mahei marong, anouba yu, amadi thao, nouriba yaao amadi sangi sallupsu puduna laakkani.
12 Ishing mapaan naaidana khiklaba leikongematougum oigani, awaatpa leiroi makhoy,
13 Leishaabishingna matamduda nungaaiba phongdokpa oinaa sagani jagoi, nahaa oiriba amadi ahanshingna phongdokkani haraaoba erangdu, makhoygi tengtha naoiribadu oihan-gani eina nungaaiba thoudok, eina makhoybu themjinbiduna awaabagi mahutta nungaaiba pinabigani,
14 Leibaksida thokpa potshinggi mapaanna purohit shingbu pelhan-gani, eigi mishingbu awaatpa amatta leihalloi. Masimak Eeshorna taakpiriba waaphamni. Eeshorna Israelbu kubiba
15 Eeshorna haaybikhiba waashing: taro, Ramahda matou thina kappa amadi tengthaakhon tari, kapli Rachelna mahaakki machaanupashingbu kouduna, makhoy taaibang thaadoktuna chatkhrabada mahaak themba yadana tengthaajari.
16 Eeshorna asumna taakpiri: khonjen waangna laaoraduna kaplibadu toklo, taahallanu piraang mittagi amuk hanna, nakhoyna nomjamandagi matik thokpa manaa phanglagani, hallaklani makhoy yeknabashinggi lamdagi ngamnamak,
17 Nakhoygi natungda nachaa nasu kayaa leihougani, nakhoygi nachaa-nupaashingu mareibaakta shoydana hallakkani,
18 Ephraimna mahaakki awaaba pothoklibadu eina taare, potpu thangdriba san-lamchagumna nahaakna eibu laakpiri, nanaaibu kanbiyu, pubirak-u eibu ephamlangda maramdi he Eeshor, ebungngodi nanaaigi mapuduni.
19 Nanaina samai leikhraba matungda kairaba thamoi puduna hanjarakli, houjikti eihaak taare, maramsina thamoida khudumna sujari, nangli ekaaiba amadi awapotthokpa, khangli nanaaina nahaa oiringeida toukhiba araanbashingdugi mahei oina.
20 Ephraim houjik phaaoba eigi nungshiraba echaa-nupaa oiribra? Eina yengbada pukning nungaaijaraba angaang amaa oiribra mahaak? toyna mahaakpu khonggaonaraga thoina hennadum ningshingli mahaakpu. Maramsina khouraangli thamoida eigi nahaakpu, mahaakpu nungshibana eigi pukningsi enou noure, masimak Eeshorna taakpiriba waaphamni.
21 Nung peikhattuna nakhoygi laambel mashak tak-u, khangnanaba urong khillu. Chatkadaba laambeldu soiraroi haayba khangu, nakhoyna chatkadouriba lambidu mashak khang-u, he phanek khoidon shetlibi Israel, hallaklo, hallaklo nahaakki saaharduda.
22 Pukchel khoirabi echaa nupi, matam kayaa kuina nahaak pukning lepkhiroidage? Eeshorna taaibang-paansida anouba pot amaa shembire: nupina nupaa olle.
23 Sraelgi Eeshor nongthak nongkha anigi Eeshorna taakpiba waashingni: Eina makhoygi yaaiphabadu hanjinbiba matamda haayriba waashingsi amuk haanna Judahgi saaharshingda taaba phan-gani. Eeshorna nakhoybu bor pinabigani, oibiri Ebungngona achumba panthung amadi shenglaba chingdu.
24 Maphamduda Judah amadi masigi saahar pumnamak amatta oinaa tingani, tingani langgon paayba amadi yaaoshenba mishingsu amatta oina.
25 Khoiraanglaba thawaaydu pelhan-gani eina, lambana sikanglabashingdu thalhan-gani eina.
26 Khudaktumaktada eina hougatlammi. Aduga maangkhiba mangdu ningshinglubada nungaaiba poklammi.
27 Eeshorna taakpiri: taaibang mioibagi machaa manaao aduga shaa uchekki mapaan naaidraba maheidu utkadaba matamdu kuidrabani.
28 Eina makhoygi mathakta yengshinduna mangnnaba, taknaba, marai chaithanaba, maru phangna tumkhinaba aduga makhoygi mathakta phattaba thoknanaba toukhibagumna houjikti makhoybu chaao-khatnaba eina chekshinna yengshinbigani. Masimak Eeshorna taakpiriba waaphamni.
29 Adugumba numit shingduda makhoyna haayroi: ”mapa oibashingna asinba angur mahei charaga, machaa oibashinggi maya kummi. "
30 Mi khudingmak manaa manaa touba paaptugi mahei puduna amaang yathong kumgani. Asinba angur mahei chaaruba nupaadugi mayaduda kumgani.
31 Eeshorna taakpiri: Judah amadi Israelga eigaa yaanaduna areppa waashak amaa lounagadaba matamdu laakle.
32 Haayriba areppa waashaksi makhoygi mapaa mapushing ekhutmakna chingduna Egypt leibaaktagi purakkhibashingduga lepnakhibaduga mannaroi. Eeshorna taakpiri makhoyna eigi areppa waashaktu thugaaykhrabasu eihaak tuminna khaangduna leirammi.
33 Eeshorna taakpiri haayriba areppa waashaksidi Israelga loynanaa mathakta pankhriba numit shingsigi manungda leplagadouribani. Makhoygi pukningda eigi puyadu egani. Egani makhoygi thamoida. Eihaak makhoygi Eeshor oigani. Aduga makhoybu eigi mishing kougani.
34 Matamduda makhoy amanaa amada Eeshorbu mashak taknararoi. Eeshorna taakpiri makhoy pumnamak achouba machaa khaktana eibu mashak khanggani. Maramdi eina makhoyna toukhiba araanba pumnamak ngaakpigani aduga makhoygi paapshingdu ningshinglaroi.
35 Mangaan phangnanabagidamak nungthinda numit, numidaangda thaa amadi thawaan-michak pinabiriba, samudra eethak houhanbiduna eraokhon thok-hanbiriba Eeshorgi waashingni. Khangnei ebungngo mahaakpu nongthak nongkha anigi Eeshor haayna.
36 Eeshorna taakpiri: asigumba areppa chatnaronsi kairabadi, Israelgi chaaron taaibangda leiraroi, oiraroi mapung phaba jaat amaa eigi emit maangda.
37 Eeshorna taakpiri: kanaagumba mina nongmadonsi onba ngamlaba, natraga maalemsigi arubadu khangba ngamlabdi, Israelgi mishingna toukhiba thabakshingdu ningshingduna eina makhoybu mang tak-hanba yagani. Masimak Eeshorna taakpikhiba waani.
38 Eeshorna taakpiri: saahardu Eeshorgi ekaai-khumnaba phongdokpa oinaa Hananelgi awaangba yumdudagi louraga chithekta leiba sannathong youba phaaoba shaagat-kadaba matamdu laakli.
39 Maraak mayung ongadouriba thouridu Gareb ching laanduna Goahgi akoybadu yougani.
40 Tampaak amadi loubuk Kidron kouba eephuttagi louraga Nongpoklomda shagol thokphamgi sannathong youba phaaobadu Eeshorgi makada ashengba mapham oigani. Haayriba maphamsi keidoungeidasu manghan taahallaroi.