Numbers 34
Lamgi Ngamkhei
1 Eeshorna Mosesda haayrammi,
2 "Israelgi mishingda yaathang amaa touduna asumna haayyu: nakhoyna Canaan-gi lamda changba matamda (Nakhoygi chaakthung oinaa Canaan-gi lamsi pirabani)
3 Nakhoygi khaa thangba ngamkheidu Zingi lamhaangdagi Edomgi nakan adomda Nongpoklomda thumgi samudragi aroibadu phaaoba oigadabani.
4 Maphamsidagi nakhoygi lamgi ngamkheidu Akabimgi tongkhatlibadu yougani. Masidagi Zin phaaoduna chatlaga Kadesbarneagi khaa thangbada loigadabani. Masidagi Hazaradar youraga Azmon youkhigani.
5 Azmondagi Egyptki eephuttu youraga epaak leiribaduda loigani.
6 Maningthangba ngamkheidi achouba epaak leiribaduda oigani. Masidagi houraga nongchuplomda leiriba lamshingdu nakhoygi oigani.
7 Nakhoygi awaanggi ngamkhidi: achouba epaak leiribadudagi Hor kouba chingdu yougani.
8 Hor chingdagi Hamathki changphamdu phaaoba amaa oigani ngamkheigi aroibadu Zedad oigani.
9 Masidagi Ziphron youraga Hazarenan phaaoba shaandokkhigani. Masina awaanggi ngamkheini.
10 Nakhoygi nongpokki ngamkheidusu mayek lana khangadabani. Hazarendagi Sepham phaaoba oigani.
11 Sephamdagi Riblah youraga Aingi nongpok yougani. Nongpoklomda paring oinaa chatlaga Chinnerethki samudradu yougani.
12 Masidagi Jordan youraga thumgi epaak kounaribaduda loigani.
13 Mosesna Israelgi mishingda haayrammi, "Eeshorna tribe mapaanga tangkhay leihouribaduda naraibak yengnaraga yennou taakpikhiba lamdu haayribasini.
14 Gad amadi Reuben tribeki machaanupashingdu makhoygi mapaa mapaagi matung ennaa phangpham thokpa chaakthungdu phangkhre. Makhoygi manungda manasseh tribe tangkhay amasu yaaokhrabani.
15 Numit thokliba nongpok maaykeida Jordan turelgi waangmada Jericohda tribe ani tangkhaygi chaakthung pikhrabani.
Luchingbashingna lam yenthokpiba
16 Eeshorna Mosesda haayrammi,
17 "Chaakthung yenbiba matamda thabak paaykhatkadouba mishingdu asini: purohit Eleazar amadi Nun-gi machaanupa Joshua,
18 Lamsi yenthokpa matamda tribe khudingdagi luchingba amam-mam khandokkadabani.
19 Luchingbashinggi mamingdi makhaada piribashini:
Judah tribeki luchingbadi Jepunnehgi machaanupa Caleb
20 Simeon tribeki luchingbadi Ammihudki machaanupa Shemuel
21 Benjamin tribeki luchingbadi Kislongi machaanupa Elidad
22 Dan tribeki luchingbadi Jogligi machaanupa Bukki
23 Josephki machaanupa Manasseh tribeki luchingbadi Ephodki machaanupa Hanniel
24 Josephki machaanupa Ephraim tribeki luchingbadi Shiphtan-gi machaanupa Kemuel
25 Zebulun tribeki luchingbadi Parnakki machaanupa Elizaphan
26 Issachar tribeki luchingbadi Azzan gi machaanupa Paltiel
27 Asher tribeki luchingbadi Shelomigi machaanupa Ahihud
28 Naphtali tribeki luchingbadi Ammihudki machaanupa Pedahel
29 Haayribashingsina Israelgi mishingda Canaan-gi lamdu yenthokpiba matamda thabak paaykhatkhiba mishingni. Maasi Eeshorgi yaathang matung ennaa toukhribani.