Ezra 6
Cyrusna touramba yathang thidokpa
6 Masigi matungda ningthou Dariusna yathang ama touduna Babylonda leiba thoudok isinba lairik thamphamduda waronsi leibra haina thiba hourakkhi. 2 Mediada leiba konung Ecbatanada wari singbun iriba che makon amada thoudoksing isinba lairik haiduna thengnakhi.
3 " Ningthou Cyrusna panba ahanba chahida yathang ama tourammi madudi iratpa amadi meida katpa thounachingba tounanaba Jerusalemda leiba Mapu ningnashangsi amuk hanna sagatlu. Awangbana metre kuntaret aduga apakpasu metre kuntaret oihan-gadabani. 4 Achouba phaklanggi maongdu nung maron ahum tharaba matungda khangelgi maron ama chatkadabani. Changgadouba peisa pumba ningthougi langeidagi puthokkadabani. 5 Masiga loinana sana amadi lupagi patrasing Jerusalemgi ningnashangdagi Nebuchadnezzarna louthoklaba Babylonda pukhibasingdusu amuk hanjinkho. Madu Jerusalemda leiriba ningnashangda hannagi maphamda thamsanu."
Dariusna thabak makha chatthanaba yathang touba
6 Masigi matungda Dariusna paokhum oina makhagi asumna ikhi:
"nongchup Euphrateki leibak ngakpa Tattenai aduga Sethar-Bozenai amadi atei phamnaibasinggi maphamda khanghanjaningbadi asini: " Ningnashang sariba aduda yetpa yaroi. 7 Chatthariba thabaksi makha tana paikhatsanu. Judah amadi Judahgi luchingbasingna Mapu Ibungogi ningnashangsi amuk hanna sagathallu. 8 Makhoina touriba thabaksida changgadouba peisa pumnamak nongchup Euphrateta leiriba lamsingdagi karakpa khajanaduna oigadoubani. Asumna thabak adu makha tana ayetpa leitana chatthahankhi. Masi eigi yathangni. 9 Koirou malem anigi Mapu Ibungogi sebada changgadouba potsing san, lamcha, yao macha nattraga hamengnachingba amadi Jerusalemda leiriba purohitsingna chanaba gehu, thum, drakha mahi, amadi thaonachingba nungtigi wattana pigadabani. 10 Koirouthakta nganthoiriba Mapu Ibungogi maphamda penna thounachingba kattuna ningthou amadi mahakki machasingbu punsi sangna ingna pannanaba bor nibisanu. Aduga masi karigumba soiba thoklabadi, soihalliba nupadu mayumgi khangelda punduna dandi pigadabani. Adugumba nupagi mayumdu tumna manghan-gadabani. 12 Maphamduda leige haina laiphaobiriba Mapuna ningthou Nattraga mishing haibadi yathangsibu onthokke toubasingdu nam-thabisanu. Jerusalemda leiriba Mapu Ningnashangbu manghange chongthorakpasingdu awaba tasanu. Yathangsibu touriba nupadi ningthou Dariusni. Maram-sina yathangsi phajana pangthokkadabani." 13 Masidagi ningthou Dariusna thakhiba yathang matung inna Euphrate turel wangmada leiriba leibak ngakpa Tattenai aduga Sethar-Bozenaini aduga makhoigi Loinabasingna ningthou Dariuski yathangdu Mapung phana pangthokkhi. 14 Wa takthokpa Haggai amadi Iddogi macha Zechariahgi mapanna Jewdisinggi ahansingna thabak lepkhide. Aduga thoinadum chaokhatlammi. Israelgi Mapu Ibungogi yathang aduga Cyrus, Darius amadi Artaxerxeski yathang matung inna makhoina thabak adu loisinkhi:15 Ningnashang sabadu ningthou Dariusna panba chahida taruksuba Adar thagi humnisuba numitta loikhi. 16 Israelgi mishing, purohitsing, amadi lanpha oina chatluba mishingna ningnashangdu haraona sangarammi. 17 Mapu Ningnashangsi shanggabada shal chamma, yao chani, yao macha chamari katlammi. Israelgi aran thou oina hameng laba taranithoi, Israelgi jat mashing suna katkhi. 18 Mosesgi puyada iba matung inna Jerusalemda Ibungogi thougan-gidamak purohitsing magi magi kanglup leikhi. Aduga Levisingsu magi magi maphamlangda phamlammi.
Aran chakchangba
19 Ahanba thagi taramarinisuba numitta lanpha oina miramda leirubasingna aran chak khangkhi. 20 Ihan hanba purohitsing amadi Levisingna masa sengdo klammi. Maramsina makhoina lanpha oina chatluraba mishing amadi makhoi masamakki oina Aran chakkhangbagi yao hatlammi. 21 Madu Israelgi lanpha oina chatluraba mishing amadi makhoigi marakta yaoriba mi khudingmakna charammi. Miransingdagi makhoi tonganna leijaraduna Israelgi Mapu Ishor-bu khurumjarammi. 22 Makhoina numit taretni chupna hamei yaodaba tal kattuna dharmagi thougai pangthokkhi. Maramdi Ishor-na makhoibu haraohankhi. Ishor-na Assyriagi ningthougi thamoi thothalbiduna Israelgi Mapu Ibungogi ningnashang sagatpada mateng pihankhi.