1 Timothy 2

Punna Eeshor khurumjanabagi taakpiba

1 Maram aduna eina ehaan hanbada ensillibani, madudi eikhoyna Eeshor ningba chinglemba matou pumnamakta amasung chikna paanba mipal oinaa pannanba, mi pumnamakki,

2 Ningthou amasung awaangba phamda leiba pumnamakki damak nonjaba, haayjaba; nibiba thaagatpa toubiyu.

3 Asi eikhoygi kanbiba mapu, Eeshorgi mityengda phajaba amasung ayabani. 4 Mi pumnamakpu kanbiba amasung makhoyna achumbabu changkhonna khangba ebungngo mahaakna paambani, 

5 Maramdi Eeshor amaa lei, Eeshor amasung mishinggi marakta tainabiba amasu lei, 

6 Mahaakti mashaamakpu pumnamakkidamak thaadokmal oinaa pibiraba mi oiba Christa Jesusni. saakhi asi acha achaaba matamda pibani; 

7 Adugi damak paao shaandokpa amasung paakhon-chatpa oinaa (eina achumba haayri, chinthide), thaajabada amasung achumbada atoppa Jaatshinggi oja oinaa eibu pham happire. 

8 Maram aduna nupaashingna ashaaoba amasung khanjanaba leitana ashengba khut thaanggattuna mapham khudingda haayjaba eina paambani. 

9 Adugumduna nupishingna ekaaiba khangna amasung pukning laakshinna masha mashaana achaaba phijet shetpa eina paambani; masham lonbana amasung sanaana, muktana, nattraga namal luba phijetna nattaduna, apha aphaba thabakna leitengjasanu;

10 Eeshor ningbini haayriba nupishinggi damak maasi matik chaabani.

11 Nupina changkhonna makha ponbaga loynanaa tuminna leiduna tamjasanu.

12 Touegumsung nupina tambiba, nattraga nipagi mathakta mapu oiba eina yaade, adubu tuminna leisanu.

13 Maramdi Adambu haanna shaabani, mattungda Hawabuni;

14 Aduga Adambu namthaak touba natte, adubu nupibu namthaak touduna ayol araanbada taabani;

15 Adubu makhoyna thaajabada, nungshibada amasung ashengbada pukning laakshinbaga loynanaa etat-tattana leirabadi, chabokpa aduda nupibu kanbigani.