Isaiah 14
Loi chatpadagi hallakpa
14 Ishor-na Jacobki imung-manungda amuk hanna thoujanbigani. Khanbigani Ibungona Israelbu amuk hanna, Ibungona makhoibu masagi hannagi maphamduda leihanbigani. Aduga lamlanba mishingna makhoiga loinana leiminnagani. Makhoina Jacobki imung manungda changjagani. 2 Mishingna makhoibu kouduna makhoigi hannagi maphamda purakkani. Israelgi mishingna Ishor-gi lamduda leiraba matamda makhoibu minai nupa nupi oina sijinnagani. Makhoibu bandi oina pukhibasingdubu makhoigi makhada bandi oina amuk leihangani. Makhoibu ot-neirambasingdugi mathakta makhoina mapu oiduna amuk panba hougani.
Babylon-gi ningthou asithenda
3 Nakhoibu awaba potthang puhanduna awa ana piramba amadi aranba thabak kaya touhankhibadu Ishor-na kokthokpigani. Matamduda nakhoina Babylon-gi ningthouda asumna noknagadabani:
4 "Ot neirambasingdu matou karamna namthakhiba, mei thokna saorambadu karamna meimuthankhiba.
5 Phattabasinggi cheidu Ishor-na thudekhre, leibak ngakpasinggi lichingdusu manghankhre.
6 Atatpa leitana mishingbu hatlamba, minungsi yaodana awaba piduna pallamba Jatsinggi mathakta asaoba meiriga loinana,
7 Malem pumba ingle, sabao lanbao leitre, houjikti makhoi nungngaina ishei sakle,
8 Shangdunata leiba usingduna nangbu noknabi, Lebanan-gi deodarsingna nakhoida hairi, nanggi narai lukhankhiba maramna, eikhoibu yannanaba kana ama phaoba laklaroi."
9 Leironnungda leiriba asithendu irang houre, umgadabagi ngairi nangna lakpa matamda, amambaduna nangbu okkadabagi ngairi, hey malemsigi luchingbasing, Jatsinggi ningthou oiribasingdu masina makhoigi singhasandagi irang houhangani.
10 Makhoina nangonda haigani: nangsu eikhoigumba asonba mishing oiredo, nangga eikhoiga karisu khetnnaba leitre."
11 Nanggi natik nayaidu asithenda leire, nanggi saranggi amadi khongnanaba jantrasinggi makhonduna oiri nanggi phamung, tinsingna nanggi naphi oire.
12 "Matou karamna nahak nongmadondagi leikha taraklibano, nungthinda thokpa thawan michak, anganba ayukki macha oiriba, jatsingbu leikha tahanba ngamba, karamna nahak leikha taribano?
13 Nanggi thamoinungda haijari, eina nongmadon yougani, Mapu Ibungogi thawan michaksinggi mathakta kagani, awangba nongmadonda eigi singhasandu thamgani, awanglomda leiriba athappa maphamduda miyam tinbagi mathakta eina phamduna leigani.
14 Nongmadonda leiriba leichin-gi mathakta eina kakhatkani, eina khwaidagi wangthoiba mapugumna pan-gani,
15 Adubu nangbu asithen-gi leironnungda tahalledo, taredo houjikti aruba komduda,
16 Nangbu ubasingduna munna yenggani, nanggi maramda wakhan tougani. "Masira malemsibu nikhankhiba nupadu, masira jatisingbu nikkhiba nupadu.
17 Oihankhiba malemsibu leikangla, masida leiramba saharsingdu manghankhiba, mahakna bandi oina thamkhibasingdu mayumda hankhidaba"
28 Jatsinggi ningthousingdi matik mayaiga loinana pallido, pallido makhoina magi magi mongphamda,
19 Adubu nakhoidi mongphamdudagi phaoba thapna handokkhre, matam chadana pokpa asiba masagumna, thangna lengduna hatlaba mishinggumna, aruba komduda taduna leikhraba nunggumna, amadi asiba masada khongna nettuna chatpagumna.
20 Nahak siba matamda makhoiga loinana phubiroi, maramdi nangna nasagi leibaktubu manghankhre, nahakna nasagi mishingdubu hatkhre. "phattaba thabak toubasinggi dharadu keidoungeidasu maming pandasanu,
21 Maramsina adugumba nupaduna pokpa machanupadu hatnanaba thourang touro, maramdi makhoigi mapanna maran yamna leiraba thabak kaya toukhi, nattrabadi makhoina hougatlaktuna malemsibu lousinkhiba yai, malemsigi leimaida makhoina sahar kaya amasu lingkhatlakpa yai."
Mapuna Babylonbu manghan-gani
22 "Nongthak nongkha anigi Mapu Ishor-na hairi," Eina makhoigi mayokta thokkani. Takpiri Ishor-na manghange eina Babylon amadi masigi maming, masigi dhara, iremkhak, amadi matik mayai pumnamak 23 Masida oihan-gani eina uchi machasinggi leipham, oihan-gani masibu pat, sitokkani masibu eina mang takpagi sumjit paiduna. Asumna takpiri nongthak nongkha anigi Mapu Ishor.
Mapuna Assyriabu manghan-gani
24 Nongthak nongkha anigi Mapu Ishorna sari namungkhre,:
"Eina sinkhiba matung inna madumak thok-han-gani, eina oihange ningkhibadumak soidanasu thok-han-gani,
25 Eigi lamduda Assyriasingbu maru thudekkani, eigi loibi chingduda makhoibu khongnetnapham oinagani, mahakki potpudu mishinggi mathakta tahalloi, mahakna touriba potlum punaba thourangdu makhoigi marengbandagi louthokpiragani,
26 Masimakni malemsida leiribasinggi oina eina sinkhribadu, masi pangthokkadouriba khuttuna Jatsinggi mathakta sandokli.
27 Karigumba nongthak nongkha anigi Mapu Ishor-na hairibasingsi sinanakhrabada mairong yagadaba kana leibage? mahakki makhut tingthorakpada kanana thingba ngamgadage?
28 Ningthou Ahazna nonggaba chahiduda makhada piriba wasingsi hairakkhi:
Mapuna Philistisingbu manghan-gani
29 "Philistising nakhoi ningaidana nungngaina leithokkanu, nakhoibu laksinbada sijinnaba cheidu tekkhre haiduna haraoganu, linkhaktu thorakkani makhundgi, madudagi lakkani apaiba lin ama.
30 Lairabasinggi ahanba pokpasingdu thanna pija pithak tougani, leitalairasingdu asoi angam leitana leigani, adubu eina nakhoigi dharadubu chak tanghanduna hatkani, nakhoigi iremkhakni haina leiribasingdu eina loisingani,
31 Tengtharo, hey kharai thonggalsing, tengtharo hey saharsing, hey Philistising, nakhoi loinamak kijaro, maramdi awang haram pangbadagi meikhu thorakle, lakliba kangluptugi marakta michen amatta yaode."
32 Jattisinggi pao chatliba nupaduna kanana kari haigani? "Ishor-na Zionbu masak khangle, masigi manungda mahakki awaba nanglaba mishingdu potthapham oijari.”