Psalm 45
Ningthou Macha luhongbada sakpa ishei
45 Marik chumlaba wahei kayagi ithin pukningda pallari, seirengsi iningthougi gundu thaduna irage. Aseiba kanagi kalamgi machingumna, seirengsi leitonda leirel.
2 Nahakti taibangsida phajabada lamba leite, nahakki ngangthorakpa waheidu tabada sumhatli, ipuroina nahakpu matam leibada kubiri.
3 Hey akanba, nakhwangda thangshangdu yansillo, nahak yaiphare amasung chinglemle.
4 Chinglembaga loinana langam phiran haigatnaba sagol thouro, achumba amadi ningthijabadu ngakpa ngamnabagidamak napanggaldutana lan ngamgadouribani.
5 Nahakki tendu machin thouwi, maduna nahakki yeknabasinggi thamoi phaodokpa ngammi. Jat kaya nahakki mangda marai nonjari.
6 Ipuroina nahakki naphamda pinabikhraba leibaktu. Lomba naidana nahakki oiragani, nahakna wayelba matamda nahakki mishingdu achumba phanggani.
7 Achumbadu nahakna pammi, aduga phattabadubu nahakna tukkachei. Maramsina napuroina nahakpu ningthou oinaba khankhrabani, malemsida leiriba ningthousingdagi henna nahakki naphamda Mapu Ibungona thoina yaiphabadu pinabire.
8 Nahakna setliba phidu agar amadi kastarigi manamna thalli, samu mayana leitenglaba konung kayada ishei sakpasingna nahakpu thougan touri.
9 Nahakki konungda leiriba leisabisingdu ningthougi machanupisingni, asengba sanagi leiteng thonduna nahakki phambalgi yet thangbada maharanina leplaga seba touri.
10 Ningthougi keina oigadouribi, eigi wasi taro, nahakki mishing amadi mari matasingdu ningsingluranu,
11 Nahakki ningthijaraba maithongsi uraga ningthouna nahakpu nungsigani, mahak nahakki nabungngoni maramsina mahakna haibadu nahak ingadabani.
12 Tyreda leiba mishingna khudon kaya nahakkidamak purakkani, inak khunba kayana nahakki naphamda changjarakkani.
13 Ningthou machanupidu konungda leire kayagi matik magun leiriba, mahakki phijettu sanana maphen oibani.
14 Loina khaminga loinana phajaraba phijetna leitenglaga ningthougi nakta changsillakle. Makhoisu ningthougi nakta chatli.
15 Makhoina pukning maka lamna ningthougi konungda khongdoirakli.
16 Iningthou, Ibungodi nachanupa kaya pokkani, Ibungogi pari purigi khubhamdu makhoina singani, malemsi sinbathungna Ibungona makhoibu wayalhangani.
17 Nanaina sakchariba isheisina iningthougi minglendu malemsi phaoduna chatkani, lakkadouriba matamsingdudasu Ibungogi matik magundu taibangsina thagatnagani.