Numbers 15

Thougi chatna pathapsing

15 Eesor-na Mosesda haayrammi, 2 Israelgi misingda asumna haiyu: Eina nakhoyda pikhiba nakhoyna leigadouriba leibaaktu youba matamda, 3 Eesor-gi khuyaakhaada yaao sanggu nattraga san, sanggulaktagi meida thaaduna katnanaba thou nattraga waasak ngaakpagi thou oinaa nattraga atei atei thouda katpagumna yaao nattraga san katkadabani. Eesor-da manam nungsina thousi katkadabani. 4 Thousi katnaba Eesor-da saa purakpa nupaaduna thouduga loynanaa mahei maronggi thou oinaa aphaba ata kilo amaa, thaao liter 1 purakkadabani. 5 Thaaknaba thou oinaa katnanaba angur mahi liter 1 katkadabni. Haayriba-singsi yaao amam-mam meida thaaduna thou touba matamda katkadabani. 6 yaao laaba amaa katpa matamda nakhoyna mahei maronggi thou oinaa katkadaba pottu aphaba ata kilo aniga thaao liter 3 oigadabani. 7 Masiga loynanaa angur mahi liter 1.2 su hapkadabani. 8 sanlaba amaa Eesor-gi khuyaakhaada meida thaaba nattraga waasak ngaakpa nattraga lamdaai sumdaaigi thou oinaa katpa matamda 9 Mahei maronggi changdi aphaba ata kilo 2.7 ga Chorphon-gi thaao liter 1.8 ga oigadabani. 10 Masiga loynanaa angur mahi liter ani oigadoubani. masidagi thorakpa manamduna Eesor-bu pelhangadoubani.

11 Mathakki niyamsingsi nakhoyna sanlaba yaao laba, haameng laaba nattraga machaasing katpa matamda en-gadabani. 12 nakhoyna thouraangliba misingdugi matung ennaa chaang naaina potsingsi katkadabani. 13 Meida thaaduna Eesor-gi maphamda manam nungsiba thok-handuna thou katpa matamda nakhoygi narakta hannadagi leiraklaba misingduna haayribasi tougadabani. 14 Kanaagumba lamlaanba mi nakhoygi narakta leiriba amanaa nattraga matam kuina nakhoygi narakta leiraklaba mi amanaa meida thaaduna thou touraga manam nungsiba thok-handuna Eesor-da katchage ninglabadi, nakhoyna touribasigumna mahaaksu tougadabani. 15 Chatnapathapti saaidaangba nattraga nakhoygi narakta amatta oigani. Pathapsi hongba yaaroi. nakhoyna toubagumna saaidaangliba misingnasu Eesor-gi maphamda katchage haayrabadi chatna phthaptu mannagani. 16 saaidaangba amadi nakhoygi misinggi marakta asigumba chatnapathampsi khetnnaba leiroi.

17 Eesor-na Mosesda haayrammi, 18 "Israelgi misingda haiyu: Eina nakhoybu pigani haaykhiba leibaaktuda laaklaba matamda 19 Lamduda pallamba mahei marongsingdu chaaba matamda, nakhoyna Eesor-gi khuyaakhaada thou katkadabani. 20 Khudon oinaa nakhoyna chagadaba charadudagi tal mapak amaa katkadabani. Khudon oinaa lou yeiphamdagi haayriba-singsi katkadabani. 21 Matam leibada asigumba athoiba khudonsi nakhoyna houriba taldudagi khaaidoktuna Eesor-gi saruk tamgadabani.

22 Eesor-na Mosesda pikhiba yaathangsingsi kanaagumbana enba ngamdrabadi 23 miron laakkadoubasingduna Eesor-gi yaathangsisi endrabadi, 24 Yaathang endrabadi, Karigumba miyaamna thousadaduna toukhiba oirabadi, Eesor pelhannabagidamak manam nungsiba thoknanaba meida thaaduna sanlaba amaa katkadabani. adugaa masiga loynanaa mahei maronggi thou amadi thaaknaba mahinchingba matik chaana katkadabani. Ayon-araangi thou oinaa haameng laaba amasu katkadabani. 25 Purohitna Israelgi misinggi damak ayon-araangi thou tougani. maasi touthoklabadi makhoyna toukhiba marandu kokle haayna lougani maramdi makhoyna toukhiba araanbadu touge ningna touba natte. Makhoygi ayon-araangi thoudu mahei maronggi thou katpagumna Eesor-gi maphamda purakkadabani. 26 maasi paangthoklaba matamda Israelgi misingbu ngaakpigani. Makhoygi marakta leiriba saaidaangliba misingdusu ngaakpigani maramdi leibaaktuda leiriba mi khudingmak lalle haayna lougani.

27 Kanaagumba nupaa amanaa khngna khngna laankhiba nattrabadi chahi amaa subaa haameng amom amaa ayon-araangi thou oinaa katkadabani. 28 Mahaakna khngna touba araanba nattrabadi, araanba thabak toukhiba nupaadugidamak Eesor-gi maangda Purohitna thoudu paangthokpigani. Ayon-araangi thousi katlaba matungda mahaakki marandu ngaakpire haayna lougani. 29 Khangna khngna touba araanba nattrabadi, nakhoygi mising amadi saaidaangliba misinggi marakta araanba toukhiba koknaba pathaptu amatta oigadabani. 30 nakhoygi mising nattraga saaidaangba misinggi maraktagi kanaagumbana touge khanduna Eesor-gi mathakta phattaba thabak tourabadi, adugumba nupaadu mahaakki salaaidagi taanthokkani. 31 Adugumba nupaaduna Eesor-gi waa endaduna yaathangdu thugaayrabadi nupaadumak salaaidagi amauk hanjillakpa yadanaba taanthokkhigadabani. Mahaakna touba marangemaheidu masaana phanghangadabani.

Potthaaba numit ngaktaba migi maramda

32 Israelgi misingna lamhaangda leiringeida kanaagumba nupaa amanaa potthaaba numitta sing khunba urammi. 33 nupaaduna sing khullingei matamda thengnaba nupaa kharana mahaakpu phaaraga Moses, Aaron amadi miyaamda pura klammi. 34 nupaadugi mathakta kari awaapham pigadage haaybadu khangdaba maramna makhoyna nupaadubu keisum-sangda thamlammi. 35 Eesor-na Mosesda haayrammi, “nupaasibu haatkadabani. miyaam leiriba sanggi mapaanda mahaakpu puthoklaga nungna thaaduna haatkadabani. 36 mi leiriba sanggi mapaanda puthoktuna mahaakpu nungna thaaduna haatkhi. Masimak Eesor-na Mosesda pikhiba yaathangdugi matung ennaa toukhibani.

37 Eesor-na Mosesda haayrammi, 38 "Israelgi misingda haiyu: miron-miron khudingda makhoyna setliba phigi machida leigumna leirong yekkadabani. Haayriba leirongsida mangra machugi langna sangna mapaan chelhangadabani. 32 Leirongsi ubaa matamda nakhoyna Eesor-gi yaathangdu ngaakna chatkadabani. nakhoyna apaambadu touda nabani. Namitna mitaba pottuda luppa yaaroi. 40 asumna yaathangsingdu ningsingduna ngaakna chatkadabani. Napurougi maphamda nakhoysi asengba mising oigadabani. 41 nakhoygi napuroi oinanaba Mapu oiriba Eina nakhoybu Egypttagi purakpani. nakhoygi napuroi Eesor-du Eini.